و جاء اليوم المنتظر الي بتصير فيه الاحداث
لبس و جهز اغراضه و رايح لديره و قاعد يكلم سعود
سعود : ها متى بتمشي ؟
رعد : بالليل ان شاء الله الحين بروح ل ابو عبدالله عازمني للغدا
سعود : اي زين بالعافيه انتبه للخط
رعد كان يبي يقول لسعود انه يحب و قال :
.
جاني و انا مالي بالمحبه ميول وحببني بسوالف ما كنت احبها
.
"و مثل ما قلت رعد ماكان يومن بالحب ولا توقع بيوم من الايام انه بيحب "
سعود : ههههههههههه صح لسانك تقصد من ؟
رعد : مدري كيف اقولك يا اخوي
سعود : قل يا رجال عادي
رعد : شادن
سعود : شادن !!!!
رعد : ايوه ليه فيها شي
سعود : لا والله مافيها شي بس انصدمت لانك ما تطيق طاري الحب و صرت تحب المهم تعال الديره بسرعه عندي اساله كثير
رعد : ههههههههه قلت لك يا رجال جاني و انا مالي و مال الحب المهم وخر بس
.......
في مجلس الرجال
ابو عساف : اقول يا ابو رعد انا عندي طلب و ان شاء الله ما تردني
ابو رعد : ابد اطلب و ابشر به
ابو عساف : ابي ولدك رعد لبنتي ريم و على قوله المثل اخطب لبنتك قبل ولدك
ابو رعد : ابد تمم والله ونعم ب ريم
ابو عساف : اخذ راي رعد طيب
ابو رعد : معليك من رعد رايي و رايه واحد
سعود : السلام عليكم
الكل : وعليكم السلام
ابو رعد : يا سعود ترا خطبنا ريم لرعد
سعود : كيف !!!!
الكل : وش الي كيف
سعود : ولاشي خلاص
سعود كان بصدمه من حكي ابوه و عمه و حكي رعد
........
عند الحريم
جاهم خبر ان رعد خطب ريم
ديم انصدمت لانها كانت تحس ان رعد يحب شادن
ام رعد : مبروك يا بنتي ريم
ام عساف : الله يبارك فيك
ريم مستحيه و طلعت غرفتها و هي تنطط من الفرحه دخلت عليها ريمان
ريمان : بسم الله شفيك تنطين
ريم : مالك دخل و كملت
ريمان : وين راح الخجل الي تحت
ريم سحبت عليها و كملت
.......
عند بطلتنا رجعت للبيت تعبانه مره و تبي تنام دخلت شافت امها طايحه ع الارض ركضت ع طول لها و هي تصيح
شادن : يمه يمه
ام شادن ما فيه استجابه
شادن : قعدت تصيح و تبكي و تدق ع اختها هديل ما ترد و دقت ع السواق
شادن : تعال بسرعه و هي تبكي
السواق : طيب
شالوا ام شادن و دخلوا المستشفى
شادن : وش فيها يا دكتور
الدكتور : مدري للحين بس ان شاء الله انها طيبه
قعدت شادن تبكي و تصيح
.......
عند بطلي كان يبي يركب و قفل الباب بالغلط ع اصبعه و قعد يتالم منها
رعد : اوههه ي الالم قلب لونها بنفسجي شكلي بروح المستشفى
حرك رعد للمستشفى وقف و نزل و يسمع صراخ بنت
رعد : بسم الله وش فيها
دخل و شاف شادن و كانت تصيح و مب حاسه بنفسها و طاح منها حجابها
رعد : شادن !!!!!!
ركض لها
رعد : شفيك شادن
شادن و هي تصيح : امي اميي
رعد : شفيها امك
شادن : ماتت و تشاهق و رعد يسمي عليها
رعد : ان لله و انا إليه راجعون
وقف و عطاها حجابها و قعد يهدي فيها الا تجي هديل : شادن وين امي و هي تبكي
شادن تشاهق : ماتت و تبكي
هديل طاحت ع الارض و اغمى عليها
........
نرجع فلاش باك
شادن جالسه تدعي ل امها
طلع عليها الدكتور و وجهه ما يبشر بالخير
شادن فزت : امي شفيها
الدكتور : استهدي بالله يا بنتي و اذكري ربك و الموت بيجينا كلنا
شادن لما سمعت ذا الكلام عرفت ان امها توفت و قعدت تصيح و تبكي
......
رعد يدق ع اهله
ام رعد : هلا يمه شفيك
رعد : يمه تعالوا الرياض و قال ل امه السالفه كلها
ام رعد : ان لله و انا إليه راجعون يلا يمه بكلم ابوك
ام رعد : ابو رعد سعود
ابو رعد : هلا
سعود : لبيه يمه
و قالت لهم ام رعد السالفه كلها
الكل : ان لله و انا إليه راجعون
و جهزوا اغراضهم و بيرجعون لرياض
..........
هدت شادن و رعد جالس جنبها و يذكرها بربي
وصلت عائله ابو رعد و توجهوا للمستشفى ع طول
ام رعد راحت لشادن و حضنتها و تسمي عليها
شادن : ماتتت خلاص ماتت
ام رعد : لا يا امي انتي ما ماتت هي حيه
شادن تبكي
جات ديم
ديم تضم شادن و تبكي معها
و قال ابو رعد وين اختها
رعد : طاحت يبه و الحين ب التنويم
ابو رعد : يا ام رعد روحوا ل اختها بالتنويم
فزت شادن : وين هديل وينها
ام رعد : موجوده موجوده بنروح لها الحين
شادن مشت معهم و هي تبكي
دخلوا عند هديل و تو هديل صحت و استوعبت و قعدت تبكي
ام رعد : بسم الله عليك اهدي يا امي
جاء ابو رعد و معه قران و قعد يقرا عليهم
و هدوا
.........
الاحداث الجايه حلوه مره
رعد بيعترف انه يحب شادن 🔥🔥
ديم بتنخطب 🔥🔥
و هديل بتنخطب لفيصل و سعود بيتهور عشان ما تروح من يده 🔥🔥
أنت تقرأ
جاني و انا مالي بالمحبه ميول وحببني بسوالف ما كنت احبها
Şiirاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
