في بدايه اليوم الجديد طلعت الشمس بوسط سماء الرياض
كانوا كلهم متجمعين على الفطور و ينتظرون ابو رعد نزل ابو رعد و لقى الكل مجتمع على السفره ينتظرونه
رعد : هلا والله ارحب
ابو رعد : هلا بك البقى
ام رعد ابتسمت و كانت فاقده جمعتهم و فاقده ابتسامت ابو رعد و ديم بعد وفاه عساف و نطقت : يلا كلوا بالعافيه
الكل : الله يعافيك
و بدوا يسولفون و ياكلون و كانوا فاقدين ذي اللمه من زمان بسبب موت عساف
ابو رعد : اليوم بسوي جمعه و كلمي يا ام رعد سعود و هديل و نواف و روان و انتوا لحد يروح مكان او يرتبط معا احد نبي نجلس كلنا معا بعض و نسولف
الكل : تم
شادن ابتسمت و قالت : والله مشتاقه لهديل
ديم : حي طاريها يا حظ سعود فيها والله
رعد بمحارش لهم : حظها هي بسعود
" اول مره رعد يدخل بسالفه بين ديم و شادن "
ابتسمت شادن له و قالت هي و ديم بصوت واحد : اصص حظه هو فيها
ابو رعد بضحكه : حظهم كلهم ببعض
ام رعد بمزحه : الحين نايمين و مادروا عنكم يالخبلان و انتوا تتهاوشون عشانهم
ضحكوا كلهم و قام ابو رعد و كلهم قاموا الي راح لشغله و الي راح ينام
بالعصر نزلوا كلهم و كانوا جالسين رعد و ام رعد و ديم و شادن
و كانوا ديم و شادن يتهامسون
ديم : شرايك نطلع كوفي نغير جو
شادن : تمم بس من يودينا
ديم : نكلم رعد
شادن : لا لا نروح معا سواق
ديم : ماراح يوافق رعد
شادن : شدخله هههه
ديم : مدري عنه نشبه
و ضحكوا
ام رعد : وش تقولون انتوا
ديم : يمه ماما مامتي
طالعتها شادن لما سمعت كلامها ل امها بحزن بس قالت بخاطرها : الله يخليها لك
ام رعد : امري شتبين
ديم : ودنا انا و شادن نطلع للكوفي عشان نغير جو تعرفين من زمان ما طلعنا
ناظرتهم ام رعد و نطقت : عارفه ان وراك شي يالسحليه ما تقولين مامي و ماما الا اذا تبين شي
بس علشان خاطر شادن تمم روحوا و الي يوديكم رعد
ضحكت شادن و سمعها رعد و قالت : يا روحي انتي والله
ديم : يمه و ضحكت
و قاموا يبوسون راس ام رعد
ديم : يلا شادن نتجهز و قامت للدرج و لفت وراها للرعد و نطقت : و انت يا سواقنا انتظرنا برا
رماها رعد بنعاله : سواقنا اجل دزي و ضحكت ديم و طلعت
قام رعد لسيارته و قامت ام رعد لغرفتها تقراء ورد من القران الكريم
و ديم و شادن يلبسون
......
نروح ل نواف و روان
قامت روان من النوم الساعه ٣ عصر و فيها كسل و راحت للحمام و استفرغت على طول
كان نواف توه جاي من دوامه و راح يركض على صوت روان و هي تبكي
نواف ركض لها : روان روان شفيك
روان : مدري احس بغثيان و دوخه
نواف بخوف عليها : قومي البسي عبايتك و امشي نروح للمستشفى
قامت روان و نواف يمسكها و يلبسها عبايتها
و راحوا للمستشفى
..........
عند سعود و هديل
قامت هديل و سوت الغدا و راحت تصحي سعود لان توه رجع من دوامه الساعه ١٢ و نام لين العصر
هديل : سعود اصحى
سعود : مافي رد
هديل : سعود لو ما صحيت برشك بالمويه الغدا خلص يلا قم و رح صل
سعود : مافي رد
راحت هديل تبي تجيب مويه و سمعت جوالها يرن
راحت و شافت ام رعد متصله
هديلل : هلا والله
ام رعد : هلا بك ، كيفك
هديل : الحمدلله بخير و انتي ؟
ام رعد : ابشرك طيبه و بصحه و سلامه
هديل : جعلك دايمه
ام رعد : اسمعي ابو رعد مسوي عزيمه اليوم و قال لي اكلمكم و اكلم نواف و روان و دقيت على سعود و مايرد كلميه و تعالوا
روان : اي سعود نايم توه جاي من دوامه الساعه ١٢ و طاح لين الحين نومه و ابشري بكلمه
ام رعد : الله يبشرك بالخير و قفلت
......
نروح ل ابطالي
ركبوا ديم و شادن و لقوا رعد بالسياره ينتظرهم
رعد : ماشاء الله بدري كان تاخرتي بعد
ركبت ديم قدام : اقول اص ولا يكثر يلا امش
شادن ضحكت و سمعوها و ضحكت ديم من ضحكها و رعد كان كاتم ضحكته و مشوا
رعد : وش الكوفي الي تبيه
ديم : الي قريب من الجامعه
رعد : فيه مليون كوفي قريب من الجامعه وش منها الي تبين
ديم ناظرته و شمقت و نطقت : وجع ان شاء الله معرف اسمه بس صديقاتي يقولون حلو
رعد ضحك و نطق : حتى اسمه ما تعرفينه و مسويه فيها على راسي
ديم : اقول اص مسوي انت الي تعرفه
اول مره شادن تعرف ان ديم و رعد بينهم ميانه من جات حياتهم او دخلت حياتهم ما قد شافتهم كذا يسولفون و يضحكون و يمسحون ببعض بالارض
ابتسمت عليهم و همست : الله يخليكم لبعض
ديم صاحت
رعد انفجع و نطق : خير خير شفيك
ديم : لقيت الاغنيه الي ادورها من شهر و اخيرااااا
رعد ناظرها و نطق : الحمدلله و الشكر بس الله يقرنا بعقولنا
ديم : وجع رعدوه و ضحكت و نطقت ابي اشغلها
رعد : مستحيل
ديم : رعدي حبيبي انت يلا عشاني
ناظر رعد بالمرايه و شاف شادن تناظره و خق على نظراتها
كانت عيونها ناعسه
و قال : تمم عطيني اسم الاغنيه
ديم : كفوو اخوي كنت عارفه مستحيل تخليها بخاطري اسمها Baddi Doub
و شغلها رعد و بدت تغني ديم على البارت الي تقول فيه اليسا
.
عيني عيني عليك و رموشي حواليك
اسقيني من حبك بصرخ لبييييييك و هي تصارخ و اندمجت معها شادن و بدت تغني و تقول
. مهما ليلي طال وزغلط الموال
بدي احساسسكك يحملني ليك
رعد ابتسم على صوتها الي رد له العافيه
رعد : وصلنا للكوفيهات وينه بينهم
ديم : هاذا هاذا
و نزلوا و رعد شاف عيال بالكوفي و قرر ينزل معهم
......
عند نواف و روان
وصلوا المستشفى
دخلت روان عند الدكتوره و نواف برا ب الانتظار الرجال
الدكتوره : وش تحسين فيه ؟
روان : بدوخه و غثيان و ترجيع ( يكرم القارى )
الدكتوره : من متى تجيك ذي الحالات ؟
روان : الغثيان من فتره اما الدوخه و الترجيع توها اليوم
ناظرتها الدكتوره و ابتسمت و نطقت : هاذي اعراض الحمل حبيبتي
روان : لا مستحيل انا مو حامل
الدكتوره : سويتي تحليل ؟
روان : لا والله
الدكتوره : طيب تعالي معي نسوي تحليل
و راحت هي و روان و سوت تحليل و بعد ربع ساعه
الدكتوره : مبروك اخت روان انتي حامل و عطتها الصور
روان انصدمت و ضحكت و ركضت لنواف
دخلت بين الرجال و سحبت نواف و هي تضحك
نواف : بسم الله عليك شفيك انهبلتي
روان : نواف امش معي تكفى
مشى معها لين مكتب الدكتوره
روان بضحكه : قولي له
الدكتوره ابتسمت و نطقت : روان حامل
نواف انصدم و من الفرحه حضنها و هي ارتمت بحضنه و الدكتوره حست مكانها غلط و طلعت
نواف : اخيرا بيجيني ولد و انتي امه
روان : الحمدلله ياربي
نواف ضحك على وضعهم و نطق : الدكتوره استحت و طلعت ههههههه
روان : هههههههه يزينها
و قاموا لسياره و توجهوا على طول لبيت ابو رعد و هم بالسياره جاه اتصال من ام رعد
ام رعد : الو
نواف : لبيه يمه
ام رعد : لباك اسمع عندنا اليوم جمعه و ابوك قال اعزمكم و اعزم سعود و هديل
نواف : لبى قلبه و قلبك اصلا جاينكم و عندنا بشاره يا روحي انتي
ام رعد : يلا استعجلوا و قفلت
........
عند هديل و سعود
هديل اخذت مويه و رشتها على سعود و اخيرا صحى من النوم و صلى و تغدا
هديل : سعود
سعود : عيونه
هديل : عمتي دقت علي و قالت نروح لهم عندهم جمعه و بيجون نواف و روان عمي الي مسوي الجمعه
سعود : منجدك غريبه محد قال لي
هديل : الا تقول انها دقت و انت ما ترد و قالت لي اعلمك
سحب سعود جواله و نطق : اي والله متصله ٣ مرات
يالبى قلبها بس
هديل : اجل انا بقوم اتجهز و انت يلا تجهز عشان نلحق عليهم قبل المغرب
سعود : يلا
و قاموا لبسوا و خلصوا و طلعوا
........
عند اهل الكوفي
دقت ام رعد على رعد
ام رعد : الو
رعد : لبيه
ام رعد : وينكم متى بترجعون قد نواف و روان و سعود و هديل بيجون
رعد : شوي و نجي بس تونا طلبنا بنتقهوى و نجيكم
ام رعد : ليه انت معهم ؟
رعد : ايوه قلبي ما طاوعني اخليهم لان الكوفي اغلبه عيال
ام رعد : زين الله يوفقكم عاد لا تطولون
رعد : ابشري
و قفلت ام رعد
........
عند نواف و روان وقفوا و نزلوا دقوا الباب و فتحت ام رعد و هي ترحب فيهم و تهلي
ام رعد : هلا بكم ارحبوا
نواف اقبل يبوس راس معه و نطق : البقى جعلني فداك
و ابتسمت روان بعد نواف و باست راس عمتها
و دخلوا و سولفوا شوي الا دق الجرس و دخل ابو رعد و قاموا سلموا عليه و جلسوا ينتظرون الباقي
و بعد ربع ساعه
جو سعود و هديل و رعد و ديم و شادن وقفت سيارتهم معت بعض و نزلوا و سلموا على بعض و جلسوا و بدوا يسولفون
قام نواف و نطق : عندي لكم بشاره
الكل : قل الله يبشرك بالخير
نواف : بعد ٩ شهور بتصير يبه جد و انتي يمه جده و انتي يا ديم عمه و انتوا يا سعود و رعد اعمام
الكللل صفق و قاموا يباركون لنواف و روان
ابو رعد : مبروك مبروك الله يبشرك بالخير و عقبال سعود و هديل
الكل : امين
و جاء وقت العشاء و بدا الكل يتعشون الا هديل اول ما اكلت اللقمه الاولى ركضت للحمام تبي تسترجع و انتوا بكرامه و لحقتها شادن
هديل : شادن بطني مقدر خلي سعود يجي
شادن : بسم الله عليك شفيك ابشري بكلمه
ركضت شادن لهم
شادن : سعود سعود
فز سعود و نطق : ها شفيك
شادن : هديل تعبانه و تبكي
ركض سعود لهديل و شافها تبكي
سعود : شفيك يا عيون سعود
هديل : بطني و هي تشاهق و احس بدوخه
هديل : سعود خل شادن تجي معنا
سعود : ابشري يلا يا شادن تعالي
و راحوا للمستشفى على طول و شادن معهم
........
في المستشفى
دخلت هديل قسم الطوارئ و شادن معها و سعود برا
ينتظرهم
الدكتوره : شفيك يا حبيبتي
هديل : احس بدوخه و ترجيع
الدكتوره : تفضلي معي للاشعه
شادن : ليه اشعه
الدكتوره : هاذي اعراض الحمل بس نبي نتأكد ب الاشعه
شادن : ياربب تمام اقدر ادخل معها ؟
الدكتوره : ايوه
و دخلوا و كشفت عليها الدكتوره و طلع فعلا هديل حامل
الدكتوره : مبروك مبروك طلعتي حامل
هديل ابتسمت و شادن قعدت تضحك
هديل : الله يبارك فيك
الدكتوره : هاذي الوصفات الي تستخدميها لا تستخدمين اي شي الا بوصفه من دكتور
هديل : ابشري و طلعت
عند سعود واقف برا لما شافهم راح لهم
سعود : ها شفيك وش طلع معك
هديل ابتسمت و نطقت : قولي يا شادن
شادن : هديل حامل
سعود لا شعوريا حضن هديل و ضحك و بعد ثواني حس على نفسه و بعد منها
سعود : مبروك علينا عاد من اليوم و رايح ما تشلين شي او تسوين شي بطلب لك خدامه
ضحكت هديل : لا وين عادي
سعود سكتها : انا قلت مافيه خير ولدي ما ابيه يتعب
شادن بضحكه : و ام ولدك بعد لا تتعب ما ارضى على اختي عاد
ضحكت هديل و ضحك سعود و نطق : ام ولدي بعيوني
و توجهوا لسياره
.......
عند اهل رعد
نواف دق على سعود و قال له ان هديل طلعت حامل
و قال لهم نواف و استانسوا كلهم
نطق ابو رعد : عاد ربي بشرني بعيالي و زواجاتهم و الحين زوجاتهم بيجييون لي احفاد الا انت يا رعد متى ناوي تتزوج
ضحك رعد و نطق : تمم انا ما عندي مشكله بس ما اخذ الا الي ببالي
ابو رعد : تبي شادن؟
رعد ابتسم : ايوه
ديم بلقافه : بس شادن ما تبيك اصلا هي تحب واحد ثاني
اختفت ابتسامه رعد و نطق : من الي تحبه
ديم : شدخلك هي قالت لي م اقول ل احد و هي تغمز ل ابوها و امها و فهموا انها تبي تطقطق على رعد
ابو رعد بحده : اجل دامها تبي واحد ثاني ما بخليك يا رعد تنتظرها و بزوجك الي تختارها لك امك و يا ام رعد بكره دوري لنا وحده نخطبها
ام رعد و هي كاتمه ضحكتها على وجه رعد الي تلون : ابشر يا ناصر انا عندي بنت جيرانا نوره بنت ابو مساعد
ديم : ايييي مره تناسبه كلهم خايسين
رعد ببرود ناظرهم : مابي اتزوج و قام من عندهم
لف على ضحك ابوه و امه و ديم
ديم : رعد رعد امزح والله
ام رعد : والله شادن طيبه و اني ابيها لك بس الملقوفه ديم تبي تسوي فيك مقلب
رعد لف عليهم : يعني شادن مافي بالها احد ؟
ديم : ايوه اصلا شادن كيوت و تجنن و تناسبك
ابو رعد : يا ام رعد كلمي شادن عن رعد اذا هي تبيه او لا
ام رعد : ابشر ابشر و الله يتمم على خير
ابتسم رعد و باس راس ابوه و امه و راحوا نواف و روان لبيتهم اما سعود و هديل و شادن راحوا لبيتهم و شادن معهم عشان هديل تعبانه
و قاموا كلهم ينامون
.......
عشان كثير طلبوني اطول البارتات طولت ذا و بعد الجايه بتكون اطول
انتظرونا ب الاحداث الجايه
الخطبه الرسميه
و زواج الابطال 💍💍
أنت تقرأ
جاني و انا مالي بالمحبه ميول وحببني بسوالف ما كنت احبها
Poesiaاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
