بدا اليوم الجديد على ابطالي و طلعت الشمس بوسط سماء الرياض
طلع رعد من عرفته ركض عشان يفطر و يروح لدوامه لانه تأخر
رعد دخل على امه و باس راسها : يسلم يدك على هالفطور
ام رعد : الله يسلمك
جلس رعد يفطر شوي الا نزلت شادن
ام رعد : تعالي افطري يمه
ابتسمت شادن و جات جلست معهم : السلام عليكم
الكل : و عليكم السلام
رعد بهمس :
.
وعدٍ وعدتك فيه ولله لـ أوفيه
لو حاربوني الناس في كل ليله
ولو كايدو قلبي ولو نارهم فيه
بردٍ عليك و حرها انا كفيله
قلبي فدا لك ضحكةٍ منك تكفيه
الين ربي يكتبك لي حليله
.
سمعت شادن اخر بيت و ابتسمت له تحت جلالها
دخل ابو رعد البيت و هو حزين ووجه ما يبشر بالخير
ام رعد : علامك و علام وجهك كذا
ابو رعد بصوت متذبذب و حزين : عساف عطاكم عمره
و في اللحظه ذي كان تو ديم نازله تفطر و سمعت كلام ابوها و طاحت منهاره
ركض رعد ل اخته : ديم ديم
قعدت ديم تبكي بصوت مكتوم
و هنا عرف رعد ان ديم كانت تحب عساف
ام رعد : ان لله وان اليه راجعون وش مات منه امس كان طيب
ابو رعد : كان فيه نزيف داخلي ولا احد يدري به
ام رعد : الله يصبر قلبك ياام عساف
ودني لهم
ابو رعد : امين و هز راسه يعني يلا تجهزي
.........
عند سعود و هديل
صحت هديل قبل سعود
هديل : سعود سعود يلا قم الوقت تاخر قد الساعه 8 ورانا دوام
سعود بنعس سحبها و ارتمت بحضنه : نامي معليك من الدوام
هديل : اقول بلا عبط يلا قم ورانا دوام
سعود قام و هديل وخرت عنه
سعود : يالبيه الشي الي يحمسني بالدوام انك معي
ابتسمت هديل
و قاموا لبسوا و خلصوا و راحوا للشركه و للحين ما يدرون بوفاه عساف
......
عند اهل عساف
ريم منهاره بالبكي و روان تهدي امها و ريمان تصيح و فيصل يهديها و ابو عساف حالته حاله
..
بغرفه ديم
ودتها شادن لغرفتها و هي تسمع شهقات ديم و تسمي عليها
شادن : خلاص يا عيوني ادعي له بالرحمه
ديم : الله يرحمه ويسكنه فسيح جناته
و قعدت شادن تهدي فيها لين هدت ديم
شادن بتساؤل : ديمي
ديم : لبيه
شادن : كنتي تحبينه ؟
ديم سكتت شوي و قالت : اي احبه من يوم كنت صغيره في البدايه كنت احسبه اعجاب او حب طفوله و يروح لكن كبر معي ذا الحب لين شوفي نهايته توفى و خلاني
حزنت شادن على حاله ديم
شادن : الله يجبر قلبك و يجمعك فيه بجنته
و تذكري ان ذا قضاء و قدر و ان عساف راح لربي
و هو ما يبي منك شي الحين الا انك تسامحينه
ديم دمعت : الله يسامحه يارب
......
عند سعود جاه الخبر و على طول اخذ هديل و وداها لبيت اهله و راح للمقبره
......
عند اهل عساف بدت ايام العزا و ام عساف في حاله يرثى لها و ابو عساف تعبان و محد يلومهم فقدو ضناهم ترا فقد الضنى يوجع
ريم راحت لغرفه عساف و هي منهاره و دخلت عليها روان و هي تمسح على راسها و تواسيها و هي تبي من يواسيها
و هنا فيصل بكى مثل الطفل لما شافهم قبرو اخوه و سنده و عضيده حطوا على وجهه الطين
و خلصت ايام العزا و هم على وضعهم
......
و مرت اسبوعين كانت ثقيله على عائله بطلي بسبب فقدهم و بدو يرجعون لروتينهم الاول و يتقبلون موت عساف على ان عساف غلط لكن كلهم سامحوه
.....
الاحداث القادمه
خطبه ابطالي
حمل روان و هديل 🔥🔥
أنت تقرأ
جاني و انا مالي بالمحبه ميول وحببني بسوالف ما كنت احبها
Poesíaاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
