جاني و انا مالي بالمحبه ميول وحببني بسوالف ما كنت احبها

البارت 33

..... بعد يومين من الزواج و الاحداث .....
ريم و هي حاطه يديها على رقبه سهم نطقت : وين بنسافر
سهم بتاملل لعيونها و غمازاتها الجميلله : الي تبين اختاري
ريم : ابي ايطالياا و سويسرا مدري محتاره
سهم : محتارهه و بس ؟
ريم : اي
سهم : نروح لها كلها شرايك ؟
ريم باسته : تممممم
سهم مسك خشمها بهدوء و قرب منها و هو يبوسها بخشمها : تمين بعد
ريم حضنته : تمام خلنا نطلع الحين
سهم : يلا اجل تجهزي بنروح ل اهلي نسلم عليهم و نطلع نتعشى
ريم : يلا و قامت تتجهز و هي بكامل زينتها
......
سعود بالجوال يكلم رعد و سوار معه
سعود : اقول سوار احسن من ولدك
سوار جنب ابوها : اي اي ولده يع و هو يع
رعد : احترموا نفسكم ولدي اطلق من بنتك
سوار : لا انا احسن منه
هديل من بعيد تكلم بنتها : عيب يا سوار ذا عمك
رعد سمعها : كفو كفو سطريها ههههههههههه
سعود : انقلع اقول ههههههههههههه
سوار : تعالواعندنا
رعد : ابشري من تبين بس
سوار : خاله شادن
رعد : و سهم؟ هههههههههه
سوار سكتت ثم نطقت : خلاص جبه بس ما بعطيه العابي ترا
رعد : من زين العابك هههههههه بجيبه و يويلك تهبدينه
سوار : لا ما اضربه هو بيبي
سعود باسهاا : يالبيها بنتي يا ناس
رعد : يزين سوار بنت اخويي و بنتي
سوار ضحكت
  ............اليوم الثاني .............
مشعل قرب من ريمان و سحبها له : طفلتيي
ريمان : خير يالشايب
مشعل : ههههههههه شايب ؟
ريمان : اي نعم كم عمرك بالله
مشعل : ٢٥
ريمان : كبر فيصل يعني
مشعل : اي نعم
ريمان : خلاص يعني شايب
مشعل ضحك و نطق : نطلع نتمشى ؟
ريمان لفت عنه : لا بذاكر
مشعل : معليك عندي ناجحه بس امشي
ريمان نطت عليه : بتذاكر لي اذا رجعنا طيب ؟
مشعل و هو يبوس خدها : اي اتفقنا بس امشي
ريمان وخرت عنه بسرعه : يلا بلبس
مشعل : دقيقه ان ما طلعتي بخليك هههههه
ريمان : دز انت الي طالبني اروح معك هههههه
مشعل ابتسم و ناظرها و شافها تدور بالغرفه تتجهز همس : ما كنتي بالنيه يا بنت بفهد لكن والله لو يرجع الوقت اني ما اختار الهام و اختارك بلا هالمشاكل الي مرينا فيها سبحان من جابك دواء لقلبي ...
.....
بالمستشفى ..
ابو رعد : مبروك يا عيالي الله يرزقكم برها
عبدالله : الله يبارك فيك
ام رعد : عاد ها وش سميتها
عبدالله : ديم الي بتختار اسمها هي امها و الي تعبت عليها
ديم ابتسمت وهي تناظره و نطقت : مهره بنت عبدالله
عبدالله ابتسم بحزن و هو يناظرها و عرف ان ديم اعظم انتصاراته سمت بنته على امه المرحومه و هو ما طلب منها هالشي اي نعم ام عبدالله هي مهره ....
ابو رعد : كفو يا بنتي والله يرحم سميتها
الكل : امين
رعد جاء و شادن ....
شادن : وين وين بنت اخوي
ابو رعد شافهن يتسابقون و ضحك : ههههههه هاذا اذا قالوا لك زوجوهم يعلقون ...
شادن قمطت و ابتسمت : شسوي ابي بنت اخوي
ديم : اقول وخري عن بنتي تذكرين يوم اقول ابي سهم تقولين لا هههه ؟
شادن : شدعوه يا ديموه ما تنسين انتي ههههههه
رعد : وخرو اقول خلوني اشوفها
شادن : وش وخرو وخر انت ذي بنت اخوي تفهممم
رعد بطنازه : و بنت اختي ههههههههه
عبدالله : اقول وخرو انتوا لاتتعبون بنتي
سعود دخل : وين بنت اختي
ابو رعد : سلم على الاقل يا قليل الحياء
سعود : السلام عليكم وينها بس
دخلت هديل و معها سهم ولد رعد و سوار
ام رعد : وي وش جاب سهم معك هههه
هديل : خلوه معي عشان يجونكم و لحقناهم
ابو رعد اخذ منها سهم : لا تتعبين يا بنتي و لف على رعد و نطق : و انت يالمطفوق وراء ما تتترك البنت ل امها و تمسك ولدك
شادن ضحكت و اخذته : معليش اتعبناكم
و ما يدرون بالعيون الي تتاملهم : الله يخليكم لبعض كانهم اخوان يا ناصر
ابو رعد : اي والله الله لا يفرقنا بس ناقصنا نواف و روان و يقولون بيجون بكره عندنا بالبيت لانها بتطلع ....
...
مشعل : شرايك بالطلعه هههه
ريمان : يع موديني للغنم ؟ هههههههه
مشعل : بنروح ل اهلي هناك ريم و سهم
ريمان : تمام
بعدددد وقت وصلوا .........
ريمان : وين بتسافرين اقول ؟
ريم : سويسرا و ايطاليا
ريمان : ماشاء الله استانسي يا بعدي
ريم : اهخ يا ريمان تذكرين كيف كنا قبل و وش صرنا ؟
ريمان ابتسمت و عرفت شقصدها ..
.....
مشعل : خذوني معكم طيب
سهم : تخسى ماني فاضين لك هههههههه
مشعل : اهخ يالدنيا يا سهم حتى انت تغيرت
سهم : برجال اي بتغير من زينك عاد
ابو سهم : بس بس انت و هو هههههه
مشعل : يبه غدار قد واعدني زمان يسفرني بشهر عسلهم
سهم : اسحب كلامي خلاص 
مشعل : انقلع بنلحقكم انا و ريمان
سهم : دز بس
.....
ام عساف : افنان ما غيرها ؟؟؟؟
فيصل : اي نعم يمه
ابو عساف : ابشر بها
فيصل : جعلني ما انحرم يا عرب
ام عساف ابتسمت : ابشر بكلم امها و نروح بعد بكره
فيصل : اي ذاااا الي ابيه و قام يبوس راس امه و ابوه و طلع غرفته و هو يهوجس فيها و بعصبيتها الي جابت اخرته نعم جابت اخر ولد فهد الي ما كان متوقع بنت تجيب راسه ...
....
بعد يومين .....
ديم : وخر عن بنتي قبل اقوم عليك
سعود : ورعه اسكتي اخوك الكبير ترا ولا حتى انتي تمردتي معهم علي
نواف : اذلف عن الورعه مصعت يديها
سعود : وناسي يا ناس كيوتتتت بس ماهي طالعه على امها سبحان الله شكلها ورثت الكياته من عمتها
رعد : حدد اي وحده
سعود : اكيد هديل
هديل تناظره و نزلت عيونها بخجل
شادن : وشو ماخذه الكياته مني و بس
روان : لا من هديل
ديم : وين عرضت عليك الكياته انتي و بعدين تخسون انا الكيوت و ذي الكياته مني فاهمين
سعود : يصير خير
سوار : بابا انا الكيوت صح
سعود : اكيد انتييييي
رعد : شدخلك انتي الحين
سوار بكت
ابو رعد : وجع يا رعد تعالي سواري
سوار جاته و هي تمسح دموعها : يقول شدخلك
ابو رعد : يعقب هو الي شدخله
سوار ضحكت و نطقت : ابي ادرس
ديم : صدق سواري ؟
سوار : ايوه
سعود : من عيوني اختاري بس اي سنه تبين
رعد : تخسين تدرسين
و رجعت تبكي مره ثانيه و هم يهدون فيها و يسبون رعد
...
فيصل : والله يا عم انا جاي اتقدم لبنتك و كريمتك
ابو سهم انصدم ؛ ابد والله انت رجال و النعم فيك و من عندي موافق بس تعرف الراي للبنت
مشعل : اخس اخس يا فيصل تبي تعرس
ابو سهم دق كتفه : اهجد
ابو عساف : اكيد البنت رايها مهم و احنا ننتظركم والله يوفق ما بينهم و يجمعهم على خير
ابو سهم : العشاء طيب
ابو عساف : لا والله بنروح عندنا اشغال
ابو سهم : الله معكم اجل بس ترا بينا عشاء
ابو عساف طلع و هو يكثر خيره
.......
افنان : فيصل اخو ريمان ؟
ابو سهم : ايوه يا بنتي و الراي الاول و الاخير لك استخيري
افنان : الشور شورك يا عيوني
ابو سهم : انا موافق
افنان ابتسمت
ام سهم و هي تزغرط : مبروككككك
....