بالصباح و الكل رايح كعادته لدوامه و ديم صاحيه على صوت مهره ...
ديم : خلاص يا امي نامي تعبتي معي
ام رعد : لا عطيني اياها و نامي انتي
ديم : لا حلفت ان تنامين اذا صحيتي بعطيك اياها و بنام
ام رعد : دامك حلفتي اجل بنام للظهر و باخذها و نامي
ديم ابتسمت : ابشري نوم العافيه يارب
ام رعد و هي قايمه : تعافيك
....
رعد : عاد فيصل رجال والله
سهم : اي عارف ما سالتك
رعد : لا تفلها عاد
سهم : و انت اسكت خليت راسي مرق
رعد : احسن يلا بقوم اخلص اشغالي
سهم : اي رح رح الله يستر عليك
رعد ضحك : ههههههه
سهم ابتسم له و جلس رعد يخلص اشغاله
....
سعود : هديل
هديل : خير خلني انام
سعود : قومي نفطر دامني ماخذ اجازه
هديل : ميته نوم اخذ سوار تفطر معك
سعود : حقها والله يلا عافيه و قام اخذ سوار و لبسها و طلعوا ....
...
مشعل : قومي يا نوره اشرحي لهم
و كان يحس بالنظرات الي تحرقه من بعيد ...
قامت نوره و تشرح و مشعل منتبه لها و ريمان ودها تقوم تدعسه
مشعل ابتسم : موفقه واضح لك مستقبل
نوره ابتسمت : شكرا
ريمان : استاذ مشعلللللل و شدت ب اسم مشعل
مشعل : امري
ريمان : ابي اطلع
مشعل : تمام
ريمان طلعت و هي تزفر منه عرف مشعل شفيها و استاذن و لحقها ....
..
ريمان : خير شتبي
مشعل : ذا اسلوب معا دكتورك ؟ ههههههههه
ريمان : دز بس مابي احضر عندك
مشعل تلفت ما شاف احد و سحبها يحضنها ...
يموت بعصبيتها و غيرتها و زعلها و ضحكتها ملكته ريمان بتفاصيلها
البسيطه ..
.... بيت ابو سهم .....
ريمان : عاد اخوي كيوت يا افنان
افنان ابتسمت و نزلت راسها
مشعل : مسوي تستحين؟
ريمان : شدخلك انت فيها اي تستحي
مشعل : ياليت تكرمينا بسكوتك انتي اختي يا ادميه
ريمان ناظرت ل افنان: تكفين عطيه من خجلك شوي
ابو سهم : والله ذا الولد ممسوح الخجل منه
ام سهم و هي تضحك: اعذرينا ههههههه
مشعل : ريمانوه اسكتي اوريك
ريمان : وش بتسوي و شهقت و هي تتذكر انه دكتورها : ههههههه اسفه دكتور مشعل
ابو سهم : هههههههههه عاد يويلك تحملها بالماده
.....
نسرع الاحداث ..... مر اسبوع ....
سافروا ريم و سهم لسويسرا ...
دخل عبدالله البيت و هو يشوف مهره على السرير و تناظر ...
عبدالله : عمرييييي البنات انا
لفت له ديم و هي كانت تسوي رضاعه لها : عمركك البنات هاه ؟
عبدالله ضحك و تقدم لها يحضنها و هو ينطق : احبككك تدرين انتي سيده البنات ذولا
ديم ضحكت : لعبت علي بكلمتين ههههه
عبدالله : شدعوه والله انك عمري
ديم ابتسمت و باسته و ابعدت و هي تنطق : بروح لمهرتي
...
سعود بتهديد : سوار جيبي الجوال قبل اقوم عليك
سوار : اقول لا يعني لا لين تدرسني
هديل تضحك على هواشهم
سعود لف لهديل : قولي لبنتك تجيب جوالي و تطلع قبل اوريها
سوار و هي تنطق : ماما قولي لزوجك يدرسني
سعود لهديل : قولي لها وش زوجك انا ابوها الهبله
سوار لهديل : ماما قولي لزوجك لا يسبني
هديل تضحك عليهم ....
.
شادن : تعبت و انا اكرف وراه ذا الاهبل
رعد : معليه تحملي ذااا سهم بن رعد بيكبر و يعوضك
شادن ابتسمت : ان شاء الله
رعد : ودي نطلع طلعه عائليه بس بعد ما يرجع سهم و ريم
شادن : ودي والله كلمهم ...
رعد قام و نطق : بلبس و الحق على الدوام ....
..
الدكتوره : انتي حامل
روان : لا مستحيل ؟
الدكتوره : انا مو اسالك يعيوني لانك فعلا حامل
روان : كيف حامل ؟؟؟؟؟
الدكتوره : الله قادر على كل شي
روان بكت : و النعم بالله و النعم بالله
نواف شافها تاخرت عليه فوقف عند المكتب و طق الباب .
الدكتوره : مين ؟
نواف : زوج المريضه روان بنت فهد
الدكتوره ابتسمت : تفضل
روان فزت له بدموع : نواف نواف بنصير اهل بتصير اب .
نواف انصدم و ما استوعب كلامها و لف لدكتوره : صادقه ؟
الدكتوره حزت راسها بمعنى اي .
نواف حضنها بقوهههه و قعد يمسح دموعه الي تجمعت من عيونه ....
...
ام سهم : اي البنت موافقه يا ام عساف
ام عساف بفرحه : مبروك مبروك والله يوفقهم
ام سهم : امين امين
ام عساف : بقوم ابشر فيصل تكفين
ام سهم ابتسمت و قفلت ...
....
ام عساف دخلت شافت ابو عساف يناظر التلفزيون : وافقوا ترا
ابو عساف لف عليها : على فيصل
ام عساف : ايوه
ابو عساف : الله يجمع بينهم على خير و يرحم عساف
ام عساف حزنت من سمعت طاري عساف و كيف البيت قضى و نطقت : امين يارب
....
فيصل : هاه يا سلطان كيفك اليوم
سلطان خوي فيصل و ظابط معه: بخير و انت كيفك
فيصل : الحمدلله نسال عنك
دخل رعد : السلام عليكم
فيصل و سلطان : ارحب ارحب
رعد توجه يسلم عليهم و يحضنهم
رعد : وين بندر له فقده بعد العرس
فيصل : ههههههه مشغول ب اهله
رعد : و سهم له وحشه
فيصل : اي والله
....
بعد المغرب و الكل جالس .....
ام عساف و هي تنزل القهوه : عاد قلت ولدي رجال شعندكم ترفضونه و رفضوك
ابو عساف و هو عارف انها تبي تمقلب فيصل : مالهم حق بكره اروح ل نايف و اعلمه السنع اجل يرفض ولدي
فيصل عبس بملامحه : ما بتزوج احد بعدها اجل
ابو عساف : و ليه ترا ما توقف الدنيا عليها
فيصل : الا على افناني والله انها توقف
ام عساف : هههههههههه وافقوا وافقوا
فيصل : صادقه ؟ هههههه
ام عساف : اي نعم و ليه ما يوافقون ولدي رجال و النعم فيه ...
فيصل قام يحضن امه و ابوه و يبوس راسهم .....
...
مشعل بعباطه : تدرين يا ريمان ان مليون بنت تتمناني
ريمان : و ليه ما رحت لهم طيب
ام سهم : اي صح مليون وحده تتمناه و احنا خطبنا عند مليون بيت و الكل يرفضه
ابو سهم انفجر يضحك : هههههههههههههههههه
افنان انهارت: ماما طيحتي وجه مشعل خلاص ههههههه
ريمان و الدموع بعينها من الضحك : هههههههههه يتمنونك اجل
مشعل ناظرهم بطرف عين : ما يضحك ترا
و لف على امه : شعندك يالغاليه علينا
ام سهم : عاد حدكم على ولدي
ابو سهم : ههههههه ولدك بعد ما قصفتيه قدامنا
مشعل ابتسم لهم و شمق لريمان و افنان و هو يتوعد فيهم .....
......
اليوم الثاني .
ابو عساف فز يحضنها و هو يبكي : بصير جد و اخيرا
روان و هي تبكي : اي اي
فيصل : بموت فرحتين بيومين
ريمان جات و هي تدخل و تحضن روان و تبكي : بصير خاله احبككك....
أنت تقرأ
جاني و انا مالي بالمحبه ميول وحببني بسوالف ما كنت احبها
Poesieاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
