اول ايام العزاء
وقفت شادن و هي تسلم ع الناس الي جايه تعزي
و خلصت ايام العزاء بدون اي احداث
.....
في رابع يوم من وفاه امهم
كانت شادن حاطه راسها ع حضن ام رعد
و هديل جالسه تبكي بصمت و كذالك ديم
دق الباب عليهم
وقفت ام رعد و قالت انا بفتح
ام رعد : هلا من
المجهول : السلام عليكم اولا و احسن الله عزاكم لكن يا بنتي احنا جاين نطلعكم من البيت لان المتوفيه ما سددت و خلاص جاء وقت خروجكم لان فيه ناس استاجروا و قدامكم بس يومين عشان تطلعون
ام رعد : وعليكم السلام جزاك الله خير
خلاص انا بدفع و خلهم
المجهول : مقدر والله في ناس استاجروا
ام رعد : استغفر الله طيب
راحت ام رعد و قالت ل ديم جهزي اغراضهم
شادن : ليه يا خاله
ام رعد قالت لهم السالفه
شادن و هديل اصلا ماعاد يبون البيت بعد امهم ف ما قالوا شي
خلصت ديم و جات
ديم : خلصت يمه
ام رعد : دقي على رعد يجي ياخذنا
ديم : الو وينك
رعد : موجود وش تبين
ديم : قالت له السالفه و قالت تعال اخذنا
رعد : تمام يلا جاي
........
في الديره
ريم : يمه بنروح لرياض ؟
ام عساف : اي يوم الاحد الجاي رايحين ان شاء الله
ريمان : ابي السوق طيب
ام عساف : كلمي عساف طيب ولا فيصل
جاء فيصل : السلام عليكم
الكل : وعليكم السلام
فيصل : سمعت اسمي وش فيه ؟
ام عساف : يا ولدي ريمان تبي السوق ودها بالعصر
فيصل : ابشري بس ليه
ام عساف : عشان بنروح الاسبوع الجاي لرياض
فيصل : خلاص تبشر ريمان تتجهز بعد العصر اوديها
ابو عساف : السلام عليكم
الكل : وعليكم السلام
ابو عساف : فيصل رحت ل الحلال ؟
فيصل : ايوه
ابو عساف : اي زين الله يوفقك
...........
في بيت ابو رعد
دخلت ام رعد و ديم و شادن و هديل و رعد ينزل الاغراض و ينادي العاملات يشلون معه
ام رعد : تو ما نور بيتي والله
شادن و هديل : بنورك يمه
استانست ام رعد لما قالوا لها يمه
ام رعد : قسمك يا شادن فوق و انتي يا هديل قسمك جنب قسم شادن
شادن و هديل : الله يسعدك يا خالتي و باسوا راسها و كان الحزن واضح عليهم حتى لو اخفوه
طلعت شادن و دخلت قسمها و بدلت ملابسها و كذالك هديل و ناموا ع طول و كان يوم متعب بالنسبه لهم
.....
مر اسبوع على وفاه ام شادن و الكل رجع لوضعه الطبيعي
صحت شادن بالصبح و لقت ام رعد تسوي الفطور
هديل : صباح الخير و باست راس ام رعد
ام رعد : صباح النور يا امي شادن و ديم ما صحوا ؟
هديل : لا والله
"دخل سعود و اقدر اقول اول لقى بينهم "
سعود : السلام عليكم
الكل : وعليكم السلام
سعود : يمه جبت الاغراض
راحت ام رعد تبي تاخذ الاغراض و حلفت هديل ما يشيل الاغراض الا هي
و كان كل شي تحت انظار سعود
خلصت من الفطور و حطته على الطاولة و جلست هي و ام رعد و سعود و نزل ابو رعد و رعد
ابو رعد : ها كيف الشغل معكم ؟
سعود : حلو بس يبه احتاج موظفه عشان اداره المصاريف و للحين مالقيت
رعد : حلو معليه
ابو رعد ناظر هديل و قال : هديل
هديل رفعت راسها و قالت : لبيه
ابو رعد : قد تخرجتي ؟
هديل : اي السنه هاذي
ابو رعد : وش تخصصك ؟
هديل : محاسبه
ابو رعد : طيب عندك القدره تتوظفين ولا ما تبين ؟
هديل : اي والله ابي اتوظف لكن مالقيت
سعود : انا عندي وظيفه لك
ابو رعد : اي سعود عنده وظيفه و جربيها اذا عجبتك تمي فيها " اقعدي فيها "
هديل : مدري شقول صراحه بس الله يسعدكم يارب
الكل : وياك
رعد كان يفكر و يدور الملعقه شافه ابو رعد و قال :
شفيك يا رعد ؟
رعد : مدري شقولك يبه لكن ابي اخطب لي وحده قبل تروح
ام رعد استانست و قالت : الله يوفقك يا ولدي بس معليك ما هيب رايحه قد خطبناها لك " تحسبه يقصد ريم "
رعد انصدم و قال : من ؟
ابو رعد : ريم بن اخوي فهد
رعد : قد خطبتها ؟؟؟؟؟؟
ابو رعد : اي ليه فيك شي
رعد : بس مو هي الي ببالي
هديل لما شافت و سمعت الي صار حبت تنسحب لانها مشاكل عائليه .
ابو رعد : و من الي ببالك ان شاء الله ؟
رعد ناظر الارض و قال بكسره : شادن
و كانت شادن توها نازله و سمعت كل شي
ابو رعد : شادن !!!!!!
رعد : اي يبه شادن
قام ابو رعد و هو ما يدري وش يقول ما يقدر يقول ل اخوه ولا يقدر يغصب رعد لانه يعرف رعد و يرحم شادن ولا يبيها تنكسر مره ثانيه .
........
مرت يومين و محد تكلم بالسالفه ابو رعد يتجاهل رعد و رعد ما يدري وش يسوي
دق الباب وقف ابو رعد يبي يشوف من الي جاء
دخل ابو عساف و عياله
رحب فيهم ابو رعد
ابو رعد : ارحب ارحب
ابو عساف : الله يبقيك
و دخلوا للمجلس و يسولفون و دخلوا رعد و سعود
: السلام عليكم
الكل : وعليكم السلام
قام عساف و قال : وين الحمام
رعد : جنب المقلط
قام عساف و هو رايح للحمام شاف وحده تحط ايلاينر قدام المرايه خق عليها و قعد يناظر فيها و هي ما انتبهت له
عساف : سبحان من سوا الجمال و جملك
" عساف كان يحسبها ديم و هي مو ديم هي كانت هديل "
لفت هديل عليه و انحاشت للبنات
دخل عساف و قال : يا عم انا جايك اليوم ابي اطلب يد بنتك ديم
ابو رعد انصدم و قال : ابد تمم بس خلني اخذ رايها
قال ابو عساف : كلمها يا اخوي الحين ان وافقت سوينا ملكت رعد و عساف هنا مره وحده و يوم السبت .
رعد انلخم ولا قدر يقول شي
و سعود انصدم من عمه
نواف : ما تحس انها بدري ما يمديهم يتجهزون حتى
ابو عساف : لا معليك يقدرون
قام ابو رعد و راح لديم و ام رعد
ابو رعد : ديم ياام رعد
ام رعد : هلا
ديم : لبيه يبه
جو رعد و سعود
ابو رعد : اسمعي و انا ابوك عمك طلبك لعساف
ديم انصدمت : عساف !!!
ابو رعد : اي و تراه رجال و بيصونك و الراي الاول و الأخير لك
ديم : الي تبيه يبه انا ابيه
ابو رعد : يعني نقول مبروك
ام رعد : مبروك يا بنتي
و طلعوا من عندها و كانت ديم مصدومه
و تعشوا و خلصوا
و قال ابو رعد : مبروك يا ولدي يا عساف
عساف : الله يبارك فيك يا عمي
ابو عساف : مبروك مبروك يا ولدي
و خلص اليوم ع خير بدون لقى بين ابطالي
......
اليوم الثاني الكل صحى من بدري و طلعوا للحديقه الخارجيه
جلست ام رعد و ام عساف يسولفون معا ابو رعد و ابو عساف
و العيال و البنات معهم
و هديل و شادن يناظرون فيهم و يقولون : الله يخليهم لبعض
ابو عساف : اقول يا ابوك
ناظرته شادن و قالت : لبيه
ابو عساف : وش انتي منه ؟
شادن : من ال عبدالعزيز ال*****
ابو عساف و ابو رعد : جدك هو نايف بن *******
شادن : ايوه
ابو عساف و ابو رعد : ونعم والله فيه
ابو عساف : يالصدفه والله طلعتوا حفيداته الله يرحمه و يغفر له كان رجال والله
ابتسمت شادن
ابو عساف : من اكبر انتي ولا اختك
شادن : هديل اكبر
ابو عساف : كم اعماركم
شادن : انا 22 و هديل 23
ابو عساف : الله يطول ب اعماركم و دامنا عرفنا من انتوا منه انا جاي اطلب يد هديل لولدي فيصل ياابو رعد لان قدك المسؤول عنهم
انلخم سعود و قال : ياعمي انا خاطبها و ضحك ههههههه
ابو رعد : هههههههه اي ياابو عساف البنت مخطوبه
ابو عساف : ههههههه بالله عليكم معليش يا ولدي سعود
سعود : عادي يا عم
و كل الي يصير تحت عيون هديل شادن دقت هديل
شادن : هو منجده خطبك ؟؟
هديل : لا والله
شادن : ليه يقول كذا طيب
هديل : مدري خلاص اسكتي
ابو عساف اجل دام الكبيره مخطوبه نبي الصغيره والله اني ابي نسبهم
رعد انصدم و قال : هاه
ابو عساف : وش الي هاه ؟؟؟
ابو رعد انصدم و حس برعد و قال : والله مدري يا اخوي الراي عند البنت
شادن : معليش يا عمي بس انا مابي اتزوج والله ابي اكمل دراستي
ابو عساف : معليك بس خطبه
سكتت شادن
رعد : لا يا عمي
ابو عساف : خير انت وش الي لا
رعد : انا الي ابيها
صاحت ريم و قالت : تبيها تبي شغالتكم ؟؟؟؟
رعد : عن الغلط
ام رعد : وش ذا الكلام يا ريم ؟
ام عساف : و هي صادقه بنتي تترك بنت عمك عشان وحده تشتغل عندكم
قامت شادن و هي تبكي
لحقتها هديل و ديم
هديل : شادن شفيك
ديم : شادن يا روحي فيك شي
رجعت ديم و دخلت هديل عند شادن
....
ديم : خير يا ريم وش ذا الكلام
ريم : وش قلت ؟
ديم : اقول لا تسوين نفسك بريئه و انتي لسانك اطول من حياتي
ريم سحبت عليها و قعدت تسولف معا اختها روان
روان : عيب عليك يا ريم
ريم : بس انا صادقه يتركني عشانها و انا الي احبه من زمان
قام رعد و طنشهم و طلع يتمشى و لحقه سعود
و الكل قام لغرفته و ناموا الا رعد و سعود و شادن و هديل .
............
عند سعود و رعد
لف رعد على سعود و قال : منجد انت خاطبها ؟
سعود : لا والله بس ناوي اخطبها
رعد : ليه تخطبها و انت ما تعرفها
سعود : حبيتها من اول نظره ياخي تخيل امس بالصبح كنت جايب اغراض و لقيتها تساعد امي و بدا يقوله السالفه كلها و بعدين اهم شي ان امي تحبها
رعد : اي والله امي واضح تحبهم مره
سعود : انت الحين وش بتسوي معا شادن ؟
رعد : بكلم ابوي و بخطبها
سعود : و ريم ؟
رعد : تطس الله ياخذ طاريها
تنهد سعود و قال يلا خلنا نرجع البيت
رعد : يلا
........
ترقبوا الاحداث الجايه
خطبه سعود و هديل 🔥🔥
و صدمه عساف في ديم لانها مو هي الي شافها 🔥🔥
أنت تقرأ
جاني و انا مالي بالمحبه ميول وحببني بسوالف ما كنت احبها
Poesiaاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
