تم تحديد الزواج بعد شهر ..........
مرت ثلاث اسابيع و باقي اسبوع على الزواج ...
.
مشعل : تدرين يا ريمان وش متحمس له ؟
ريمان بفضول : وش يا بعدي
مشعل : اعرف الي ببطنك بنت ولا ولد عادني قايل للكل انها بنت
ريمان : ههههههه باقي بدري بس شصار على الجامعه
مشعل : ابد بتدرسين عن بعد لين تولدين
ريمان : ابي اداوم
مشعل : سنه بس و ترجعين يا امي انتي
ريمان ابتسمت : نطلع نتغدا ؟
مشعل : تطلبين بعد ؟ انتي تامرين و انا اقول ابشري و سمي
ريمان ضحكت و هي هيمانه فيه : بقوم البس
مشعل : تمام و قام يبدل و طلعوا....
.
شادن : متى نروح المخيم ؟
رعد : بعد الزواج ان شاء الله بكلمهم ...
شادن : تمام و قامت تجهز الغدا .
سهم شاف ابوه و حاول يوقف
رعد ابتسم و هو يركض له يمسكه قبل يطيح و شاله يبوسه ...
.
سوار : يعني بدرس السنه الجايه
سعود ضحك من فرحتها و هو يحضنها : اي ياامي انتي بس تجهزوا بنروح لجدتك
سوار قامت مستانسه ...
.
مشعل : امري يا بعدهم وش تبين بس
ريمان : نفسي بمطعم النودلز حقتهم لذيذه
مشعل : خليها علي و حرك للمطعم...
.
افنان و هي تكلم فيصل و تسولف .
فيصل : ما نسيتي اول لقاء لنا يعني هههههه
افنان : طبعااااا كنت اسب فيك
فيصل : ههههههه كلي حلالك يالبى
.
سعود دخل بيت اهله و معه هديل و سوار و شاف ديم و مهره هناك
سلموا على بعض ..
سعود : وين عبدالله ؟
ديم : عنده عمل و نزلني وراح
سوار نطت عند ديم و هي تعلمها انها بتدرس
ديم: صدق ؟
سوار : والله بابا قال
ديم حضنتها و هي تبوسها : ادرس مهرتي معك ؟
سوار بعيون ترجي : اي تكفين
ديم : من عيوني بس هي صغيره شوي
ابو رعد : سواري تعالي
سوار راحت لجدها و هي تجلس بحضنه و طلع من جيبه بناجر ذهب صغيره على حجمها وهو يلبسها اياها
هديل : ليه تكلف على عمرك يا عم
سعود : مالك داعي يبه تجيب لها ليه الكلافه...
ابو رعد : استحوا على وجيهم انتوا ذي حفيدتي و بنت بنتي و ولدي
هديل ابتسمت لما قال انها بنته و قال اسمها قبل سعود ...
سعود : الله يطول بعمرك و يخليك لنا
الكل : امين
سوار ابتسمت لجدها و هو يلبسها و حضنته و هي تبوس راسه ...
و راحت لجدتها تبوس راسها و يدها و تحضنها
ام رعد : جعلني فدوه اليدين و باست يدها
سوار ضحكت و جلست بحضنها و هي تسولف معا جدتها و تضحك من رد جدتها و الكل مستمع لهم بحب و حنيه . جده و حفيدتها 💗
.
ريمان مسحت يدينها : الحمدلله شبعت
مشعل : الحمدلله و انا بعد يلا قومي نتمشى شوي ..
و قاموا و طلعوا
.
رعد : الكل عند امي بنروح
شادن : اي كلمتني ديم و قلت بنجي بس دقايق بلبس و البس سهم و نطلع
رعد : بلبس سهم تجهزي انتي
شادن ابتسمت و هي تجيب ملابس سهم .
..... نمشي الاحداث ...........
يوم الزواج افنان و فيصل ....
ريمان : وينكم.؟
شادن : الحين جاين الصالون ...
ريمان : يلا استعجلوا تراه زحمه
شادن : امانه طيب يلا يلا احجزوا لي انا و ديم جاين من قد وصل !
ريمان : انا و روان و ريم و هديل قدنا موجودين..
شادن : يلا يلا و قفلت و بعد وقت وصلوا.....
.
ريم : وين سهم و مهره ؟
شادن : معا عبدالله
ديم : يلا خلونا نستعجل بيروحون الساعه ٤ عشان يستقبلون الناس
ريمان: يلا اول ثنتين هديل و روان
هديل : افضل و انتي يا شادن خذي سوار عند ذيك تسوي شعرها
شادن : تمام و مشت معا سوار و قصت شعر سوار متساوي و قررت تقص شعرها للكتف و تسوي ستريت ...
و طلع شكلها جميل جدااااااا ......
....
اذان المغرب الكل صار بالقاعه و البنات متجهزين .....
افنان بفستانها الابيض الي فيه افصاص لولو و طالعه فاتنه و فاكه شعرها البني على اكتافها الي يوصل لنص الظهر
و هنا نتكلم عن ريمان لابسه احمر و فاكه شعرها البندقي ياخذ حريته الي لنص الظهر و ريم لابسه برتقالي غامق على بياضها و شعرها الاسود الي للكتف
و روان لابسه ابيض ماسك و مبين بروز بطنها و جمالها و شعرها الاسود الي لنص الظهر ...
و هنا نتكلم عن ديم فاكه شعرها البني و لابسه بينك .. و هديل لابسه لون كرزي جميل و ماسك على جسمها و شعرها الي لنهايه ظهرها مسويته ويفي ... و اخيرا بطلتنا شادن لابسه ازرق و فاكه شعرها الي قصته للكتف و مسويته ستريت ..
و كانوا فاتنات جدا ...
الساعه ٨ بعد صلاه العشاء ....
ام عساف : الزفه الحين ترا
ريم : تمام و قامت تكلم المصوره و تجهز الاضاءه و شادن توخر البزران
و ديم تكلم العاملات وش يسون ....
هديل : انتوا اجلسوا هنا بقوم اساعدهم انا
روان و ريمان : تمام اذا تبون مساعده ترانا موجودين ....
.............عند الرجال ...................
مشعل : امشوا نلعب بالسيف
رعد : يلا امش
و دخلوا يلعبون بالسيف و دخلوا معهم الاباء و بدا الرقص و الكل يرقص و متحمسين
سهم دخل يرقص و هو يسحب عبدالله معه ....
و الكل يصارخ و يغنون معا بعض :
يا منوه الروح يوم الحشى ضمش
تلى حشى القلب تلى و رزي القامه
و يا فتنت الغيد يوم الغلا زمش
سمى على القلب من خلفه و قدامه و بكذاااا يغنون و يرقصون....
.
اخيرا بدا وقت الزفه و نادوا فيصل و جهزوا كل شي و دخل فيصل معا البوابه الثانيه و افنان بالبوابه الثانيه .....
و بدت الاغنيه تشتغل معا فتوحهم للبوابات ..
الليله هاذي غير عن كل ليله
ليله فرح طاغي على كل الافا
ليله فرح هاك الفتات الجميله
يفز كل الكون لا قالوا افنان
...
و الكل يناظر بجمالهم و تناسقهم فيصل بالبشت الاسود و الشماغ الابيض و افنان بفستانها الابيض و الطرحه المطرزه بالؤلؤ...
مسك يدها و حضنها و الكل صارخ و يصفق و المصوره تصور كل اللحظات ... فجاءه طفت اللمبات و بدت الموسيقى بس و انوار الكاميرا
و رجعت انفتحت بوابه فيصل و دخل ابو سهم و مشعل و سهم ...
و بدت الاغنيه :
جمالها الفتان محد مثيله
على ملامحها نشوف الفرح لاق
يا بخت منهي له بعمره حليله
الي ارتبط فيها على ختم الاوراق ..
و تقدموا لها و حضنوها بكت و حضنها مشعل و هو يمازحها بهمس: انتبهي يشوفك و انتي تبكين و يخترع و ترجعين لنا
ضحكت بوسط دموعها و عطاها سهم فاين و مسحت وحضنتهم و سلموا على بعض و طلعوا عشان تنزف لسياره
.
طلعوا لسياره ....
ريمان : البسي عبايتك يلا
افنان لبست و هي ساكته قلبها يوجعها تحس فيه شي و طلعت لهم برا كانت بتركب بس وقفها مشعل الي حضنها مره ثانيه ونطق : انتبهي لنفسك و انا اخوك
افنان من سمعت كلامه بكت و زادت نغزات قلبها و شدت على حضنه و ركبت تسمع توصياتهم عليها عند فيصل ....
مشوا و راحوا للفندق....
......
مشعل دخل و هو كان احس بشعور غريب من العصر بس قاعد يكافح شعوره جاه شعور غريب و قرر يروح يشوف امه و ريمان
مشعل : يا ولد ؟
ريم سمعته : هلا يا مشعل
مشعل : لا هنتي يا ريم نادي لي امي و ريمان بالله
ريم : ابشر وراحت
...
جات ام سهم و ريمان
مشعل يوم شاف امه حضنها و باس راسها
ام سهم خافت عليه : شفيك يمه
مشعل : ما فيني شي يا بعد مشعل و قلبه
ام سهم شدت على حضنه و نزلت دموعها ....
مشعل ابعد و نطق بتغير لحركته عشان امه ما تخاف : كيف العشاء
ام سهم : كفاهم الحمدلله
مشعل باس يدها و هو ينطق : يلا شوي و بنروح
ام سهم ابتسمت له و مشت و هي تدعي لعيالها ...
ريمان مسكت كتف مشعل : شفيك
مشعل حضنها و هو ساكت و دخل وجهه بشعرها
ريمان : مشعل شفيك تكفى ؟
مشعل : ما فيني شي و ضحك يغير الموضوع : يعني الواحد ما يشتاق لام بنته ؟
ريمان ضحكت و شدت على حضنه و باست خده : والله احبك تدري
مشعل ضحك و ابعد و سحب يدها و هو ينطق : وانا قسم هيمان فيك
ريمان ضحكت و قعدت تسولف معه و دخلت و هو راح بسيارته و سهم بسيارته و ابو سهم و ام سهم معا بعض و ريمان و ريم قرروا يقعدون معا اهلهم ....
الساعه ١ ليل
افنان قامت توضت و هي شافت ان فيصل نام و فرشت سجادتها و بدت تدعي لان شعورها الغريب بدا يوجعها تحس فيه شي بيصير ( قلب الاخت )
بعد وقت حست انها ما ارتاحت و طلعت لصاله و دقت على امها ما ردت عرفت انها بتكون نايمه و اكيد ابوها نايم دقت على سهم ما يرد و دقت على مشعل و رد عليها
مشعل : افنان هههههههه
افنان ابتسمت من صوته : مشعل فيك شي ؟ اهلي فيهم شي ؟
مشعل انصدم من سوالها : لا ليه
افنان : مدري ماني مرتاحه احس فيه شي بيصير
مشعل : بسم الله عليك يا افنان معليك مافيه شي ان شاء الله نامي و ارتاحي و بكره تعالي بنفسك تاكدي
افنان ابتسمت : اكيد بجي احس قلبي بيخرج من مكانه ابي اشوفكم ما تعودت كذا
مشعل : هههههههههههه شفتي انك ما تقدرين بدونا
افنان ضحكت من ضحكته : اكيد مقدر ههههههه
مشعل : يلا نامي بقفل و قفل و قفلت افنان و هي تستودعهم الله و نامت ....
الساعه ٢ و نص
مشعل كان يسوق و هو يبي يرفه عن نفسه من الشعور الي جواته و قرر يوقف عند مسجد و نزل صلى و وتر و قراء قران و طلع و ركب سيارته اول ما لف جات سياره مسرعه و شلت سياره مشعل و تقلب و بوسطها مشعل ..........
.
بالصباح سهم و ابو سهم و ام سهم و ابو عساف و ابو رعد بالمستشفى......
...
الساعه ٩ صباح :
افنان دخلت المستشفى معا فيصل و هي تصارخ : مشعلللللللللللللللللللل بصوت باكي
ركض لها سهم و هو يهديها و هي تبكي منهاره : وينه وينه هو كلمني بالفجر مافيه شي
و ركضت ل امها و هي تقول : قلبي قلبي من امس يوجعني والله اني كنت حاسه بيصير شييي و دقيت عليه اتطمن ما كان فيه شييي قلبي قلبي يمه تكفين
ام سهم : ولدي ولدي امس ماهو على وضعه جاني يودعني والله ان جاء يودعني
بعد وقت طلع الدكتور ووجه ما يبشر بالخير و راسم ابتسامه حزينه على وجهه و نطق : عظم الله اجركم في مشعل
ام سهم صارخت با اقوى صوتت و طاحت على الارض مغشي عليها
......
الساعه ١٢ الظهر ......
صحت ريمان و هي ما تدري عن اي شي و شافت امها بالصاله تبكي بهمس
ركضت لها : يمه شفيك شصاير ؟
ام عساف تبكي و بدا صوتها ينسمع بدون ما ترد على ريمان
ريمان خافت على امها و دقت على ابوها مافيه استجابه ....
دخل ابو عساف و وراه فيصل و الواضح انهم باكين ...
ريمان ناظرت فيهم تنتظرهم يقولون شي
ابو عساف حضن ريمان و هو يبكي : عظم الله اجرك في مشعل
ريمان من سمعت مشعل وخرت يدينها عن ابوها و ابعدت للخلف : وينه مشعل ؟
فيصل قرب يبي يحضنها دفته بيدها و هي تبكي : وينههه مشعل ؟؟؟؟؟؟؟؟
ابو عساف جلس يبكي على حال بنته ...
ريم جات من صوتهم و صراخ ريمان تسال عن مشعل : ريمان شفيك ؟
ريمان : اساليهم اساليهم يقولون لي و بكت بقوه و هي تشاهق يقولون لي عظم الله اجرك بمشعل ؟؟؟
ريم حطت يدها على فمها و بكت بصوت ....
ام عساف قامت و هي خايفه على حمل ريمان و مسكتها تهديها بعد وقت استقرت ريمان بحضن امها و هي تشاهق
ابو عساف قام : الصلاه عليه اذان العصر امشوا معنا
ريمان من سمعت الصلاه على مشعل بتكون العصر و بيقام عزاه بكت بهمس و هي منهاره داخليا تحس داخلها براكين ،،،،،
.....
اذان العصر ....
الكل راح يصلي و اقاموا العزا ببيت ابو سهم دخلت ريمان و امها
فزت افنان من شافت ريمان و بكت و هي تصارخ : مشعل مشعل يا ريمان راح
ريمان شدت على حضنها و هي تبكي و كان الحضن مواساه لهم .....
بارت كلهههه دموع وربي بكيت 💔💔💔💔
أنت تقرأ
جاني و انا مالي بالمحبه ميول وحببني بسوالف ما كنت احبها
Poetryاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
