دخلها الغرفه وهو يرميها على السرير: متى ناويه تعقلين تبين اذبحك!!!
ضحكت بقوه وهي تستوقف: تدري انك تضحكني ياضعيف! ليش للحين متردد تقتلني ولا خايف؟؟ لازم رجالك يكونون معك ولا اقول خلنا حنا الاثنين نتصارع ونشوف مين يقتل الثاني
هذام: تحسبيني بخاف منك؟
رفع اكمامه وتقدم منها وهو يبقسها بـ وجهها تالمت بس حبست دموعها وهي تركله على بطنه ليطيح على الارض وتركب فوقه ضربته بوقس بوجهه لدرجه جلست تعضه بقهر وبألم من ضربته دفعها من عليه وهو يركب فوقها تشبثت عيونهم ببعض ونظرات هتان كلها حقد ضرب راسه براسها وتأوهت بألم وهي ترفسه على منطقته🌚 صرخ وهو يطيح من عليها ناظر السرير وهو يمد ايده يحط السماعه: وش سويتي!!!
هتان: يلا تعال شفيك انسدحت رفسته من الجنب وهي تاخذ مويتها وتبل ريقها: ذي المصارعه مو اخر مره بأذن الله والحين اطلع وقفل الباب معك
هذام: راجع لك انا
طلع وخل الباب مفتوح صرخت بقهر واستوقفت وهي تقفله: اكرهه اكرهه جلست على السرير ودموعها تتساقط بألم من ضربته: والله ماخليك!
-
<< عند العيال >>
دخل فارس بدفاشه: هاي
غسان: ابلش
جابر: وش هاي ارفع علومك بس
فارس تربع: مادريتو شصار؟
تربع جنبه سطام وهو يمسك شنبه: والله يا ان هذام صاد له صيده اخ بس ماشفتو رقصها
رفسه جابر بصدمه: متى شفتهم!!
سطام: اليوم وانا رايح لبيتهم
جابر تفل بوجهه: مالت عليك ماتخاف على اختك انت!
سطام: شدخل اخاف عليها وبعدين شفتها بالصدفه ورحت على طول
دخل هذام وهو يمدد رجله: شفيكم سكتو؟؟
جابر: نسأل وش الاخبار
هذام: الاخبار اني ابيك يا سطام تروح معي راح نداهم مكان رئيس الدوله الي استوليتها لانو ولد اخوه ورجاله صارو هناك
سطام: جووي متى؟
هذام: بكرا باليل
سطام: تم
فتح التسجيل وهو يلبس سماعته كانت تبكي وشهقاتها ترتفع والواضح له انها تكتمها بالمخده قفل التسجيل وهو يستوقف
فارس: وين وين تو الناس تو جاء علامه
هذام: اشوفك بكرا يا سطام طلع وهو يدخل بيتهم بحكم ان استراحتهم جنب بيت هذام
فارس مدد رجله: ياعيال جوعان
غسان: قم سو لنا عشاء من ايدك خابرك تعرف تطبخ
فارس: خدام عندك؟
غسان: ياعيال مو طبخه حلو؟
جابر: خله خله مسوي يتغلى واحنا مشتهين طبخه
فارس بفشر: تمام بسوي لكم باستا يحبه قلبكم
-
"عند هذام"
دخل غرفته وسكر الباب وهو يرتمي على السرير فتح السماعه ولازال يسمع بكاها حضنت رجلها وهي تمسح دموعها بهدوء: اشتقت لكم
غطت وجهها بكفوفها وهي تبكي بشكل فظيع سكر السماعه بانزعاج وهو ينقلب على جهة غرفتها ويتأمل الجدار: لو تدرين وش الي مخبينه عليك مارح تشتاقين لهم
ناظرت الجدار الي بجهة غرفته بكره وهي تستوقف: بسببك مدري كيف اتغلب على شوقي لهم اكرهك
هذام: مابي اخبرك الحين لأجل ماتتدهور حالتك
هتان حطت راسها على الجدار وهي تجلس: حرمتني منهم مدري بأي سبب
هذام: حرمتك منهم لأسباب كثيره ومارح تتحملينها مستقبلاً
هتان: راح اتحمل واحارب لاجل ارجع كل شي زي قبل
هذام: مارح تقدرين هالكلب كذب عليك وانتي مصدقته
هتان: اوعدكم راح اطلعكم حتى لو السبب قوي
هذام: وعدك خليه لك
غفت عيونها وهي على الارض من التعب
