#عيونها_بلد_وانا_كل_سكانها
_
_
دخلت غسق الغرفه وبايدها صينيه فيها شاي ومكسرات حطتهم على الطاوله وهي تجلس على الاريكه وتشغل فلم طلع من الحمام
نايف وهو يجلس جنبها: صبي لي شاي
غسق: تمام
صبت له وعطته صحن المكسرات وكانت مندمجه بالفلم جاهله نظرات الرجل الي هيمان بجمالها وعيونها: غسق
غسق: عيونها؟
ابتسم واردف: ابوسهم
غسق استوعبت وناظرت له: ها ؟
نايف ناظرها: قلتي عيونها وقلت ابوسهم
غسق ابتسمت بخفه: مانتبهت اذا اندمجت يروح عقلي
نايف: ماعليه
فتح جواله وهو يصورها لان مو قادر ياخذ راحته بتأمل
غسق طفت الفلم واردفت: نايف عادي اقولك شي؟
نايف: سمي ياقلبي؟
ابتسمت من معاملته لها: نايف بصراحه انا بديت اميل لك
نايف: مافهمت؟
غسق عضت شفتها وهي تناظر عيونه: نايف انا حبيتك!
نايف ابتسم: عيدي؟؟
غسق: ياربي نايف اقول حبيتك انا حبيتك!
سحبها وهو يضحك بفرح حضنها وهو يقبل راسها: يابعد كل اهلي والله فرحت
غسق ضحكت: دوم
نايف قرب منها بس شهقت بخفه ورفعت كفوفها وهي تدفعه من صدره بخفه: مو اليوم لا تستعجل!
نايف ضحك بصوت شبهه عالي: لا ياربي تعبت وانا انتظر هالحظه
غسق كشرت وبألم: بطني يوجعني ياخي
نايف: شفيك؟ تبين اوديك المستشفى؟
غسق: لا مايحتاج بس برتاح شوي
نايف: تمام على الاقل بحضني؟
غسق ابتسمت بخفه: تمام
انسدحت بحضنه وهي تبتسم
بالليل صحت وهي تدخل الحمام وتستفرغ "كرم القارئ" مسكت بطنها بالم ودموعها تنزل رجعت لسرير دخل نايف وهو يناظرها: مسرع صحيتي؟
غسق وهي مالها خلق لشي: نايف طف النور!!
نايف: بسم الله طيب شفيك معصبه؟
غسق انفجرت من الألم واردفت: بطني يوجعني ياخي
نايف تقدم بخوف وهو يجلس جنبها: قلت لك اوديك المستشفى قومي يلا
غسق بتلميح: نايف يوجعني يوجعنييي
نايف: وش ياخيي طيب قوميي!!!
غسق: اطلع برا تكفى اطلع
نايف: ان لله طيب
طلع وشاف ريف وبتسأول: ريف تعرفين غسق شفيها؟ لان تقول بطنها يوجعها!
ريف: يوه فيها الدوره الله يعينها
نايف: طيب وش اسوي الحين اوديها المستشفى ولا؟
ريف ضربت جبهتها وهي تتنهد: ياخي وش مستشفى انت محسسني مدري وش روح وسوي لها كماده او قول لا اي وحده من العاملات وهي تسويها وخلها تتدفى وتشرب شي حار وخلاص
نايف: تمام
نزل للمطبخ وبدا يسوي الي قالت له ريف وجهز لها مشروب حار وحطهم بصينيه طلع وهو يدخل الغرفه ويسكر الباب بظهره تقدم منها وهو يحط الصينيه على الطاوله وياخذ الكماده رفع بلوزتها وارتعبت
_
_
_
دخلت الغرفه وبايدها صينيه اكل تقدمت منه وهي تحطها جنبه: فيصل لازم تتغذى عدل لان صحتك ابد مو عاجبتني وبرضو اترك التفكير باختك لان بيتعبك اكثر اختك دامها سعيده معه ومريحها الله يوفقها انتظر كم يوم تطيب النفوس وصح سويت لك احلى حلا من ايدي مرا يمي احبه
كانت تتكلم بحماس وهو مكتفي بانه يتاملها بدات تخفض صوتها تدريجياً بخجل
فيصل ابتسم بخفه: دامه من ايدك اكيد بيطلع حلو
مسك ايدها وصار قريب منها جدا: ألين انتي باقل من ايام غيرتيني! انا بنفسي مو عارف نفسي!
ألين ابتسمت: كلنا نمر بالشي الي مريت فيه لاتضيق كلنا ننكسر كلنا يطلع عننا كلام بس نمشي كنت اتضايق من الناس الي يتكلمون علي لاني يتيمه واكتشفت ان المفروض ماعطيهم اهميه او اسمع لهم لان بالجيل ذا يالله تلقى شخص عدل ومعك بالحلوه والمره..
فيصل عض شفته واردف: ألين دام احنا الاثنين نعاني من الشي ذا وايتام انا حسيتك مناسبه لي وابيك ابيك تكونين لي!
ألين: اءء
قاطعها فيصل: مابي اء تكفين تعبت منها
ألين عضت شفتها السفليه: بس كنت بقول انو حتى انا انعجبت فيك يافيصل مره تعلقت فيك..
فيصل ابتسم: دخلتي قلبي من اول يوم والحمدلله ماخيبتي املي فيك وساعدتيني وكنت لي الاخت والام والصديقه والحين بتكونين الحبيبه والزوجه
ابتسمت بخفه وهي تناظره
بعد ما نام فيصل اخذت رقم غسق وهي تتصل عليها بعد دقايق ردت
غسق: هلا؟
ألين: اهلين انتي اخت فيصل؟؟
غسق: اي نعم فيه شي؟
ألين: لا بس كنت بخبرك ان فيصل تغير وكلنا نغلط ادري غلط غلطه كبيره وكان يمد يده عليك بس مهما كان هو اخوك وسندك على الاقل لو مو مسامحته باركي له لانه بيتزوج!
ضحكت غسق بقوه ودموعها تتساقط: اسامحه؟ اسامح فيصل! ماتوقع بقدر ولا اتوقع علاقتي فيه بترجع زي قبل حتى لو اني اخته استوعبي كان يضربني! وليت لوحدنا لا قدام الملا كلهم! وماتوقع فيه شي راح يغفر له غلطه!!
ألين: كلنا نغلط بس مهما صار يبقى اخوك وماكان بوعيه لما كان
قاطعتها غسق: اعتذر منك بس لاتتصلين مره ثانيه!
قفلت بوجهها وهي تكتم وجهها بالوساده وتحاول تكتم شهقاتها رغم الألم الي كانت تحس فيه لضربه الا انها مسامحته بس تكابر!
حس بشهقاتها وهو يفتح عيونه ويناظرها: غسق شفيك بطنك توه يوجعك؟
غسق وهي تمسح دموعها بكم تيشيرتها: شوي بس بنام يمكن يخف
نايف: تمام
انسدحت واخذها التفكير.
