#عيونها_بلد_وانا_كل سكانها
-
هتان: هذام فيه شخص وراك
التفت باستغراب وغضب من ماشاف احد رجع نظره لمكانها وهو مايشوفها لمحها تركض وطلع سلاحه وهو يطلقها بكتفها شهقت ودموعها تتساقط هبطت على الارض
عض على شفته وهو يركض لها لكن قبل مايوصل لمح شخص يشيلها شبت نار الغيره بقلبه وهو يصرخ: هتااانن!!
ركض لمكانها وهو مايشوفهم وكان الارض انشقت وبلعتهم مسح جبينه بقهر وهو يشد على معصم يده ويطلع خارج المزرعه
.
.
نزلها على الارض وبتوتر من بكاها: اهدي بجيب شنطه الاسعافات واجي
طلع وهي زاد بكاها بألم وخوف
رجع وهو يجلس جنبها طلع المقص و الملقط وبدا ينظف مكان الرصاصه عضت شفتها بألم وهي ماسكه ايده ناظر عيونها وبادلته النظر بتوتر تاوهت بألم صحى من سرحانه وهو يكمل شغله
طلع الرصاصه ولف ايدها بشاش ومد لها مويه: تبين؟
هزت راسها بهدوء فتح العلبه وهو يشربها بهدوء: عافيه
ابتسمت بهدوء: يعفيك
يوسف: شسالفه ليش جايه هنا؟؟
تلاشت ابتسامتها وهي تتذكر استقامت وجت بتطلع بس اوقف قدامها بغضب: وين رايحه؟
هتان: لازم اطلع ادور اهلي مقدر اجلس
يوسف: ارتاحي والصبح يصير خير الحين لليل ويمكن ياكلونك الكلاب
هتان عضت شفتها: جد؟
يوسف: اي جد يلا انسدحي ونامي انا بطلع لا تخافين المكان امان هنا
هتان: تمام شكراً
يوسف ابتسم: العفو
-
.
دخل غرفتها وهو يشوف بلوزتها سحبها وهو يقربها لـ انفه ويستنشق ريحتها انسدح وهو ضام بلوزتها ويحس مو قادر يتحمل فراقها فقدها المره الاوله لـ سنوات وتحمل والحين فقدها ومو قادر يتحمل ثانيه وحده!
دخل ابوه وبغضب: عايش قصه حب مع بلوزتها! علامك رجعت بدونها؟
هذام: مالقيتها فيه شخص اخذها
محسن: وليش مالحقتهم!
هذام: ضيعته يبه ضيعته
محسن: قوم قوم روحو داهمو المزرعه وش تنتظر!
هذام: انا اطلقت عليها اكيد وداها المستشفى
انصدم محسن وتقدم منه: اطلقت عليها!!
هذام: لانها تبي تتركني المره الثانيه يبه افهم شعوري ولو شوي!
محسن: خالتك جايه بعد كم يوم وابي البنت تكون موجوده ياهذام ولا مايحصل خير!
هذام: تمام
طلع ابوه وسكر الباب بقوه
_______~
انسدح سطام وفتح الفيديو الي صوره وهو يولع زقاره ويتأملها ارسل لها الفيديو وكتب « يالله شقد طالعه حلوه هنا بس للاسف ماقدرت اخذ الي ابيه ان شاء الله ليله زواجنا »
كانت سرحانه وسحبت جوالها ودموعها تتساقط: « سطام! »
سطام: « عيونه لسطام؟ »
الينا عضت شفتها بقهر وكتبت: « خلاص سطام الي فيني كافيني قسم بالله تعبت من هالحياه كل شي جالس يقسى علي ماني قادره اتحمل اكثر تعبت ياسطام تعبت تشوفني اضحك واطلع و اروح بس ماتحس بالي جواتي والي جواتي مو شي بسيط! جرح عميق بقلبي ولا راح يلتئم بيوم.. »
عض شفته بتأنيب ضمير وكتب: « طيب روحي ارتاحي ليش تضغطين على نفسك تبين ادق؟؟ »
الينا دقت وفتح المكالمه أردفت ببكاء: ماني قادره احس روحي بتطلع من مكانها كل شي جالس يتراكم علي ومحد حاس فيني وجيت انت وزدت الطين بله
سطام: اشش لاتبكين طيب اسف..
الينا: وش بيفيد الاسف؟ مجرد كلمه تنقال ياسطام
سطام: صدقيني لو بأيدي شلت هالحزن من قلبك
الينا: انت الي زرعته وزرعت فيني الخوف!
سطام بحده: الينا!! بيقفل الحين وروحي نامي
الينا: تمام..
قفلت وهي تعض المخده بقهر
-
.
-
كانت تمشي بالحديقه حاطه السماعه تقدمت من الدرج بتدخل بس تدحرجت وكانت بتطيح انصدمت من حاوط خصرها غسان
وبهدوء: بسم الله عليك تعورتي؟
ناظرت عيونه لـ ثواني غافلين عن الي شافهم وفهم غلط طلع بغضب وهو يتقدم منهم: نــاديـن!
ابعدت بهلع وهي تناظر ابوها: يبه..
جراح (الاب):وش تسوين معه؟؟؟
غسان: لا تفهم غلط ياعم
جراح: اسكت ولا كلمه!! جارنا شافكم وش اقوله الحين فهموني!
غسان: ياعم اصلاً كانت بتطيح ومسكتها يعني مابينا شي!
جراح: راح تتزوجون
غسان ناظر نادين عض شفته من شاف دمعتها: بس..
جراح: لا بس و لا غيره وكلمتي راح تتنفذ!
نادين: يبه انا ما احبه افهمني! ومستحيل نكون زوجين
جراح: راح تكونو زوجين وادخلي داخل يلا
دخلت بغضب وقهر وهي تصعد غرفتها دخلت وسكرت الباب بالمفتاح وانسدحت على السرير وهي تبكي بقهر عضت المخده وهي ترميها بقوه: ليش ليييششش ذا بذااات!! ليششش مو الي احبه ليششش اههه ياقهر قلبي ااه
.
غسان: انت تدري ان نادين تكرهني ليش تسوي كذا؟ مافكرت وش بيصير لو تزوجنا السعاده مارح تدخل بينا ياعم الله يسامحك!
جراح بهدوء: احس ماني مضمن حياتي ياغسان حتى انت افهمني افهم ان نادين بنتي الوحيده واخاف اروح من هالدنيا وتضيع بدون سند لها وانت تحبها عيونك بكل مره تفضحك وماكان عندي الا ذا الحل استغليت الفرصه وقلت اجبركم على بعض مع الايام اكيد بتحبك تحملها بس
غسان: اول شي بسم الله عليك جعل يومي قبل يومك و ان شاء الله مو صاير الا كل خير
جراح: يلا يبه ارقد عشان تقوم بدري تروح لـ الشركه تخلص الاشغال
غسان: تمام
