#عيونها_بلد_وانا_كل_سكانها
-
هذام وهو يطلع علبه صغيره من جيبه وهو يفتحها وكان داخلها خاتم
هذام: تقبلين تتزوجيني؟
ابتسمت بخجل من نظرات البنات وامها وابوها وبتوتر: اء اي اقبل!
صفقو البنات بحماس وهم يصرخون توترت من صراخهم وهي تناظر امها "علياء" تقدمت منها وهي تحضنها
علياء: الف مبروك يايمه جعلني اشوف عيالك قريب
هتان ببتسامه: امين ياروحي
تقدمو البنات والعيال وهم يباركون لـ الطرفين
« بجلسه البنات »
الينا: ماتوقعت بيوم ان يصير كذا يعني انا ماني مستوعبه للحين ان هتان بنت خالتي!!
هتان: عساس انا الي مستوعبه اقسم بالله راسي صدع يوم قالي هذام والاكثر انصدمت انه كان يحبني!
العهد: الله يارب يجي هاليوم لنا ويديم هالجمعه ولايفرقنا عن بعض
البنات: امين
ريف وعيونها مليانه دموع ومشاعر: احس ودي اخمكم..
قامو البنات ببتسامه وهم يحضنونها
هتان: عن الدلع ريف
ريف: خانتني مشاعري شفيك
هتان: حتنا معي صيحه بس نوفرها بوقت الحزن
ناظرو نادين السرحانه والي ما بادرت بأي شي!
هتان: ندو شفيك ياروحي؟
خانتها دموعها ونزلت: مافيني شي
العهد: وليش هالدموع؟؟
نادين: بنات ابوي جابرني اتزوج غسان وانا ماحبه يابنات ماحبه كيف بكون سعيده مع شخص ماحبه علموني!!
ريف تقدمت منها وهي تحضنها من الجنب وتحط راسها على كتفها: لا تتضايقين صدقيني غسان راح يعيشك بسعاده يمكن يكون لك خيره ماتدري يمكن الي تحبينه واعترفتي له يكسرك! نادين لا توقفين حياتك عشان شخص ماعبر حبك له انتي قاعده تحبين من طرف واحد وانا مجربته اسألي مجربه تدرون كنت دايم بالليل ادخل حسابه وأتأمل رسايلنا العاديه والي ماتجمع اي شي يخص الحب ياما انكسرت منه ونزلو دموعي بسببه بس شسوي ذا حظي دايم حظنا يالبنات نازل حتى اوقات اتمنى صرت ولد ولا بنت احسدهم على حياتهم..
العهد: والله مو كل العيال عايشين حياتهم فيه كثير عيال يعانون مثلنا ولابد من الضيقه بس صدق انا اقول اذا متضايقين قومو نصلي مع بعض وندعي محد بيفهمنا غير الي خلقنا
هتان: درر يلا قومو
بعد ماخلصو صلاه كل وحده انسدحت على رجل الثانيه هتان وهي تمسح على راس نادين: نادين باقي متضايقه؟
نادين: لا بس شوي مقهوره
هتان: تبون اقص لكم قصه؟
ريف: اي تكفين بس مو هنا خليها بالغرفه مانبي ننام بالمقلط
هتان ابتسمت بهدوء: تمام يلا قومو
اجتمعو بغرفه الينا وحطو فرش بالارض ولبسو بجايم وانسدحو
هتان: بقول نكته اول شي ولو ماتضحكون وتخلو الحزن يزيل بلعنكم
الينا ببتسامه: قولي
هتان ضحكت بقوه ثم ناظرتهم: خلاص بقول شفيكم فيه نمله..
ماقدرت تكمل من الضحك
ريف: عن السخافه ياهتان كلي تبن بنام
هتان وهي تحاول توقف ضحك: خلاص بقول فيه نمله تعلقت بحبل ليه؟
البنات: ليه؟
هتان بضحكه ودموعها تنزل: لانها تحاول تقلد طرزان
الينا بضحكه: سخيفه
هتان: اجل ليش ضحكتي؟
الينا: انا بقول..
ريف: لا لا انا والله عندي وحده حلوه فيه واحد حط سكر تحت الكرسي ليه؟
البنات: ليه؟
ريف: عشان يحلي الجلسه فديت هتان محليه جلستنا
هتان: استحي ياخي
ريف: فديت الي يستحي بس
العهد ناظرتهم ودموعها ينزلو
هتان: عهودتي بدينا؟؟
العهد: بنات بقولكم شي واذا ماتبون وجودي مستعده اطلع الحين واطلع من حياتكم كلها بعد
الينا عدلت جلستها: بسم الله شصاير تكلمي؟؟
العهد عضت شفتها ودموعها تتساقط وبتردد: بنات اء انا يتيمه..
البنات ناظرو بعض بصدمه: تمزحين!!
العهد هزت راسها بنفي وبكت بشكل فظيع: كل شي كذب كل حياتي كذب كذبت عليكم بأن الاشخاص الي انا عندهم هم اهلي بس هم مو اهلي بنات انا كنت اصور لكم اغراض البنت الي اخدمها شفتو يوم قلت لكم اني طلبت فساتين من خارج المملكه وصورت لكم الخاتم تراهم مو حقتي متخيلين ضربتني قدام اهلها واهانتني وداست بكرامتي عشان كنت باخذ خاتمها لاجل ماتشكون كانت تحسبني بسرقه بس والله اني كنت بس بلبسه قدامكم بنات انا اشتغل خدامه انا ادري اني مو من مستواكم ولا لي الحق اكون جالسه بينكم..
مسحت دموعها وهي تستوقف: انا لازم اطلع
جت بتمشي بس اوقفوها البنات وهم يحضنونها
هتان: لا تتركينا انتي مالك ذنب! مو انتي الي ذبحتي اهلك ذا يومهم وانتي كنتي مضطره تشتغلين هالشغله عشان تصرفين على نفسك بس من اليوم راح تطلعين من عندهم فاهمه امسحي دموعك يلا وذي بنتهم الي ضربتك اخ لو اشوفها وادوس ببطنها اخلصي امسحي دموعك!
العهد مسحتهم وهي تبتسم: ماكذب جابر لما قال انكم مارح تتركوني بنات احبكم
البنات حضنوها: حتى احنا نحبك انتي كنتي توقفين معانا بالحلوه والمره واحنا لازم نوقف معك ولا راح نتركك بيوم فاهمه!!
العهد هزت راسها بهدوء وهي تمسح دموعها: جد شكرا كنت خايفه اتركم وانا تعلقت فيكم وحسيتكم اهلي الثانين انتم حسستوني بالامان والحب و الاطمئنان مستحيل بيوم انسى فضلكم علي
الينا: وش هالحكي قلنا قفلي الموضوع عادي ماصار شي ليش تقولين كذا؟
العهد: لاني احبكم
رجعو انسدحو وهم مبتسمين
هتان: عهودتي تعالي نامي بحضني؟
العهد ابتسمت: تمام
تقدمت منها وهي تدخل بحضنها مسحت على شعرها لحتى نامت
