#عيونها_بلد_وانا_كل_سكانها
❤️
_
رجعت من النادي وهي تدخل للبيت جلست على الاريكه وهي تتأمل دبلتها وتفكر اذا هذام خلعها او لا تنهدت وهي تستغفر دخلت الغرفه وهي تطلع شنطتها وتطلع كل صورهم فتحت الباب وهي تطلع للخارج حطتها بالارض وجت بتولع النار بس مسرع مادخلت العهد: هتان؟
هتان عضت شفتها وهي تتمالك دموعها: جيتي
العهد: اي وش جالسه تسوين؟
هتان رفعت نظرها لسماء: ابي اتخلص من كل ذكرياتنا
العهد جلست جنبها وهي تحط ايدها على كتفها: عيوني انتي لاتفقدين الامل بهالسرعه صح الي سواه في هذام شي كبير ومستحيل ترجعين له بذي السهوله لكن اصبري تذكري دايم حبكم لبعض لاتفكرين باللي سواه صدقيني بتتغير نظرتك فيه وكلنا نغلط ماوقفت على هذام
هتان: هي ماوقفت عليه بس مايوصل انه يطردني ويعاملني كاني شي كان يتسلى فيه وتركه ترا ذا شي ماينغفر له!
العهد ربتت على كتفها: صح بس مرات نغلط ولا نحسب حساب للغلطه ذي حاولي تضغطين على نفسك وترجعين تفهمين منه ليش سوا كذا صدقيني الحياه ثانيه تو رجعتو لبعض ومسرع مافرقتكم الايام توك ماشبعتي من اهلك ارجعي لو عشانهم
هتان: بفكر
-
وقف قدام المول وهو ينتظرها تطلع بعد دقايق طلعت وركبت جبنه: اسفه تاخرت عليك
غسان ابتسم بخفه: لا ماتاخرتي بالعكس
حرك السياره وبعد دقايق وصلو البحر ونزلو مسك ايدها وهم يتمشون حوله: اوف غسان ترا مستحيه منك!
غسان: ليش؟
نادين: ماني قادره انسى الكلام الي كنت اقوله لك يعني مادري هو عشان ابوي اجبرني ولا وش
غسان اوقف وهو يمسك ايدها الثنتين ويرفعهم لثغرهه ويقبلهم
غسان: نادين بخاطري نفتح صفحه جديده نترك العالم ونكون مع بعض
نادين ابتسمت بخفه: وانا موافقه ابي انسى كل الي فات واكون معك
سحبها وهو يحضنها وده يدخلها بين ضلوعه ابعد عنها وهو يحط جبينه على جبينها ويبلع ريقه: احبك
-
« بعد مرور اسبوع بدون احداث مهمه »
دخل سعود للقصر وهو منبهر منه كل القصر بقمه الجمال!
ابتسم بخفه: جعله خير لي هالزواج
طلع من القصر وشاف اهل الينا وصلو وهو طلع عشان ياخذون راحتهم
دخلت ريف وشهقت من جمال القاعه: مالومك يوم وافقتي جمال وذوق واحترام حتى لما جينا طلع علطول
الينا: وش الي مالومك لاتنسين اتفاق بينا
نادين ابتسمت: اتفاق وبعدين ينقلب زواج صدق نفس ماصار لي انا وغسان
الينا ابتسمت: اذا هو رجال وغير عن اخوه ليش اقول شي
ريف: مفضوحه مفضوحه ترا
الينا: ريف والله كف امشو فوق
-بالليل بدأت القاعه تمتلي من الضيوف وام هتان وجده هذام هم الي كانو يرحبون بالضيوف نزلو البنات وكل وحده طلتها مختلفه وحلوه
نادين كانت لابسه فستان ازرق ومسويه ويفي وحاطه ميكب خفيف جدا، ريف كانت لابسه فستان احمر من فوق ماسك على الجسم ومن تحت فيه نفشه خفيفه، ألين كانت لابسه فستان اصفر قصير وفيه نفشه، غسق كانت لابسه فستان فوشي وفيه نفشه ومطلع طلتها حلوه خصوصاً انها قصيره بداو يسلمون على الي يعرفونهم وجلسو
ريف: بنات شكلي زين؟
ألين: ماشاء الله اول مره اجي عرس كل ناسه حلوين
ريف: اي حنا مانتشرف الا بالحلوين
نادين ضربتها بخفه: اقول اهجدي
-بوقت الزفه الينا عدلت شكلها ورشت من عطرها اخذت المسكه الي كان فيها الوقو صوره ابوها ساعدتها وحده من المشرفات بأنها تمشي وقفت عند الباب واشتغلت الزفه وبدا الباب ينفتح بهدوء والناس كانو منبهرين من طلتها الي تفتح النفس بدأت تدخل بخطواتها اليمين وتمشي بهدوء لحتى وصلت على الكوشه استقبلوها هذام وعمها وسعود
وقفت بينهم وبدات المصوره تلتقط لهم صور
فجاء اشتغل صوت وكانو منصدمين كانت تقول " اول شي حابه ابارك لا روحي وحبيبه قلبي الينا عسى ايامك هنيه والله يبارك لك ويسعدك بهالعرس حبيت اسوي لك مفاجاء بسيطه واتمنى تعجبك وتعجب جميع الحضور التفتو للباب " التفت الكل ودخلت بطلتها الي الكل جالس يتكلم فيها وانها غطت على الينا!
حركت شعرها القصير بغرور وهي تتقدم لهم
حضنت الينا الي كانت مصدومه واردفت ببتسامه: وحشتيني
قبلت راس ابوها رغم انها شايله بخاطرها عليه وصدت عن هذام جاء بيمسكها بس اوقفته ايد ابوها الي انمدت لا ايده وهو يناظر له بحده
مسحت دموعها ريف وهي تركض وتحضنها بقوه: اشتقت لك!
ابعدت هتان وهي تمسح دموعها بانمالها: شوفيني جيت راح اخليك تنامين عندي لاجل تروين شوقك شتبين بعد
ريف ابتسمت وهي تمسح دموعها: ابيك
تقدمت امها وهي تحضنها بادلتها الحضن وهي تقبل راسها
علياء: عانينا بفراقك يابنتي لعد تتركينا
هتان تلاشت ابتسامتها: انتو الي خليتوني اتركم
علياء: ماعليه الحين عرس اختك لاتخربين فرحتنا فيها
هتان: تمام بطلع اجيب الهدايا واجي
علياء: تمام
مشت وانظارها على الضيوف وتتبسم طلعت ولحقها هذام وهو يمسك ذراعها ويسحبها لورا القصر: هتان
هتان عضت شفتها بقهر: هذام ابعد عني!!
هذام بندم: هتان خليني ابرر لك!
هتان: مافي شي ينقال كل شي انتهى! استوعب الي سويته قبل تجي تكلمني استح على وجهك هذام لك وجهه جاي تكلمني بعد كل الي سويته!!
هذام: هتان صدقيني اني ندمان ماكنت ادري انها كذابه!
هتان بكره: ليتني مت ولا شفت وجهك
تركته وهي تاخذ الاغراض وتدخل
شد على معصم ايده بقهر وهو وده يصرخ من القهر
دخلت وشافت نايف بوجهها نزلت الاغراض وهي تحضنه
هتان: اشتقت لك نوفي
نايف: الله يسامحك بس نوفي! صديقتك انا؟؟
هتان ضحكت بخفه: شدعوه نوفي ترا الدلع حلو
نايف: اقول بطلي بس ويلا ادخلي ترا وحشتينا
هتان: مو كثري والله يلا امش
ركبت على الكوشه وهي تحط الهدايا على الطاوله مسكت ايد الينا وهي ترقص معاها
والبنات كانو فرحانين واهل هتان وكان الحياه رجعت لهم
بعد ماخلص العرس والكل رجع مابقى الا هذام وهتان الي ورطتهم ريف وقفلت عليهم باب القاعه
كانت تدور وبكل مره تلعن ريف ومقهوره من حركتها هي والبنات
هذام: دوختيني اجلسي
هتان: مالك شغل
ضلت تدور وهي تنتظر احد يفتح الباب
استوقف هذام وهو يمسكها: اجلسي هتان
تنهدت وهي تجلس
هذام بلع ريقه واردف: انتي تدرين ان بينا عشره وحب كبير صح ولا تدرين اني دخلت باكتئاب وحبسوني العيال وتو اليوم يطلعوني عشان احضر عرس اختي الي مادري عنه شي تدرين كنت اقولهم يجيبونك لي لانك انتي الوحيده الي بتداويني انتي الوحيده الي بترجعيني هذام الي قبل هتان بيني وبينك وعود وحب لاتخلينهم يضيعون بسبب وحده تافهه خربت كل شي بينا بسبب فيديو مدري شلون صدقتها وخذلتك هتان لاتكسرين قلبي كافي هالبعد!
هتان: الي سويته مستحيل انساه بيوم ياهذام مستحيل لو فعلا حبيتني ماكنت صدقتها كنت خلقت اعذار لي بس ايقنت انك ماتستاهلني ابداً غيرك هو الي يستاهلني
هذام: هتان لاتقولين كذا وبعدين قصيتي شعرك عشاني احبه ليش تسوين كذا؟
هتان حركت شعرها: شعري وكيفي حبيت اغيره ولعلمك مارجعت عشان اشوفك رجعت عشان اهلي والبنات ولا انت ماهمتيني تمام اتمنى ماتصر علي واجد لاني تعبت منك ومن تناقضك وماودي اكثر كلام متى يفتحون الباب؟
هذام: هتان لاتغيرين الموضوع بالباب!
هتان: بغيره لاني جالسه اكرهك اكثر واكثر كذا
هذام سحبها من خصرها لدرجه صار مايفصل بينهم شي ناظر عيونها وهو يميل عنقه ويقبل ثغرها بعمق تحت صدمتها!!
