#عيونها_بلد_وانا_كل_سكانها
الحمدلله دائماً وابدا
_
استوقفها ابو ريناد وبتسأول: العهد وين رايحه؟؟
ناظرت له وكلها حقد وكرهه تجاهه خانتها دموعها وهي تناظرهم: طالعه طالعه من هالبيت مالي قعده هنا
ابو ريناد: ليش؟
جابر باستغراب: العهد احد ضايقك؟
العهد: لا بس خليني اخبر امكم شغله طيحت شنطتها وهي تتقدم لها وتمسك كتفها وتناظر بحده ودموع: انتبهي من الخاينين اذا خانو اول مره راح يخونون مره ثانيه وثالثه بس طبعاً اذا كانت هالوحده حيه وتبي تخرب بيوت الناس نفسك!
ام ريناد بصدمه: احترمي نفسك وش هالكلام!!
العهد: تبين اوضح لك هالكلام ؟ شوفي حبيبتي زوجك هاذا الحقير خاين قبل سنوات لو يذكر خان امي وتزوجك وبعدها انتحرت!
العهد اكملت وشفايفها ترجف: انتحرت وماتت بسببه ومو اي احد يخون مره ويبطل لا راح يخون مره ومرتين وثلاث زي ماقلت..
كلهم انصدمو من حكيها الا ابو ريناد الي كانت عيونه حمراء ومنزل عيونه
العهد: لعب بمشاعرها وخلاها تتعلق فيه بس بالنهايه وش سوا تركها ترك معشوقته وراح لك ماقول الا الله ينتقم منك ياجعلني اشوفك فاقد احد من عيالك ومحروم منهم زي ماحرمتني من امي!
ابو ريناد بهدوء: العيال مالهم دخل ادعي علي مو عليهم!
تجاهلت حكيه وهي تاخد شنطتها وهي ماسكه على قلبها..
لحقها جابر وهو يمسك ذراعها بسرعه: العهد
العهد: نعم!!
جابر: معد بشوفك؟؟
عهد هزت راسها: بس يمكن نتلاقي بيت صاحبك هذام
جابر: ماني متعود متعود اشوفك يومياً!
العهد: والمطلوب؟
جابر عض شفته وهو مو قادر يتحمل اكثر: العهد بصراحه انا احبك وابي اتزوجك وتصيرين حلالي!
العهد ناظرت له ودموعها تنهمر: خايفه
جابر مرر انماله على خدها: متفهمك ياروحي ادري تحسبيني بخونك بس ترا ماني زيه ابداً صدقيني وانا قلت بتزوجك ماقلت بحبك كذا
العهد ناظرت عيونه واردفت: بشرط
جابر: اعتبريه تم
العهد: اذا حظرنا زواج البنات نسافر خارج المملكه ماني قادره اقعد بمدينه هو موجود فيها
جابر: تم ياروحي يلا تعالي اوصلك
وصلها جابر اخذت شنطتها وقبل لا تنزل مسك ايدها وهو يقبلها بخفه ويناظر عيونها: انتبهي لنفسك!
العهد ابتسمت بخفه وهي ترجع شعرها للخلف: تمام
نزلت وهي تتقدم للباب وبالصدفه طلع هذام
هذام: هلا عهد ترا البنات بالحديقه
العهد: تمام
مشت بخطوات هاديه وهي تدخل عليهم ومستعده للانهيار: بنات..
التفتو عليها وهم ينتظرونها باستغراب: شفيك واقفه تعالي!
العهد تقدمت منهم وهي تجلس وجهها باين عليه التعب
العهد: صارت اشياء كثيره عورت لي قلبي..
هتان: شوفي لاتخوفينا واحكي!
العهد بلعت ريقها بغصه: امي ما ماتت بسبب القلب ماتت منتحره بسبب الي كنت اخدمه متخيلين كنت غافله عن سواياه اه بس
الينا سحبتها وهي تحط راسها على فخذها: صدقيني بيجي الشخص الي يعوضك عن كلشي
العهد ابتسمت وهي تعدل جلستها: وهالشخص معي الحين
البنات ناظرو بعض: ميين!!
العهد ببتسامه: جابر وبنطلع خارج المملكه لان مقدر اكمل اعيش بالمدينه الي فيها ابو ريناد
الينا بدموع: لا ياخي بتوحشينا!
العهد: اكيد بجي بين فتره وفتره ماعليكم
الينا: ماعلينا تو ماوافقت على سطام اوافق او لا؟
ريف: ليه حنا الي تتزوجهه؟
نادين: استخيري ومابيصير الا كل خير
الينا بكذب: استخرت وحس اني ارتحت له
هتان: صراحه صراحه انا مارتحت له بعيداً عن كل شي ومو قصدي اخرب عليكم بس احس الولد راعي بنات وعاد احساسي بمحله دايم
ريف رمت عليها علبه المويه: اهجدي وافقي وان شاء الله زين
الينا بضيق: تمام
هذام: بنات تعالو ابوي يبينا!
ناظروه باستغراب واستوقفوا وهم يدخلون
