#عيونها_بلد_وانا_كل_سكانها
-
« بالمستشفى »
بعد ساعات طويله من توتر البنات طلع الدكتور وفزت الينا ودموعها تنزل: طمني؟
الدكتور: للاسف ان ابوك صابته سكته قلبيه ولا لحقنا عليه عظم الله اجركم..
طاحت مغمى عليها وصرخو البنات وهم يرفعونها طلع هذام وهتان كانت ماسكته وعيونه ذبلانه: ابوي شفيه عيد؟
الدكتور: صابته سكته قلبيه وتوفى
مشى من عندهم واما هذام طاح بالارض ونزلت لا مستواه هتان وهي تحضنه وتهديه، والعيال كلهم طلعو لان مايبون يشوفون هذام بذي الحاله
هذام: كل الي صار بسببي المره الاولى فقدت امي والحين ابوي ياهتان
حضنت راسه لحضنها: لاتضعف ياهذام ذا يومه ماتعودت اشوفك بالحاله ذي تكفى لاتهلك نفسك كلنا رايحين محد قاعد ذي الدنيا...
-
« عند العهد »
وصلها الخبر من البنات وتنهدت: لاحول لله ولا قوه الا بالله الله يرحمه يارب انتبهو لا الينا شويات وانا عندكم
قفلت وهي تدخل الغرفه وتتقدم من جابر وهي تصحيه بهدوء: جابر قوم ابو هذام توفى
فز جابر: ان لله وان اليه راجعون
وقف وهو يدخل دوره المياه "كرم القارئ" غسل وجهه بسرعه وطلع سحب المفتاح و جواله وطلعو متجهين للمستشفى.
-
« بعد مرور اسبوع »
كان هالاسبوع ثقيل على الينا مو مستوعبه فقدان ابوها كانت تتمنى ماترجع وتعيش شعور الفقد ولكن كلشي مقدر ومكتوب لازم ترضى بالامر وتتعود على فقدانه كانت حابسه نفسها بالغرفه ولا لها خلق تشوف احد حتى امنعت نفسها من الكل وتمنت هي الي ميته بدل ابوها ناظرت الباب من دق واردفت بصراخ: اتركوني بحالي يعني مارتاح حتى!!!
هذام: فكي الباب يالينا بكلمك بخصوص ابوي!
فزت من طاريه وهي تفتح الباب بسرعه دخل وبايده صينيه ملئيه بالاكل الي تحبه
هذام: تعالي
تربعت على السرير وهي تغطي نفسها بالبطانيه: اخلص تكلم!
هذام: افا تطرديني؟ شوفي لوين وصلت حالتك ارحمي روحك مايصير ترا البنات مشتاقين لك عرسي مابقى عليه شي حتى ماتبين تكونين موجوده فيه ؟
الينا: هذام انا بفهم انت عديم مشاعر؟ ابوك متوفي وانت تبي تعرس على الاقل اجل العرس!!
هذام تنهد وهو يمسك ايدها: كنت اتمنى اجله بس ابوي طلع كاتب وصيه..
طلع الورقه وهو يعطيها: شوفي
سحبت الورقه وهي تقرا
" حاب اكتب وصيتي لا ابنائي قبل مايجي اليوم الي بموت فيه هذام انتبه لا اختك كويس حطها بعيونك ولاتزعلها علمها الصح من الغلط حاول تخفف عن حزنها صير لها الاخ والاب والام وانتبه لا نفسك وعرسك ابيك تسويه بموعده لا تاجله انا ماني مضمن هل بكون متواجد فيه او لا واتمنى تكون قلوبكم على بعض واتمنى رسالتي توصلكم"
نزلت دموعها وهي تمسحها بكم التيشرت، حضنها هذام وهو يمسح على راسها ويقبل عيونها: مابي اشوف دموعك يالينا
الينا ابتسمت بخفه: ابشر
هذام: يلا امشي البنات ينتظرونك بنطلع
الينا: تمام ببدل
