لسنا أبرياء

البارت الواحد وعشرون

لسنا ابرياء //بقلم الكاتبة.. غرور العراق وايليت

أنا شعَرفني بالأشعار
و من يَمتى صَرت مجنون
و أسمع سوالف قِيس و أحَبيني
و كلام إلـ گاله قُباني
مِن يمتى ضِعت أني ؟
شسَوت عِينك بروَحي
و صَرت هالكثر مِتنازل
شسَويتلي و حتى أقنع
بنَظرة و صوت و مراسل
چِنت ما أهتم لواحد
شِجاني و مَن وَرا عيُونك
صَرت عاقل ؟

لا تنسون تصويت وتعليق ومشاركة لرواية ومتابعه لحساب

وانحبكم ❤✍️

....................

دخل لبيت بثورة عارمة.... يووووووم وينننج

طلعت من مطبخ وهي تنشف بيده... ها مصطفى

انننننتي شلوووون تصرفين من كيفج

ليش، شكوو...

شنو شكوو انتي محاجية عمي وخاطبة ليان

ردت برود وهي تكعد على كرسي... اي صح حاجيته وهو رجال وافق

مصطفى.... ليششش هيج ليشش تحطيني بموقف محرج ويا عمي اليوم من كالي اني موافق گبع واخذ، بقيت لا اثرد ولا اغمس

. وانت شبيك متخبل تريد احسن من ليان..

-ليش ليان شخصه هسه اني جبت طاريه اني ما مطيح حظي الا قراراتج من وحدج

--لشوكت اضل اعزب الي بكدك جهالهم بطولهم

-يطبهم قز القرط اني شكوو

-حجت بحدة... مصطفى اني كبرت واريد اشوفكم مزوجين ومن زمان كتلكم لو يارا لو ليان تاخذون وحدة منهن بنات عمكم ونعرف شنو هنه

خبصتوني يارا طفلة وطفلة وبمانو سلام خلص خطبت له بقيت انته واني حجيت عمك على ليان ورجال مارفض تريد احسن منه شو جمال واخلاق وشهادة

مصطفى... ما قاصرة البنية والله ماقاصرة بس اني واحد ساقط وراح اكسر گلبه ليش تورطين بنات ناس وياي

-ما تكسرة بلكي تعقلك وتبطل دياحتك وجياتك نص  الليل

-ليش ليان سيد لو معمم لو كتاب اسلامية وتعقلني

-من تزوج تصير عندك مسوؤلية تعقل بعدين اني اريد ليان جنتي اني بنات ماعندي وذني بنات ربيتهن واعرفهن شنو واريده جنتي وهذا قرار خالص من راسي واذ، فشلتني ويا عمك ماارضى عليك مصطفئ وروح ابوك 

رد بعصبية... خوش قرري بكيفج بس من هسه اكلج خطيته بركبتج اني ماعليه

ولك لا تخبلني مصطفى..

اني واحد كواد...

سلام... واني اشهددد.... دار وجهه شاف سلام واكف يم باب هستوه راجع

مصطفى... وعار هم

سلام... وبلا شرف بعد

عاطت بيهم... ولكككم شبيكم يمة