لسنا أبرياء

البارت العشرون

لسنا ابرياء //بقلم الكاتبة.. غرور العراق وايليت

اللهم صلِّ على محمد وآل محمد 🌺

_

الان تفاعلكم مالت البارحة حلو هذا بارت لعيونكم واذ، تبقون هيج ابقى مدللتكم 😂❤

تفاعلوو على كل فقرة وصوتو يولو 🥲

انحبكم..

بارت طويل 6466كلمة هذا مال يومين 😂😂مطيحة ل466الكم عاد صوتوو على 6000🥲😂
.......

رجفت اباوع لباب ماعرف احجي گمت و كفت خزرني خزرة شلتني وعلي گام شبل بهدوء باوعتلة بحقد

حجة بابا راص على اسنانة : شنووو هذاا السمعتة يارا

حجيت بربكة: بـ..بابا بس اسمع..ـع

شبل : عمي خلينا نگعد ونتفاهم احسن

التفت عليه بابا بنظرة ما قابلة وهوة معصب: كومي امشي گداامي ما بينة تفاهمم

شبل: مايصير هيج خل نحجي ويارا مالها ذنب

فاهم: گوممي

خزرني شبل مايقبل اروح و بابا كدامي معصب احس ضعت شسوي هسة اكو طلاب التفتتو علية

شبل: عمي خلينة نتفاهم وناس منا احسن ما يكبر الموضوع

استغفر بابا و مسح على وجهة گعد گبال شبل كعدت بينهم واني بالعة العافية و ارجف

شبل: يارا مالهة ذنب اتمنى ما تزعل عليهة اني احبهة

فاهم: وانتة شكد ماتستحي تكولهة كدامي شايفتي

شبل: اني اعترف الك بكل شجاعة و ما مستحي ولا خايف ونيتي بيضة وياهة

فاهم: شلون تعرفة و من يمتة

شبل: اخوي يدرس هنا وجنت اوصلة وشفتهة و نعجبت بيهة حاولت اتعرف عليهة بس هية تصدني گلت ليوم اعترفلهة و اتقدم رسمي اذا وافقت صدك ما عدي شيء وياهة

فكيت عيوني بصدمة من كمية الجذب و الحجا وشلون يحجي بكل جدية و لا جنة يجذب باوعلي بابا يريد يتأكد

فاهم: صدك هذا الحجي يارا

كرصني شبل من جوة طاولة بلعت ريجي و هزيت راسي تنهدت بابا بتعب وبقة ساكت

حجة شبل يستأنف جذبة: اني مستعد اجي اتقدم ليارا يمتة ما ردت حتى ابينلك اني مالعب و صدك أحبهة

باوع لي كال... يله كومي كدامي

عاينت لشبل مسح وجهه بقلة صبر، اجة يحجي بابا كاله... نيتك بيضة وتريده تجي لبيت ابوه من الباب ما تلحكه بالكفتريات

زمخ بيه: تحررركي

كمت ماااشوف دربي، طرت كدام بابا لسيارة
صعدت واني ابلعم والله رجفة وصلت لكلبي شوي وابجي.