لسنا أبرياء

البارت السادس والثلاثون

لسنا ابرياء

بقلم

الكاتبة... غرور العراق
الكاتبة... ايليت

.......

قولي لـعينكِ أن تنام مُبكرا
فَغدًا سَـيغزوها السَهر
غَدًا سَـيگسرها الحبيب
وتضل تسامر بـالقمر
يا ليل ما هذا الجَفا
أيگسرني خِلي هكذا
ماذا عن الوعد الذي صَدقتهُ
ماذا عن الحُب الذي وددتهُ
بـالله ما هذا الوجع
أيُكسر قلبي هكذا
يَومًا
تواعدنا
تلاقينا
توادعنا
فارقتهُ.. فارقني
حَلَّ الجفا
خذلني الحبيب
فَقولي لـعينكِ أن تنام مُبكرا .......

............

.:
كعدت على صوت مبايل يدك رفعت راسي وسحبتة بخمول منبه جانت ساعة بثمانية بالليل

سديتة ورجعت نمطلت سمعت صوت الماي من حمام مادري لا أراديا تذكرت مريم

كمت بسرعة ارفه عن نفسي رحت للحمام رفست الباب برجلي: اطلععع من حمااامي اريد اغسلل

مجاهد: نجبيي

بقيت ادك بالباب و اسوي الحان مثل ليدكون على طبل ..فتح الباب فجأة وطحت ليكدام لان مرتكية عليه

لزمني صار جتفي على صدرة رجعت ليورة عدلت روحي : وخر اريد اغسل

ارتكة على باب وحجة بنزعاج: ماتشوفيني هنا الة تخبصين الامة

دليار: مو عدك غرفة جوة لو هنا حلاة الارواح

تحرك ليكدام ولزم وسطي بسرعة رفعني صرخت لان فجأة شالني لزمت جتفة

ضحك على صوتي لان مبحوح : مو بس حلاة الارواح تردين روح ام دميعة

دليار: نهجم بيتك شعدك وياي نزلني

مجاهد: مو صبح گلتي افعل دور زوج مراعي رومنسي

تذكرت مريم ضربتة على جتفة وحجيت بجدية: صدك صدك نزلني خل اسولفلك شصار البارحة

نزلني رحت للحمام غسلت ولميت شعري وطلعت: بس شوية انتظر

رحت طلعت ملابسي ورجعت لاحمام توني اريد اقفل الباب شفتة تحرك سديتة بسرعة وقفلتة قبل لا يخلي رجلة يمنعني اسدة

دليار: مايمشن علية ذني سوالف دور غيرهن

رفس الباب حيل : طلعييي من حمام بيتي

دليار: بيتي هذا انتة گلت الة اذا انتة مو كد كلمتك

مجاهد: الرعنة منتظرج جوة

دليار: لا لا ابقى هنا اوكف

كملت وطلعت تخصرت وكفت: شكد عمرك انتة

عكد حواجبة بستغراب: ليش

دليار: اريد اعرف

مجاهد: لا لا ماكدر اكلج استحي