لسنا أبرياء

البارت السابع عشر

لسنا ابرياء

بقلم: غرور العراق.. ايليت

لا تنسون تصويت وتعليق ومتابعه لحساب ♡
.......

اليوم سبت جنت كلش تعبانة من دوام ميتة باجر عطلتي اريد بس اوصل البيت

بطريق الرجعة اتصلت عليه عمتي اساعدها بترتيبات الغرفة و شكم شغلة ناقصة

ماكدرت اردها وهية معتمدة علينة مادها بنات خابرت بابا وگتلة و خبرت يارا ورحتلهم للبيت

ضليت يمهة باقي اليوم كلة لحد العشة گمت سويتة جان بس سلام موجود

كعدنة نتعشة وسوالف منا و منا وهوة يضحك على سوالف عمة عن زواج و حياتهة قبل

كملنة عشة عمة غسلت الماعين ماقبلت اغسلهم گالت تعبتي اليوم

صدك جنت كلش تعبانة ..رحت سويت جاي و هية رجعت للاستقبال تسولف وية سلام

وراهة شغلو تلفزيون وضلو يتابعيون عمة تابع هندي و سلام يصنف عليها يموت ضحك

رجعت للمطبخ صبيت كوابة جاي مادري ضربت بالطاولة وتبدة على ايدي

صحت بوجع ماحسيت غير بأيد على جتفي : اسم الله ..تأذيتي

لتفت على مصطفى اخذ صينية خلاها علة طاولة اني أهز اريد الوجع يروح

ركضت اريد اخليلها ماي لزمهة : لا تلتهب هيج اكعدي خل نحطلج علاج

جانت توجعني جاي يفور عيوني غوشت بدموع راح شوية ورجع بيدة عصارة حروق

كعد بصفي واخذ ايجي خلة شوية باصبعة ومررة على حرق نزيت بوجع

مصطفى:توجعج؟

ليان:اي كلش

مصطفى:اتحملي

ليان:ما اكدر

مصطفى: اتحملي

حاولت اسحب ايدي منة: عوفني حباب الم ما ينحمل

رجع لزمها وحجة بهمس:اتحملي دقايق واكمل

جان الم قوي والعصارة حركتني حرك حطيت ايدي على ايدة وباوعتله بنظرات رجاء: عفيه جاي تاذنيني مصطفى كااافي عووفني

قرب وجهه من وجهي جان البيت هادء بس اني ويا بالمطبخ حجة بهمس: اتحملي

ليان:ما اكدر

مصطفى:شوي ونخلص

حجيت بجية:توجع

عض شفته:هیج وجعتج

باوعتله ببراءة:أي

طكه ضحكك وكال:اخخخ بالقرآن ما تصفة نيتي

باوعتلة بستغراب عينة علية ويضحك نوب دنگ نفخ على مكان الحرك سحبت ايدي بسرعة

ابتسم و طلع من المطبخ متوجه لغرفتة وية صيحة سلام على جاي