لسنا أبرياء

البارت السادس والعشرون

لسنا ابرياء //بقلم الكاتبة: غرور العراق وايليت

.

أمس ما ظل حلِم بالليل ما شفتة
أمس يوم القيامة بعيني جربتَة
أمس طلعَن علية الهوسة والسكتَة
أمس بالليل جبت جروحي غَطنِي
أمس باگوا ضحكتي وفشلوا سنِي
♡•♡••♡•♡•
:
دخلت للبيت اخذت نفس وسلمت بهدوء ماما لاكتنة بالباب تريد تروح وية مرتضى لهلة

اسوة ماكالت باطل رجعت لسيارة وراحت وية ماما بقيت بس اني  بالبيت ماما كالت ابوج شوية ويجي

دخلت جوة احس روحي ضايعة اريد شيء اتمسك بي شمرت جنتطي بالكاع وركضت لغرفتي

سديت الباب ورتكيت عليه وكعت بالگاع وكلشي بية يرعش گلبي يخفق جنة يريد يطلع من صدري

دگات گلبي صعدت لبلعومي خوف جبير احتل صدري خليت ادية على راسي بضياع

شسويت وين وصلت شسوي هسة شگل لاهلي شلون راح اتصرف

مرت الساعات الراحت من طلعت من شقة لحد مادخلت لبيتنة واتي اجنب افكر بالموضوع ما مستوعبة

كوة جنت واكفة على رجلية يمة اذكر قربة و انفاسة تگلب معدتي متقرفة منة و مني

رعشت واني اردد الكلمات براسي اني مزوجة هسة ازوجت مجاهد

رجفت ادية برهبة ماعرف عقلي صفر شسوي مادري ضعت مشاعري اختلطت كلهة

خوف على قهر على عصبية كمت برجلين ترعش للحمام
طخت ايدي بالميز وكع العطر بالكاع شلتة بأدين ترجف اريد ارجعة خليتة على ميز وكعت عيني على المراية

اول مرة بحياتي اشمأز من شكلي حسيت كارهة روحي كلش اريد اختفي

شمرت العطر على المراية نفطرت و تشوشت ملامحي بأنهيار شلت كلشي طشرتة

كلشي يوكع بيدي شمرتة اريد ماشوف روحي ماشوف وجهي

كسرت كلشي حرفيا المرايات و كلشي موجود بالغرفة
تحركت بعصبية و بنهيار ابجي و اكسر

ابجي من نفسي اريد اطلع روحي اريد ارجع لنفسي القديمة حسيت روحي مو اني

مو دليار ليعرفونهة اهلي..وين وصلت روحي بغبائي و تهوري

حقدت على نفسي لان ما ندمانة صرخت بقهر من روحي  : اخخخخخ اريددد اندددم اريددد احسسس بالذنب

وكفت ارعش و كلشي مكسر بس اني واكفة قرف صعد لبلعومي بديت اخدش بي اريد البداخلي يطلع

دموعي توگع عشرة عشرة بس ما بردت اريد اطلع گلبي المايحس كرهت برودي كرهت كلشي بييه

ضرب نفسي حيل اريد اصحى وين وديت روحي شلعبت بابا اذا يدري يذبحني

بس قبلهة راح اكسرة اكسر ثقتة ماريد اشوفة مكسور امووت ولا اشوف هيج نظرة بعينة