انفاس حارقه

البارت الثامن

انفاس حارقه..
البارت الثامن..

امل..  رايحه للخطوبه مال صديقتي وعود افرح واتونس بيبي وياي ممنوع تركصين صيري ثكيله لا تفشلينه والله فكرت ارجع للبيت احسن...

احمد...  ها وليدي منار وين رايح وكاشخ.. 

منار..  هاا جدو رايح على اصدقائي مشتاقلهم وعزموني على طلعه ومشوار.

احمد..  ها جماعتك يعني ..

منار..  اي جدو ..

احمد..  يلا روح الله وياك..

منار..  ولا تفوته شغله خرب حضي المصخم اي والله ..

سعد..  ها شبيك صافن وين عقلك.. 

داود..  ولك مصارح حبيبته ويخاف ترفضه ..

سعد.. مابيها شي انت طالبها بالحلال كالت اي كان بها كالت لا الله وياها شبيك عبالك واحد مظروب بربد  على راسه..

راكان..  خاب ما تنجبون انتو الاثنين ..

سعد.. لا بدون شقه شصار وياك وشنو حجيت..

عودة للماضي..

راكان.. انهار ممكن سؤال بس لا تفهميني غلط..

انهار..  تفظل اسأل..

راكان..  هو يعني امممم انتي مرتبطه او اكو شخص بحياتج تحبين احد..

انهار.. 😳

الكاتب..  ولك مو هيج يالاغم مو هيج..

انهار..  اولا مو مرتبطه ثانيا ما عندي احد بحياتي وثالثا ما احب احد.. 

راكان..  وهو فرحان زين يا بنت الناس اني معجب بيج ونيتي طيبه وادور حلال تقبلين بيه اذا اتقدملج..

انهار..  ما اعرف شنو اكولك بصراحه ..

راكان .. فكري زين ولا تستعجلين واني موجود دائماً يمج بلغيني بجوابج ..

انهار.. وهيه تمشي ان شاءالله خير..

نرجع للواقع..

سعد + داود..  خرب ببليسك موتتنه ضحك اكو واحد يصارح بنيه بهالشكل ..

راكان..  ولكم شمعرفني الحجي طار من لساني صرت ارتجل ..

داود...  لا والله هذا تلزيگ مو ارتجال..

سعد..  اتفق والله ..

راكان..  مو صوجكم والله انتو سرسريه ..

امل..  الخطوبه كلش حلوه بس كامره مراقبه عليه ما كدرت اركص هواي وكل شويه تخزرني بس يلا اهم شي الونسه ..

سراب..  ولج امل بيبيتج سوت عندي رعب كد ما تخوزر ..

انهار..  اني اليوم اقره المعوذات ياله انام لان شكلها انطبع ابعقلي ..

امل..  بنات انجبن وبله لغوة يلا صيحو لفطوم كافي مكابله خطيبها وشغلونه ساجدة عبيد خلي انهزز وانذب لحم قابل شنو يوميه عدنى حفله..

سراب..  ااي حته بيبتج تتحزم وكوم تهز فوك ضهورنا ورة ما تكسرنا ..

انهار..  باوعي جاي تحجي ويه بيبي بس لا يتراهمن اله اشرد للصين ..

امل ..  طنجرة ولكت غطاها.. 

الكاتب.. تخبطين عراقي وسوري خير يابه سلامة عقلج..
امل.. بكيفي على عناد المضغوطين ..

الكاتب...  والله يرادلج فركه اذن شويه بس انتظري اله اخرب الحفله ..

امل..  لا يمعود اتشاقه شبيك هسه الحفله شعليها كول يالله احجن شي بنات ..

انهار + سراب..  هالمره لخاطرنا..  عفيه حباب انريد انهز ونركص

الكاتب..  هاي اخر مره ..

في مكان آخر

جعفر..  يلا سديم شتحبين تاكلين فانيلا لو توت..

سديم.. اشرتله على الفانيلا...

جعفر.. يلا بيبي وماما اخرتنه تتمشن على بيض..

نغم..  ابني والله ما بينه نمشي.. شوف حبوبتك كوة وصلت..

زينه..  حبوبه اخذ اخيتك وتونسو اني وامك راح نركد بالحديقة هنا يم الشجرات هذني وعود انت خابرنه من تريد نطلع..

جعفر.. يلا خوش يلا سديم تعالي هذولي العجايز ما بيهم حيل بعد خلي نرح لديلاب الهوا شتكولين..

سديم.. اشرت بمعنى نعم يلا خلي انروح..

الكاتب..  حجيه زينه سؤال بلا زحمة انتي شو تحجين كوم لهجات حيرتيني شنو فلمج ..

زينه..  حبوبه اني ابوي بغدادي واهله اصلهم من الغربيه وامي من الكوت واهلها من البصرة لهيج يا حبوبه اني جلماتي بكل اللهجات اعرف احجيها ..

الكاتب..  والله كفو من الحجيه زينه..  اله الكالج عريس ..

زينه..  خجلتني يحبوبه ..