انفاس حارقه

البارت السادس والعشرين

انفاس حارقه..
البارت السادس والعشرين..

في بيت سعد..

طلعت.. زمن خلى الي بكد جهالي يتزوجون واني لسه..

سعد.. احد لازمك ما تتزوج بس تبجي بوجه الله..

طلعت.. هاي امور مال كبار انت بعدك جاهل لا تدخل..

سعد.. الي يسمعك يكول ابن الاربعين لو ابن الخمسين غير تكعد راحه..

ندى.. كعدنه على الكوشه والجيران والكرايب ملتمين وكلها تركص هاي عود عمي حسين كال حفلة صغيرة لعد لو مكبريها شلون..

مقداد.. بهمس.. طالعه تخبيلن نداوي وين اضمج من الحساد..

ندى.. بخجل.. تسلم حبيبي وانت طالع كيكه..

مقداد.. فدوه الج حبيبتي.. باوعي هناك الافنديه اثنين ولا عبالك خطوبتهم عبالك كاعدين بفاتحه حته ضحك ما يضحكون..

ندى.. هههه معقدين ومتوالمين والله..

مقداد.. اسكتي يمعودة فضحتينه هسه عبالهم شو شنو نحجي..

حيدر.. طالعه حلوة..

شجن.. شكرا انت هم طالع حلو..

حيدر.. عيونج الحلوه.. باوعي على هذولاك الجهال يتمضحكون..

شجن.. خليهم همه جهال وفرحانين بنفسهم ولو اني احب الثكل بس انكول خطوبتهم ومكيفين..

ندى.. صار وكت نلبس الحلقات وكلمن لبس شريكه الحلقه وقطعنا الكيك.. بس اني وكعت الكيكه على قميص مقداد يمه قمه الاحراج بس هو ما اهتم والحمدلله عدت الحفله بكل روعه..

في بيت امل..

ماجدة.. يما منار منين هالولد الي ويه عليوي..

منار.. هذا صاحبه جعفر مبين خوش ولد وحيل عجبني ثكيل وخلوق..

ماجدة.. الله يحفظه لاهله ويطول بعمره..

امل.. اكول بيبي شو ما تفاجئتي بجية علاوي مثلنه..

ماجدة.. يما هو دائما يتصل يسأل علينه واتصل وسمع صوتي تعبان وضل يلح شبيج بيبي احجي وحجيتله وخطيه اول ما نزل اجه لهنا حته قبل لا يروح لاهله..

امل + منار.. ها هيج يعني طلعتي داهيه ماجدة خاتون..

منار.. امل اني راح اروح انام من يجي جدو كوليله علاوي يسلم عليك وصاني اشوفله بيت هنا او بمنطقه قريبه يكول هذاك بيتنه صار صغير وراح يعزل هو وخالتي وابو واخته مسره..

امل.. تمام.. ياي راح يجي هذا الهيبه هنا وامشي وياه بالمنطقه واقهر البنات كلهن هههه..

في بيت انهار..

صمد.. كومي بنتي يلا مابقه وقت..

انهار.. يلا بابا اجيت.. ياربي منك التسهيل يالله..

صمد.. يلا بنتي سهلة ان شاءالله..

في المستشفى..

الدكتور.. شوف ابو انهار بنتك تحتاج علاج كيماويّ لان السرطان واصل مرحله متقدمه بس ان شاءالله نكدر انلحك عليه ونوكفه بحيل الله..

صمد.. بقهر.. شوكت انبلش دكتور..

انهار.. اسمع الدكتور كال كيماويّ يعني راح انتهي راح يوكع شعري وبعدها اتوجع يلا اموت.. ما حسيت بشي بعد..

صمد.. بنتي انهار بنيتي كومي يروح ابوج..

الدكتور.. خلي ناخذها الطوارئ اكيد هبط ضغطها من الخوف..

صمد.. لا حول ولاقوة الابالله العلي العظيم..

انهار.. بابا.. اني وين.. ليش دتبجي..

صمد.. بنيتي الحلوة لا ما ابجي.. يلا ليش هيج تكطعين بكلبي مو اعرفج قويه..

انهار.. اسفه بابا بس مدري ليش دخت وكعت..

في بيت جعفر..

زينه.. الحمدلله على السلامة يمه يا هلا بجيتك..

جعفر.. هلا بيج بيبي. شلونج والله مشتاقلكم..

ام جعفر.. هلا بوليدي يما شلونك كلبي ضال عليك..

جعفر.. هلا بغاليتي الحمدلله بخير انتي شلونج مشتاقلج.. لعد سديم وين..

زينه.. فوك يمكن نايمه..

جعفر.. زين لعد اروح اني اكعدها.. ادخل..

سديم.. كاعده اقره بقصه كلش حلوة قصه الجرس حلوة وحزينه وسمعت جعفر يصيح ادخل.. ركضت فتحت الباب..

جعفر.. هلا ببنيتي شلونج يبعد اخوج شلون صرتي

سديم.. اشرت بمعنى كلش زينه الحمدلله..

جعفر.. يلا تعالي امي صبت عشى وتنتضرنه..

سديم.. اشرت بمعنى يلا..

ام جعفر.. وليدي اريد احجي وياك حجايه..

جعفر.. كولي يمه..

ام جعفر.. يمه نويت اخطبلك وازوجك اذا تقبل..