انفاس حارقه

البارت التاسع

انفاس حارقه..
البارت التاسع..

ندى... كاعدين ابيت عمو حسين اني والعصابه شريكاتي وتخيلو ثلاثه أعضاء عصابه يحبون النمنمات والاندومي شنو يسوون تالي الليل والعالم نايمه ..

شجن..  لزمتجن هاي شنو اجاي  تعملن بنص الليل..

ملك + ندى  ... يماااا . وجع فززتينا هو هيج سويتي بينه هبطه ..

شجن.. .  وجع احجلي شنو جاي تسون نص الليل.

ملك.. جاي نبيع ممنوعات  وخوش عدنا زباين ثكال شنو تشوفين ..

ندى.. لا جاي نبوك من اهلنه ..

شجن.. تحجن لو شلون ..

ملك.. جاي نطبخ اندومي عشوينيه ..

شجن.. وما تصيحلي خاينات ..

ندى.. مو عبالنه نايمه كلنه خطيه انكعدها ..

شجن.. اي واضح ..

في مكان اخر...

سديم... اشرت على الفانيلا..

جعفر.. وهاي ام الفانيلا لاحلى سديمه.. يلا اكلي حبيبتي..

سديم.. ترجع بذاكرتها ليوم الحادث.. 

ماما اني طالعه لبيت صديقتي لان الدنيا العصر وارجع قبل الليل..

ام جعفر..  لا بنتي اجليها غير يوم مو وكتها..

سديم.. لا ماما عفيه فدوه والله ما ابطي ..

ام جعفر.. اوف امري لله  . يلا ممنوع تتاخرين..

سديم..  يلا تمام ..

طلعت من بيت صديقتي الدنيا شويه بيها ضوا بداية

الضلام طلعت مستعجله. حته اوصل قبل الليل بنهاية

الفرع دا امشي وحسيت احد وراي انتبهت وراية وما

حسيت غير بضربة على راسي وما ادري شنو صار بيه بعدها فقدت الوعي...

سعد..  اي راكان بشر جاك الجواب لو لهسه ..

داود..  ما ادري ليش احسها رفضته وهو مايكول حته ما نضحك عليه ..

راكان..  انجبو.. اثنيكم ..

سعد.. صدك شو هيه ماكو مختفيه خاف تزوجت..

راكان..  انت ليش ما تنجب احسن..

داود.. الولد ما كال شس يجوز صدك ايجوز كلشي يصير ..
سعد.. هاا هذنيج صديقاتها امل وسراب اسألهن ..

داود..  بنات بلا زحمه شويه..

امل + سراب.. نعم تفضل.. ..

راكان..  بنات اريد اسأل على انهار شو ماكو ..

البنات..  بصراحه ما نعرف اخر مره شفناها قبل ثلث ايام بخطوبة صديقتنا...

راكان... شكرا بنات..

البنات.. العفو..

داود.. ها سمعت بخطوبه يمكن وحدة من الموجدوات خطبتها وصارت القسمه..

راكان..  سعد سكت داود لا اجرم بي ومحد يخلصه مني .

داود.. اعصابك روميو ما كلنا شي مجرد توقع..

سعد... داود كافي لا تشاقه بهيج سوالف..

في مكان اخر..

الاب..  تدرين اليوم خابرني ابن عمي شيخ.... ...... يكول ابنك اذا ما تسلمه يصير بيها الدم للركب واذا همه ما كتلو احنه نلكا ونكتلة هذا شوه سمعة عشيرتنا بعملته...

الام..  وشراح تسوي.

الاب..  يعني شبيدي اشو لا احل ولا اربط محد يكلي انت شنو..
الام.. دور ابنك وانطي فليسات وخلي يطلع من العراق..

الاب..  اي عيني واذا اهل البنيه رادو ينتقمون منو يضحي بنفسه ويموت علمود ابنج العار يعيش ها شو جاوبيني...

الام... مدري والله طركاعه وطاحت على روسنا  ..

في مكان ما...

كرم.. اخخ لك شوازاني وسمعت حجيك هيج احسن مهجولين وباي لحظة ننلزم ونروح بالرجلين كله منك شفكرت من طاوعتك..

قيصر.. واني شعليه كتلي ساعدني وانطيتك حبوب كتلك اخذ وحده كافي واخذ الي تريده وعوفها للبنيه منو كالك روح العب بخلقتها وحابسها يومين وفوكاها حركت وجها وشوهتها شو كلي منو الي يلوم منو كلنا بالهوا سوا...

كرم..  وشنو اختلف بس يلكون اثرنا يمحونا من الوجود شتحجي انت احسن شي نطلع تهريب للخارج احسن..

قيصر..  واهلك واهلي يدفعون ثمن جريمتك وهمه لا علم ولا خبر بالسالفه شنو ذنبهم هاا..

الكاتب..  يعني تتعاطون وممنوعات وتعتدون على بنات الناس عادي بس اهلكم لا خطيه ولازم ما يصيبهم شي بس بيوت الناس عادي تهجموها الله يكرفكم انتو وكل شخص على شاكلتكم الزفرة الخايسه...