انفاس حارقه

البارت الحادي عشر

انفاس حارقه..
البارت الحادي عشر..

امل.. نقلنا بيبي للمستشفى واني ميته رعب عليها هاي بيبي لا هاي امي الي ربتني وكبرتني بعد نص ساعة وصل جدو..

احمد.. ها جدو شكو شبيها ماجدة.. 

امل.. جدو دا نصعد الميزتواليت للطابق الثاني حته نجهز مكان لغرفة منار... زلكت وطاحت ركضت عليها وما تصحى فدوة جدو كلي ما بيها شي ..

احمد.. ان شاءالله ماكو شي بنتي هسه الدكتور يفهمنا بس خلي اتشكر من جاسم وامه واجي..

بعد نصف ساعة
الدكتور.. منو ويه المريضه..

احمد..  احنا دكتور اني زوجها طمني دكتور فدوةاروحلك.. 

الدكتور.. حجي زوجتك متعرضه لضربة قويه بالراس لذلك صاير عدها نزيف بالدماغ نجحنا بأيقاف النزيف بس لازم نتاكد انو ما صار عدها اصابه بالدماغ..

احمد.. دكتور فدوه شنو وضعها زينه لو لا..

الدكتور.. حاليا زينه الحمدلله.. بس لازم فحوصات للدماغ حته نتاكد وان شاءالله خير يلا عدها العافيه..

احمد.. تسلم دكتور ..

امل..  جدو بيبي زينه لو لا.. .

احمد..  ان شاءالله مابيها شي..

في بيت سعد..

حسين.. خير ابني شبيك خوفتنا..

سعد.. عمي احنا هم يوم نجبر بناتنه على الزواج..

حسين.. لا وهذا عار الي يسوي هيج..

الكاتب.. العار كاعد كبالك شخصيا ..

سعد.. ولك اسكت فضحتنه مو وكتك..

سعد..  ابوي يريد ينطي ندى لابن حامد الملطلط..

بلال..  احترم نفسك واحجي عدل..

حسين.. شنو ابو سعد صاير تمشي وحيدك هاي بنتنا همات شو وحدك تتصرف..

بلال.. ما تعلى كلمتي على كلمتك انت اخوي الجبير بس حامد طلب ايد ندى لابنه واني كلت انطيها هم كرايبنا وهم بنتي وجتها قسمه صالحه..

حسين.. ليش احنه من شوكت نزوج بناتنه هيج.. واذا طلبها يعني شنو غير تشورنا واحنه شورنا واحد دائما. وانشوف الانسب ولو ما سعد حجا جان ما درينا وجان ورطت بنتنا ويه هذا.. هاي جبيره يا اخووووي الصغير..

سعد.. عمي من رخصتك احنا الشباب كلنا نعرف هذا ابن حامد ابو سوالف فاسدة وابوي ضربني علمودة..

حسين..  ها ابو سعد وتظرب ابنك لان يحجي وياك بحق ويدافع عن اخته ..

راكان..  اه من طيفج يمر كبالي اه شيصير بحالي..

الكاتب.. الله الله يا روميو تصفيق طشولة جكليت ..

داود..  ها شبيك وجهك ما يتفسر لا انت ولا سعد...

راكان ..  ليش شبي سعد..

داود.. مدري يخوي كنا بالشغل سوا اجا تليفون اشو انكلب وجها وعافني وحدي ومشا..

راكان..  شني هاي ما عرفت شبي.. زين لعد منو بالماركت اذا انت مكابلني..

داود..  لا والله مافهمت شي.. عزلت الماركت وجيت اكابل خلقتك يا شاعرنا..

الكاتب..  لا ولك هذا قيس مجنون ليلى..

في مكان اخر

جعفر.. شوفي. شكد حلوة الدنيا والناس فرحانه اندمجي عيشي لاتضلين ضعيفه..

سديم..  ضعيفه اي صحيح اني ضعيفه اتذكر نفسي وهو يعتدي عليه وما كدرت امنعه شفت الكسر مال الصحن وسحبته وشخطت وجهة القذر خليته يصرخ عبالي راح اخلص..

كرم.. اخخ جرحتي وجهي وكسرتي خشمي اله اندمج على عملتج..

سديم ..  هجم عليه وضربني واني اصلا ميته من الالم وكعت ربطني وجاب شموع واني اتوسل بي يتركني بس ما فاد..

كرم... شوفي هاي قطرات الشمع شلون جاي تحرك بوجهج اني هيج نار جواي اله اطفيها يلا ارتاح..

سديم.. ابشع شعور بالعالم يحركون بيك وانت نا تكدر تسوي شي حته تدفع الاذى عن نفسك شعور ما ينوصف مجرد انفاس تطلع لكن وياها شهقات من دخان ونار الي بداخلي. وما حسيت على شي بعد...

كرم..  اخخخ هيج برد كلبي واخذت بثاري وهسه منو يباوع بهيج خلقه.. هي هي هاي يمكن ماتت لا ياالله هاي شسويت.. قيصر الحكلي يمكن ماتت...