انفاس حارقه

البارت السابع والعشرين

انفاس حارقه..
البارت السابع والعشرين..

في بيت امل..

احمد.. السلام عليكم

امل... وعليكم السلام هلا جدو شلونك

احمد.. هلا بنيتي شلونج.. شنو كان يمنا ضيوف المن هاي الصحونه كلها..

امل.. اي جدو كانو يمنا علاوي ابن خالتي وصاحبه اجو يشوفون منار..

احمد.. اها زين.. لعد منار وين بيبيتج وين..

امل.. بيبي بغرفتها تصلي. ومنار نايم..

احمد.. ها خوش يلا بنيتي خلصي ترتيب وروحي جيبيلي جاي..

امل.. تدلل جدو واحلى جاي الك.. صدك جدو يسلم عليك علاوي وكايل اريد جدو يشوفلي بيت ينفس منطقتكم او قريب عليكم..

احمد.. خير ان شاء الله..

في بيت سعد..

بلال.. وليدي اني حجيت ويه امك وفكرنا اندورلك عروس المن باقي..

سعد.. حجي مو وكتها خلي اخلص جامعه وراها الله كريم..

هاجر.. هسه الزواج مانعك لا تدرس اذا حاط عينك على وحده كول حته ناخذها الك..

سعد.. لا والله حجيه ماكو هيج حجي انتي تتخيلين..

بلال.. يصير خير ولكل حادثا حديث..

في ماركت داود وسعد

راكان.. داود بشرني حصلت الي كتلك بيهن..

داود.. اي غير اني ابو حسام..

راكان.. كفو. بس منين صرت ابو حسام..

داود.. من البارحه حضرت اسماء ابنائي وبناتي كلهم اني وسراب اختاريناهم وبعد تسموني ابو حسام..

راكان.. على خير يابه.. هسه فضني..

داود.. يلا لاتبجي.. هاك هذا رقمها وهذا عنوانهم قريب على بيت سراب..

راكان.. تسلم ابو حسام.. عود طهور ابنك عليه..

داود.. كفو غير عمه انت..

في بيت انهار..

ام انهار.. يمه سوده عليه بنتي هيج يصير بيها سودة عليه شوف شلون حالها..

صمد.. كولي يالله الي يريده الله هو بي الخير النه لا اعتراض على حكم الله وقدره..

ام انهار.. ونعم بالله العلي العظيم. يلا حجي تعال خلي نتركها ترتاح..

صمد... يلا.. ياالله يا معين اعنى.. بعد كم جلسه ياله تتحسن.والله ما اكدر اشوفها بهاي الحاله..

ام انهار.. ليش ما طلعتها للخارج الطب احسن..

صمد.. نفس الشي السرطان علاجه واحد بكل مكان بس اتعبها بالسفر بدون فايده..

في بيت جعفر..

جعفر.. تزوجيني هاي منو صاحب الفكره..

ام جعفر.. يما لعد انت صغير غير اريد اشوفك فرحان عندك بنت حلال ترعاك وتهتم بيك ما تشوف اني صرت شكبرني واختك خطيه ما تكدر..

زينه.. اي يمه اريد اشوف فريخاتكم قبل لا اموت..

جعفر.. عمرج طويل بيبي.. ان شاءالله افكر بالسالفه..

ام جعفر.. ولا تفكر اني لكيتلك عروس وحجيت ويه امها وخلصت كلشي..

جعفر.. تحجين صدك واني اخر من يعلم بس عوزكم تجي تخطبني.. ومنو هاي الي خطبتيها..

ام جعفر.. الدكتوره ريان الي تعالج اختك بنيه محترمه وبنت ناس واخلاق وحبابه ومثل الماسه النادرة ماكو منها..

جعفر... وهاي وين شايفتني وقبلت بيه لو انتن تحجن بكيفجن..

زينه.. يما جا غير انا راويتها صورتك من اجت..

جعفر.. هوب هوب وين اجت. ومنين شوفتيها صورتي فهميني..

ام جعفر.. شوف يمه اخر جلسه لاختك رحنا هناك ولكينه امها وسولفنه سويه وكالت تريد تزوجها لان كبرت وما تقبل تزوج لان كل الي يتقدمولها يريدونها تترك شغلها وهي ترفضهم واني كتلها اخطبها الك وهو ما يعترض على شغلها وشوفتها صورتك واقتنعت بيك وكالت احجي ويه بنتي واقنعها. وعزمتها يمنا واجت اتغدت وبيبيتك شوفتها صورتك والضاهر عجبتها..

جعفر.. نسوان ولا ينكدرلجن..

ام جعفر.. لا تضل تحجي العصر اخابر امها واذا موافقه نورح نخطبها لا تضيع هالدرة من ايدك..

جعفر.. زين والله عبالي هي تجي تخطبني اذا انتي مكملة الطبخه اني شنو دوري بالموضوع..

زينه.. يما غير احنا نسوان ونعرف الزينه من الموزينه ونريدلك الاخير..