انفاس حارقه

البارت السابع عشر

انفاس حارقه..
البارت السابع عشر..

في الجامعة..

داود.. سراب اريد احجي وياج..

سراب.. اتفضل..

داود.. شوفي سراب بدون مقدمات تقبلين تتزوجيني..

سراب.. مصدومه ولا كلمه ولا رد..

داود.. سراب احجي وياج وين صفنتي..

سراب.. شوف داود ما اجذب عليك انت خوش ولد وشاب محترم ومثقف بس ما اكدر ارتبط اعذرني وربي ينطيك بنت الحلال الي تسعدك...

داود.. بس اني اريدج.. وسئلت عليج لا متزوجه ولا مخطوبة شنو المانع احجيلي اريد سبب رجائا...

سراب.. الحقيقه اني مطلقه.. ..

داود.. بصدمه بس تمالك نفسه شنو مطلقه.. ..

سراب.. اي مثل ما سمعت..

داود.. عادي بس هذا ما يمنع ليش ترفضين..

سراب.. يعني انت عندك عادي تاخذ مطلقة؟؟

داود.. اي عادي ليش شبيها مو بشر مو شرط الزواج الاول ناجح دائما ومو شرط تكون المرأة سيئة وتطلقت الرجال مو ملائكة.. اني قابل بيج مهما كنتي ..

سراب.. وكلام الناس تكدر تتحمله..

داود.. اني متزوجج انتي لو متزوج الناس. الناس تظل تلغي ما تسكت لذلك ما احرم نفسي من شي بسبب ثرثرتهم ولغوتهم..

سراب.. كلامك حلو بصراحه..

داود.. زين بما انو احنا اتفقنا اكدر اعرف ليش تطلقتي..

سراب.. منو كلك احنه اتفقنا. لا تنجرف بمشاعرك..

داود.. لا بلا. عيوني الموضوع انتهى واني قابل بيج مهما كانت الظروف..

سراب...  شوف اذا هيج اني تطلقت لان....

في بيت امل..

منار.. اكلج امل اليوم خطيبتي واهلها راح يجونه سمعو بيه و بيبي وراح يجون واني عزمتهم على العشا..

امل.. دخيلك ربي وبس لا تريد اطبخلك نو نو امبسبل ما بيه حيل.. اني الدوام عايفته صار يومين.مابيه حيل انوب عزايم..

منار.. لا خلف الله عليج هو انتي منج فايده راح ادز على اكل جاهز بس ردت اترتبين البيت شويه وترتبين السفرة من يجون بس ما منج فايده مثل عادتج..

امل.. ما تكوم انت لعد ترتب وتنضف خطيبتي لو خطيبتك هيه ..

منار.. عابت الخبلة امشي عزلي احسلج من الخبال..

امل.. بكيفي باليعجبني..

منار.. خبله والله العظيم..

في بيت سعد..

هاجر.. ابو سعد شو ما حجيت شي على سالفه اخوك حسين يريد ندى ل مقداد..

بلال..  اي ما بيها شي احسن من الجريمة الي كنت راح اسويها اني بحق بنتي..

هاجر.. حبيبي على كيفك ويه روحك ما يصير ساعة عصبيه والشيطان شاطر..

بلال.. ما اكدر ما اكدر. كل ما اتذكر روحي بهذا الموقف اكره نفسي والله العظيم..

هاجر.. الله كريم لا تكدر على نفسك راحت وانست السالفه..

في بيت جعفر..

ام جعفر.. يلا بنتي اجه دورج.. السلام عليكم شلونج دكتورة
الدكتوره ريان.. وعليكم السلام هلا خاله.. شلونج سديم.. شخبارج..

سديم.. اشرت بمعنى الحمدلله ..

ام جعفر.. شراح اتسوين اليوم دكتوره..

ريان.. اليوم اشيل اثار الحرق والبقع الي صارت بمكانها مثل الحفر..

سديم.. وبدت الدكتوره تشتغل.. واني اتذكر شنو صار بيه ..
عودة للماضي..

جعفر.. بس اكو مشكله شلون نوديها لهيج دكتوره وشنو نكوللها حته ما تخاف او تنتكس صحتها النفسيه..

ام جعفر.. ما اعرف والله بس مضمونه هاي الشغله خايفه يبعد امك..

جعفر.. اي مضمونه اول جلسه تعدل شكلها وتخفي اغلب الحروق وبعدها جلسات بسيطه حته ترجع وجها مثل ما كان..

ام جعفر ..  ان شاءالله.. وليدي احجز لخيتك بسرعه لان كالو تكدرون تخرجونها باجر واخاف تباوع على شكلها بشي مكان وتزود حالتها..

جعفر.. حجزتلها وباجر الضهر اول جلسه وتنطيها شويه علاجات.. حته ما تحس بالحروق..

في بيت ابو كرم..

ابو كرم.. شفتي شصار كامومونه عشائريا وقانونيا..

ام كرم.. وهسه شنسوي شوفلنه حل عمامك شنو حجو..

ابو كرم.. طلبنا منهم عطوة وبعد اسبوعين نكعد عشائريا بس سالفه الدعوة تخوف لان ابنج مختفي واحنه راح نوكع بيها..