انفاس حارقه

البارت التاسع عشر

انفاس حارقه..
البارت التاسع عشر..

في الجامعة..

راكان.. اي داود وهسه سمعت الي صار انصحني..

داود.. شوف هسه هيه رفضتك لان حست قربك الها مجرد شفقه على حالها ما حست بيك تحبها او شي..

راكان.. وهسه شنو اسوي..

داود.. شوف من الاخير اذا تحبها روح جازف واحجي وياها واذا اكو احد من اهلها فاتحه بالموضوع..

راكان.. انت مخبل مو صاحي..

داود.. بالعكس هذا انسب وقت لانك راح تثبت انك شاريها بكلشي بيها ومتقبلها كما هي مو مجرد اعجاب بشكل او نزوة عابره..

راكان.. انت هيج تشوف..

داود.. اي..

راكان.. وانت شسويت..

سعد.. السلام عليكم
داود. راكان.  وعليكم السلام هلا والله.

سعد.. شلونكم شسويتو ما سويتو...

راكان..  اني حطت ايدك..

داود.. اني احسن بشوية..

سعد.. شلون يابه..

داود.. البارحه حجيت ويه سراب ومبين ماكو شي يمنع نرتبط عدى انو هيه مطلقه..

راكان + سعد.. بصدمه شنو مطلقه تحجي صدوك انت..

داود.. اي وشنو يعني مابيها شي..

سعد.. زين شنو سبب طلاقها..

داود.. سبب طلاقها...
عودة للامس....

سراب.. شوف داود بما انو انت تكول متقبلني بكل حالتي اسمع اني انخطبت لابن خالتي مجرد خطوبه و عقدنا شيخ لهنا تمام

داود.. اي تمام اسمعج..

سراب.. جيد.. بعد شهرين من العقد ما بينه اتصال وكلامنه قليل وما يجي يمنا نادرا  ف اهلي استغربو وسألوني شبيكم كلتلهم ما اعرف هو من البدايه هيج
بعد فتره اجت خالتي وكالت ابنها يحب وحده واله ياخذها. واذا ياخذج ياخذج على ضرة بس لان عقد عليج.. بابا ما تحمل هاي اهانه الي ف طرد خالتي وكاللها دزي الصعلوك مالتج خلي يطلق بنتي وينكلع لا يشوفنه وجهة الخايس بعد..
وصارت وتطلقت منه وهاي السالفه بس تعرف بعد انحسبنا متزوجين لان عقد عليه وانحسبت مطلقه من رجل شفته مرتين بيوم العقد وبيوم زارنه ويه اهله..

عودة للحاضر..

راكان.. سبحان الله.. حته بالقصص ما صايره هاي..

سعد.. صدك الي الله قاسمه الك ميصير لغيرك..

داود.. ههههه ان شاءالله..

في بيت جعفر..

علي.. خير ان شاء الله....

جعفر.. لكيت مكانهم هذول الانذال..

علي.. بس فهمني شعندك وياهم ومنو همه اصلا..

جعفر.. اعذرني علاوي امور جدا شخصيه ما اكدر احجيلك..

علي.. براحتك بس رجلي على رجلك من هسه..

جعفر.. لا انت بيك شي..

علي.. لا اتعب نفسك لو تهوس للصبح وياك يعني وياك..

جعفر.. امري لله..

عند سديم..

سديم.. اباوع بالمرايه وجهي رجع حلو بس بي بعد كم اثر..
عودة للماضي..

جعفر.. قوي نفسج وهاي بسيطه يلا كلها جلستين ثلاثه ترجعين حلوة واحلى من قبل..

سديم.. مجرد اهز براسي..

الدكتور.. تفضلي انسه سديم...

سديم.. كعدت.. والدكتور يحجي وياي وينطي اشارات شويه حركات وكلام ما فهمت شي منه..

الدكتور.. ان شاءالله سهله وبمرور الايام ترجعين مثل قبل واحسن.

جعفر.. دكتور بشرني الله يبشرك بالخير..

الدكتور.. شوف حالتها زينه والحمدالله ما تاثرت هواي بشوفتها لوجها والتشوه مالته حاول تبعدها عن الجو الحزين وتحتاج صدمه حته ترجع مثل قبل..

جعفر.. شلون يعني صدمه. دكتور..

الدكتور.. يعني صدمه عاطفيه او خوف على شي او من شي هاي راح تحفز الدماغ يرجع لحالته الطبيعيه وترجع الحبال الصوتيه تشتغل من جديد..

جعفر.. اها فهمت مشكور دكتور..

الدكتور.. ولو واجبنه بس خلي تلتزم بالعلاج والراحه البدنيه والنفسيه واهم شي لا تزعلونها..

جعفر.. ان شاءالله دكتور..

في بيت ابو كرم..

ابو كرم.. مصيبه والله مصيبه. 

ام كرم.. ها شبيك.. شكالو بالكعدةوالفصل..

ابو كرم.. شكالو يريدون دم ابنج وما قبلو يتنازلون وراح يشيلونه من المنطقه كلها شفتي ابنج شنو سوة بينه شفتي..