بنت البدو الاوربيه

اقتباس مهم

رددت بقسوه قلب شديده ونظرات القوه والجبروت يفيض من عينيها التي ترمي سهام ونظرات احتقار تشعره بالذل لاول مره .وانت مين قالك اني حاتجوزك وانت كده معقوله غبائك يصورلك ان نيران تقبل علي نفسها تتجوز واحد ضعيف وعاجز زيك
ردد شهاب بصوت متقطع مثل قلبه التي انفطر في تلك الثانيه فهو لاول مره يشعر بالحرقه والدمار من كل النواحي فهي من عشقها بصدق واخلص لها من صميم قلبه .نيران نيران انا محتاجلك اوي انا مقدرش اعيش من غيرك خليكي معايا واوعدك حارجع فلوسي
نيران بسخريه عكس الألم التي بداخلها. هاه فلوسك دي ياحبيبي تبلها وتشرب مايتها لانها متلزمنيش ولو فاكر اني بعمل كده عشان خاطر فلوسك فاحب اقولك اني معايا اليشتريك ويشتري فلوسك كمان روح ياشهاب ولما تتعلم تكون راجل حاترجع تلاقيني مستنياك
توسعت عين شهاب بغضب حارق وقد اخترقت الكلمه صميم قلبه من الداخل ليحاول صفعها ولكنها تمسكت بيده وهي تردد بكبرياء وغرور يليق بها .مش نيران الممكن تترفع عليهم ايد انا حاعديها المرادي بس عشان مقدره الاانت فيه بس لو حصلت تاني لتهمس بوعيد وهمس قاتل .ايدك دي حاقطعهالك بنفسي فاهم
شهاب بنبره وعيد وقد اقسم علي الانتقام مهما كلفه هذا فهو لاول مره يندم علي شي مثلما ندم علي عشق تلك المخادعه التي كونت داخل قلبه نار انتقام سوف تحرقها قريبا جدا .خديها مني وعد ولو منفذتهوش قولي عليا اني مش راجل وعد مني لشربك العذاب اشكال والوان واعرفك قيمه الكلام القولتيه ده وعد مني لخليكي تنحرقي بالنار الماليه قلبي دلوقتي وعد لندمك علي وجعي وقهرتي وعد لادفعك تمن العشق الجوايا ليكي والتحول لكره ونار حاتحرقك وتحرق قلبك
ضحكت نيران بصوت مرتفع للغايه لتردد بعدها بمكر وهي تحاوط وجنته بيدها .مش نيران التسيب حاجه ملكها وانت ملكي وللنهايه حاتفضل ملكي وخد من نيران الوعد ده وانت عارفني لما اوعد لتردد بوعيد قطعته داخل قلبها قبل النطق به .وعد مني لتكون ملكي لاخر يوم في عمرك وعد لافضل جوه قلبك ومش حاتقدر تخرجني ابدا وعد مني ليك حافضل ملكاك حتي لو غصب عنك ولاخر مره مش نيران التسيب حاجه ملكها وانت ملكي واليقرب من حاجه امتلكها نيران بتحرقه

والتهمت النيران قلبي 😍

(ده اقتباس من روايتي الجديده حاتنزل بعد سوق حيدر بإذن الله )