بنت البدو الاوربيه

الفصل الثالث

ردد يوسف بتساول .طيب واحنا حانعمل ايه معا مراتتنا دول شكلهم قومو الحرب علينا

فارس وهو مازال مصدوم الي الان . بنت المجنونه روح سرقت الخزنه وهربت ليكمل براحه وابتسامه غبيه. الحمدلله انها الخزنه الصغيره لو كانت الكبيره كان ممكن اموت فيها

افهم انا عاوز افهم انا قولتلكو مشكلتي ايه هي مشكله حضرتكو ممكن افهم قالها صفوان بعدم فهم وهو ينظر اليهم جميعا

نصار بتوعد .انا انضحك عليا من بنت ال بس ورحمه امي لوريها هي وابوها

صفوان وهو ينظر الي نصار .انطق مش حانشحت منك الكلام

نصار بعصبيه .كل الحكايه كنت داخل صفقه معا بيومي النمس اكيد عرفينه ويوم الاتفاق جيه وكان معاه بنته ناريمان بس كانت شكلها غريب اوي وشها عليه كدمات وشكلها معيطه يومها انا محطتش في بالي بس ابوها جاله تليفون واضطر يقوم عشان يرد عليه واول ماخرج من الاوضه لقيت دي بتعيط علي آخرها وتوطي علي رجلي تبوسها والحقني ومش الحقني المهم سألتها مالك قالتلي بابا بيضربني وبيعذبني وعاوز يتاجر فيا طبعا انا انصدمت وازاي ومش ازاي قالتلي ابوس ايدك ساعدني وهربني طبعا انا رفضت انا ماليش ادخل وبأي صفه وده في حد ذاته اتهام ليها لقيتها بتقولي انا عندي الحل حاتتقدملي وانا حاتفق معا ماذون مزيف انه يجوزنا واول ماالفرح يخلص واروح معاك انا حاكون مجهزه باسبوري وحاسافر طبعا انا اتعفرت وضربتها وشتمتها وهزقتها لقيتها انهارت وكسرت كوبايه وكانت عاوزه تقتل نفسها المهم بعد محاولات كتير اوي انا وافقت وقولت اساعدها وخلاص رغم انه من جوايا كنت بموت ليقوم بعدها بقص مافعلته تالا بالحفل

يوسف بدهاء وسخريه .طيب يانصار بيه ياكتله الذكاء الخارقه انت ملاحظتش ان تليفون ابوها طول اوي والبت تصرخ وتعيط معقوله كل ده مش سامعها ومدام مضروبه ومعطيه حايجبها معاه ليه ويعرض نفسه للشبهات والشك وهيا يعني طول ماهي معاه في الشركه مجتلهاش فرصه واحده تهرب منه

ضغط نصار علي يده بقوه ليردد بصوت مخيف قوي .ياولاد الكلب قسما بالله لتكون نهايتكو علي ايدي

تنهد الجميع بحسره واسي ليقومو بالنظر الي فارس

فارس .انا رافض ان روح تشتغل جالها سيناريو فيلم حلو اوي وانا رفضت ليكمل بسرعه وصدق عندما لاحظ علامات الاتهام علي وجههم .مش انانيه والله وحياه ولادي مش انانيه بس انا بعشق روح وبغير عليها وخايف اسيبها تشتغل تنشغل عني وتسيبني

اوما له الجميع بتفهم لينظرو الي يوسف ليردد يوسف بضيق وحرج .كان عندي مهمه والمطلوب مني اشغل عنصر مهم في عصابه وكانت واحده ست المهم فضلت اشاغلها لحد ماقدرت اوقعها ويوم التسليم كان مطلوب مني اكون معاها عشان اراقب تحركتها ومتقدرش تهرب وفعلا روحت معاها بيتها المهم قالتلي حاجيب حاجه نشربها دخلت طلعت من غير هدوم خالص انا من الصدمه متحركتش وهيا قربت مني وحاولت معايا وفي الوقت ده صفا كانت بتراقبني زي العاده وقبل مابعدها عني كانت كسرت الباب ودخلت علينا لسه بتكلم لقيت الصويت واللطم والضرب اشتغل فرجت علينا الدنيا بس الحمدلله قدرت أهرب والا كان زماني ممسوك آداب