بنت البدو الاوربيه

الفصل الخامس عشر

نصار قالها صفوان بتوتر وهو يقف علي باب الغرفه ويراه يقف أمام الشرفه بعدما دمر محتويات الغرفه بالكامل

ليقوم بالتوجه اليه حتي يحادثه بهدوء ليتفاجي بعينيه الممتليء بالدموع ليردد بقلق شديد وخوف .نصار مالك ايه الحصل لده كله طيب اتكلم معايا انت مضايق مني في ايه انا حسيت وانت بتضربني كانك بتضرب عدوك مش صاحبك واخوك

نصار ببرود جليدي وغيره قاتله .ماهو عشان كده مشكلتك انك صاحبي عارف انا بلعن اليوم العرفتك فيه واتصاحبت عليك كان نفسي متكونش صاحبي كان نفسي قالها بجنون وهو يتمني هذا الشي حتي يذيقه من العذاب الوان ويجعله يشعر بمقدار الوجع التي يعيش فيه بسببه

صعق صفوان مما سمعه ليردد برجفه ووجع .ليه يانصار ليه الحقد ده كله انا عملتلك ايه ده احنا متربين سوا ده احنا اخوات مش صحاب ليه عملتلك ايه انا لكل ده

نصار بصراخ شديد وهو يمسكه من تلابيب ثيابه . عملتلي ايه سرقت مني حياتي سرقت مني الانسانه الوحيده البعشقها سرقت مني سنين عمري وانا قاعد مستني كلمه واحده منها وبجري وراها في كل مكان عرفت عملتلي ايه ياخويا قال نصار اخر حديثه بتهكم وسخريه وهو يعطيه ظهره مره اخري

صفوان بصدمه شديده وغضب حارق والغيره تمزق فواده وهو يعتقد انه يتحدث عن لؤلؤه ليردد بصراخ قوي وهو يحاول الاشتباك معه باليد وقد اقسم علي قتله في تلك اللحظه إن كان مايفكر به صحيح وانه يتحدث عن زوجته .انت بتقول أيه وانت تعرف لؤلؤه مراتي منين انطق

نصار بصراخ شديد وهو يبعده عنه بالقوه .انا ماليش علاقه بمراتك انا بتكلم عن تالا مش مراتك

صدم صفوان بقوه لكن سرعان ماتفهم حديثه فمن الواضح ان نصار كان عاشق لتالا منذ زمن ويعتقد انهم مازالو علي علاقه او هناك مشاعر من ناحيه تالا له ليردد وهو يضع يده علي كتفيه .نصار مش ذي مانت فاهم صدقني تالا زيها زي اختي صفا تماما صدقني والله انا ماكنت اعرف انك بتحبها من زمان ولو كنت اعرف انا الكنت حاجوزهالك بنفسي بلاش ترمي غلطك علي غيرك يانصار انت السكت وانت الاختارت تتحمل الوجع وانت الفضلت تتنازل عن حبك متجيش دلوقتي تلومني وتقولي اني سرقتها منك لو فعلا ذي مابتقول يبقي انت الادتهالي بارادتك انا ماليش ذنب

اغمض نصار عينه بتعب ووجع شديد ومازال داخله يقتله من الألم فحديث صفوان للأسف صحيح نعم هو تخلي ولكن حتي لا يصبح شخص حقير ندل يتعدي علي ممتلكات صديق طفولته ليردد بهمس وعجز .انا عملت ده عشانك مكنتش عاوز اكون الشخص الاناني الزباله مكنتش عاوز اكون الشخص الندل اليسرق خطيبه اخوه مكنتش عاوز كده

صفوان .الحب مافيش فيه عاوز او مش عاوز مدام واثق من حبك كنت حاول مره واتنين وعشره حاول لاخر عمرك يعني لو مكنتش اتجوزت كان زمانك لحد دلوقتي لسه ذي مانت ليردد بحزن علي حال الصديقه .المهم انسي الماضي واقفل عليه لو سامحت انت دلوقتي جوزها وانا كمان متجوز وبعشق مراتي ليكمل بتساول حتي يجعله ينسي ماحدث .طيب انت عمرك شوفتني انا وتالا معا بعض عمرك شوفتنا خارجين معا بعض ذي اي اتنين بينهم علاقه عمري قولتلك اني عملها مفاجاه او حانخرج معا بعض عمري قولتلك اني اعترفت بحبي لتالا عمري قولتلك كده