حياة مزيفه

الحلقه 1

#حياة_مزيفه

#الحلقه_1

#للكاتبه_ژوژو_الطشهه

#لايك_قبل_ما_تقري 🌸

(رجعتلكن بعد غياب 6 شهور )

قبل لا نبدو في الحلقه  صلن ع النبي ......

........

للكاتبه ژوژو الطشهه.......
...
عند بطلتنا "فاطمه"

قاعده في دارها ع سريرها تخمم زي العاده ومكتئبه دموعها ينزلن وسرحانه الله اعلم في شن تفكر ...

انفتح الباب بالقوه وخشت عليها مرت باتها
فاطمه رفعت راسها وشافتلها وانفجعت ناضت :نعم كنك شن فيه
سناء بعصببه :وطي صوتك يا فرخه وبعدين  ليش لعند توا ما طيبتيش الغداء ؟
فاطمه تنهدت بي ملل :بااااهي باااهي ماشيه توا
طلعت فاطمه وهيا متعوده زي كل يوم خشت المطبخ
سناء لحقتها وتشوفلها من فوق لي لوطه :ديري كسكسي ونوعين مالح وسلطه وكان كملتي ديري كيكه بيتغدا معايا حمد خويا
طلعت سناء وعدت للصاله حاطه كراع ع كراع وتحضر في التلفزيون
فاطمه نزلت دمعتها بي قهر :سمسام انتي وخوكي إنشاءالله 😒
طبعاً الساعه 11 الصبح بدت فاطمه اطيب وكانت حركتها سريعه لأنه متعوده واتدير في كل شي بنظام ....

...
تعالن شوي عارفتكن تبني نعرف ع الشخصيات زي ما متعودات توا نعرفكن ع كل شخصيه إنشاءالله بعد ما نحكي نبذه ع كل شخصيه إن شاء الله الروايه هدي تختلف ع باقي رواياتي من ناحية السرد وكل شي يعني لازم تكونن مركزات ع كل كلمه نكتبها وما تحكمنش من أول حلقات زي ما متعودات أول حلقات نبذه ع الروايه مهم...

فاطمه عايشه مع مرت باتها وباتها بتقولن امها وين امها متوفيه فاطمه عمرها 27 سنه تقرا جامعة تخصصها طب جراحه مزال سمسترين بسسسس وتتخرج ما نبيش نخش في تفاصيل اكثر عشان ما نلخبطكنش فاطمه حالة باتها الماديه ممتازه ساكنين في فيلا كبيييره وهدا كله اكيد تقولن كيف ساكنين في فيلا وهيا اطيب فاطمه ب رغم كل شي إلا إنه هيا ابدا ً مش حاسه ب هدا كله لأنه مرات باتها تكره فاطمه كره الموت ...وبات فاطمه يسمع في كلام مراته اي شي تقوله ماشي عليه فاطمه اطيب واضم زي الخدامات ما عندهاش ولا خاله ولا خال امها وحيدة هلها جدودها متوفيين وما تعرفش حد من أقارب امها بوها رجل أعمال كبير مش مدورها احيانا تحسها يحبها احيانا تحسها يكرهها تخايلن وحده عمرها 27  سنه مش عارفه مشاعر بوها اتجاههه شنو مرات تحسه حنون عليها مرات يسمع كلمه من مرت بوها يجي يضربها ضرب الموت اي شي تقوله ع فاطمه يصدقه مهم فاطمه عندها عم واحد ح نحكو عليه في الحلقات الجايه مهم دبشها من اغلى الماركات دارها دار اي بنت تحلم بيها فيلتهم حلم كل بنت ما عندهاش إلا صاحبة وحده ما تطلعش من الحوش واجد إلا في العيد لي حوش عمها ولا للجامعه ولا لي صاحبتها الي تكون بنت جيرانهم بسسسسس شفتن كل الي قلت عليه من دبش وفيلا وماركات وفلوس فاطمه مش حاسه بيه زيها زي اي بنت في مكانها في نظركن ليييش ؟ كله ح نعرفوه مع الحلقات روايه بي إذن الله ح تكون طويله اطول من باقي رواياتي ح نعطيها حقها يعني مزال في شخصيات واجد بكل واحداث واسرار وحاجات واجد هذي نبذه مختصره ع فاطمه ....
*********
نجو لي عيلة الحاج محمود عيلة تهبل بي معنى الكلمة عيله يحبو بعض متفاهمين مع بعض يفرحو لي بعض ويحزنو لي بعض بي استثناء بعض الشخصيات في العيله ....