حياة مزيفه

الحلقه 12

#حياة_مزيفه

#الحلقه_12

#للكاتبه_ژوژو_الطشهه

#لايك_قبل_ما_تقري_وتعليق_بعد_ما_تكملي🌸

صلن ع النبي جميلاتي 💕...

(والله نفسيتي ه الأيام تعبانه ضاغطه ع روحي ونكتب عشان نبي نكملها الروايه بسرعه اي وحده تقرا في الحلقه تدعيلي فتره صعبه وضغوطات بكل نكتب عشانكن بس ما نبيش نوقفها الروايه فلذلك ح نكملها بس نبي منكن دعوات صادقه 🥺 )

وصلو ودرس فيصل السياره ونزلت فاطمه وهبه تساعد فيها
هبه :تعالي من هنا
فاطمه ماسكه فيها وتخش معاها
(طبعاً المكان في صاله كبيره يعني صاله تمشيلها انتي مش متحركه )
وصلن لي بال الصاله وخششتها هبه
في الاستقبال موجوده الاء
الاء اول ما شافتهن ابتسمت ب فرحه
الاء ابتسمت لي هبه :خششيها جوا لي غرفة هدي
هبه هزت راسها ومسكت في فاطمه خششتها لي دار في بداية الصاله فاضيه
لحقتهن الاء
فاطمه طلعت الكاب الي من فوق وتنفست بقوه :اووف انغميت
الاء شافتها وابتسمت ب إنبهار:ماشاءالله طالعه تهبلي بتهبلي خويا اليوم 😂
فاطمه ضحكت ب خجل :نجكليا يا قلبي كلك ذوق
الاء ابتسمت :وربي لما قال عزو إنه بيردك وربي فرحت بكل كنت عارفه إنه بحبك اصلاً ماشيين مع بعضكم والله 🥺💕
فاطمه ابتسمت :يا عمري انتي
هبه ضحكت :الله اول مره نشوف انسجام بين كنه وحماتها
فاطمه والاء ضحكن
الاء ابتسمت :اسمعن أنا بنطلع برا للأستقبال الصاله مقلوبه معازيم طبعاً عزو دايرها مفأجاءه ماحد عالم إنه ردك إلا انا وماما وحني بس توا نبي نستقبل المعازيم بعد تجي نور تخش هيا بعدها ياخدها مراد وبعدها تخشي انتي يجي عزو
فاطمه ابتسمت :تمام
طلعت الاء
وفاطمه هبه قعدت تعدل فيها وكانت متوتره كأنه اول مره تشوفه 💕🥺...
******
عند موسى وصلاته رساله ع تيلفونه
طبعاً عنده تيلفون سري في الحبس
(عندي لك خبرين وهنا ال 2 ناار
الخبر الاول سناء قتلتها زي ما قتلي 🔥
والخبر الثاني بنتك فاطمه اليوم ردها راجلها وتوا دايرين عرس كبير والأمور ماشيه زي ما تبي والباين نسيبك راجل كويس وشاريها بنتك )
قرا موسى الرساله كم مره بفرحه وفرحان بكل والخبر الي فرحه إنه فاطمه مرتاحه مع عزو
والخبر الثاني سناء خيراته بين يعطيها املاكه ولا تعطي ملفاته للمحكمه بس هوا اختار يقتلها عشان يقعدن أملاكه لي فاطمه وبرضو عشان سناء لو ماتت ملفاته القدم ماحد ح يفتحهن و4 سنين ويطلع

(وهك سناء ماتت وافتكينا منها 🔥)
******
عند سلوى مصبيه مع بنتها رغد في القاعه رن تيلفونها شافت المتصل استغربت
وطلع في مكان فاضي وردت
سلوى :الو نعم شن تبي
السحاره:مصيبه كبيره يا سلوى
سلوى بخوف :ش ش شن فيه
السحاره :المراه الي خدمتلك قالتلي السحر انفك كيف انفك بس
سلوى حطت يدها ع وجهه بصدمه :والله توقعت من لما رنت عليه بنتي وما عرفهاش واستغرب مكالمتها.... المصيبه مش هنا المصيبه مدام انفك السحر الي فكه مرات عرف من الي دايره
السحاره بخوف :ما اعتقدش مدام لعند توا ما حد جاء شوركن معناها ماحد عارف ردبالك تجيبي اسمي نريحو فيها انا وياكي ديرو روحك ما عندك شي حتا لو قالو ديري روحك مصدومه ونبهي بنتك ما ادير حركه غبيه هك ولا هك وتفضح روحها
سلوى بخوف :ب به تمام
سكرت سلوى منها وخشت للقاعه ووجهها مخطوف نادت رغد وخبرتها ورغد نفس الشي قريب تموت من خوفها...
*******
عند عزو مع الشباب لابس بدله متاعه لونها اسود ومخفف من اللحيه وكندره بيج وطالع يجنننن ♥️♥️😍😍
والضحكه ابداً ما فارقتش وجهه والكل فرحانيله
قاعدين في المزرعه متاعهم هوا وشباب العيله كانو يوتو فيهم هوا ومراد ودايريلهم جو
أما مراد يهبل حتا هوا لون بدله متاعه زي عزو بالضبط وطالع طرف 😍♥️
وباقي الشباب كلهم محلاهم 😍😂😂
عزو ضحك :مش هيا يا مراد
مراد ضحك ب صدمه :عزو يرا ريحنا كنك مستعجل تي أنا اليوم هدا نراجي فيه أكثر من 5 سنين ما درتش جوك هدا كنك مستعجل 😂
معاذ : يرا الراجل فرحان 😂
مفروض نغنوله
قال معاذ بصوت بنت :عزو درناله دولاب... ماعش يعلق ع الباب 😂😂😂
كلهم قعدو يضحكو
عزو رفع حاجبه :باهي خلاص
صهيب ابتسم :الحمدالله الي جاء اليوم وشفتكم فيه عرسان ♥️
عزو ومراد شافوله وابتسمو
عزو تنهد ب ضيق واجعه صهيب ويبيه لي اخته 🥺💔
عزو :عقبالك يا طير
سالم ولد عمه :عقبالنا كلنا
معاذ :ع قولة جدي مكلوبين ع الجيزه
قعدو يضحكو كلهم
صهيب ضحك :هيا يا شباب خلاص جاء وقت نطلعو الطريق بروحه مسافه
طلعو كلهم ماشاءالله سيارات عرررررررم عزو راكب في سيارته بروحه ومزينها ومراد نفس الشي وباقي الشباب الي هدا ب سياره وفي الي جايبين معاهم موطوات وكانت زفه ولا اروع شباب عرم شباب العيله واقارب وأصحاب وتفريغ والعاب ناريه جو يجنننننننننننن 😍🔥🔥🔥🔥...
******
عند نور في الكوافيره طالعه برضو تجنننننننن🔥💗 جا وائل خوها وطلع بيهن هيا وبنت خالتها للصاله درس قدام الصاله نزلت نور وبنت خالتها تساعد فيها وترفع معاها في الفيلو وصلن لي باب القاعه وكانت الاء مصبيه هيا وويه بنت خالتها
نور خشت
الاء ضحكت :مقدره شعورك خشي للدار هدي اسلحي الكاب
نور ضحكت من تحت الكاب وخشت وبنت خالتها خشت معاها
الاء :نخش معاها ويه عدي ولعي الاغنيه الي تخش نور ولو فيه حد في المسرح خبري إنه العروس بتخش
ويه :تمام هي
عند نور لما خشت شافت هبه وفاطمه قاعدات
نور وبنت خالتها اسمه ردينه : السلام عليكم
فاطمه وهبه :وعليكم السلام
نور رفعت الكاب وشافت لي ردينه :انغميت 😂
ردينه ضحكت :حتا هوا كاب كبير بكل
الاء ابتسمت :ماشاءالله عليك نور
نور :تسلميلي يا قلبي..
نور شافت لي فاطمه وابتسمت:مرت عزو ؟
فاطمه ابتسمت وقلبها يدق عجبتها الكلمه "مرت عزو "
فاطمه :اها
نور ضحكت : حكالي مراد ع عزو وكيف فرحان وتقريباً مراد فرحان لي عزو اكثر من عزو نفسه
فاطمه ضحكت :اها ماشاءالله سمحه علاقتهم ب بعض حتا عزو كان يحكيلي عليكم ربي يهنيكم الف مبروك
نور ابتسمت :تسلمي الله يبارك فيكي مبروك عليكم حتا انتي مشاءالله عليك طالعه خيال
فاطمه ابتسمت :كلك ذوق حتا انتي مشاء الله عليكي
هبه ضحكت :امبدري نقول لي الاء وفاطمه اول مره نشوف كنه وحماتها هك وتوا نقول اول مره نشوف سلفات هك 😂😂😂
كلهن ضحكن
الاء ابتسمت :ربي يدوم الموده انتن ال 2 تهبلن ... هيا نور خشي مراد مش يخش صح
نور :لا بعدين شوي بيجي
الاء :تمام
سلحت نور الكاب وعدلت منظرها وطلعت برا وتمشي وردينه والاء وراها
اول ما خشت للقاعه كانت خاشه ع اغنيه خليجيه تهبل هاديهه بس طبعاً نحنا الليبيين معروفين مستحيل يخلوها تخش ع اغنيه وهدوء لا انقلبت القاعه زغاريط وفي الي تصفق من عندها 😂😂
خشت نور وتمشي ومبتسمه والكل يشوفلها وعاجبتهن كانت طلتها حلوه بكل وابتسامتها عفويه 💗
قعدت نور ع كرسيها ع المسرح ومبتسمه وبنت خالتها مصبيه يالاها وتهدرز عليها
وغيرت الاء الاغنيه وبدت الاذاعه تربخ أعاني ليبيه وأجواء تهبلللل 💗😍🔥
الاء لابسه قفطان اصغر طويل مع مكياج حلو بكل وروج فاقع وطالقه شعرها ع طولهه وطالعه تهبل ...
*********
(تعالن نحكيلكن قبل عساس نور حاجزه صاله بروحها يعني صاله متحركه قدام حوشهم وهك بس بي ما إنه مراد فأجاءه عزو لما قاله إنه رد فاطمه ويبي يديرلها عرس معاه غيرو الصاله وعزو عشان صاحبه ماسكها وهك خداه الحجز بدري وهك مهم ام نور وباقي خالاتها في حوشهم قاعدين وجن بعض من بنات عمها وردينه بنت خالتها ومرت عمها ومن أقاربهم المهم واجد اما هل مراد جو كلهم اغلب طبعاً الحاجه فاطمه قعدت ومعاها بعض من الصبايا الكبار أما باقي العيله كناينها وكناين احفادها كلهم جو طبعاً الكل يحساب فرح مراد بس )
******
عند الشباب وصلو وسيارات مدرسات قدام القاعه ♥️
في القاعه طبعاً الأجواء حلوه وماشيه زي اي عرس ليبي مانبيش نتعمق في التفاصيل
جاء الوقت الي بيخش فيه مراد
ولعت الاء اغنيه (حبيت واخيراً جاني الي سنين تمنيتو 🥺💕)
أما مراد نزل من السياره وماشي للقاعه فرحان وصل وكان في استقباله حليمه اخته الي هيا ام صهيب والاء وتسنيم ورغد
مراد شافلهن وابتسم
حليمه ام عزو دموعها ينزلن بفرحه :لووووووووووووووووووولي الف مبروك خيي ربي يهنيكم إن شاء الله
مراد ابتسم وباس ع راسها بحكم اكبر منه واخته الوحيده :الله يبارك فيك يا غاليه ♥️
سلم ع بنات العيله
الاء :طالع تهبل
رغد :طرف يا عمو
مراد عطاها نظره رغد قريب ماتت منها
سلم عليهن وخش بروحه وطبعاً الي في القاعه كلهن متغطيات وكدا وفي الي مغطيه شعرها وقاعده بقفطانها عرفتنها النوعيه هدي 😂😂😂
يمشي وفرحته مش عاطيها لي حد الكل يشوفو لي فرحته وكيف خاش فرحان وماشي ما يشوف في شي إلا جيهة المسرح 🥺💕
وصل في نور الي اول ما وصل فيه بدن عيونها يدمعن
(حلوه لما تحبي راجل يخاف ربي فيك وفي النهايه يتم حبكم بالحلال ويوفي بعهده ويقهر كل حد قال هدا مكسد عليكي 💕🥺 علاقتهم 5 سنين وكان معاها راجل وصاينها وخايف ربي فيها 💕🥺)
مراد شافلها بحب :درناها يا نورتي درناها 💕🥺
وحضنها بقوه وهيا تضحك ودموعها ينزلن بفرحه
والي في الصاله يشوفولهم في الي بحب والي بحسد والي متأثر
بنات الي في الصاله يعيطن :اووووووو 😂😍🔥
مراد وخر وضحك :نسيتهم بكل
نور ضحكت
جتهم الاء :هيا بنصوركم
قعدت الاء اديرلهم في لقطات بالكاميرا والاغلب جن عفويات وحلوات 🥺💕
مراد ناض :خلاص هيا
ناضت الاء ومسك في يدها وقعدو يطلعو مع بعضهم والكل يزغرطن وفي الي يصفقن
والاغنيه المشهوره في كل فرح ليبي بعد يتم
(اجعل ليلتها ضاويه
كيف طريق الزاويه..