حياة مزيفه

الحلقه 13

#حياة_مزيفه

#الحلقه_13

#للكاتبه_ژوژو_الطشهه

#لايك_قبل_ما_تقري_وتعليق_بعد_ما_تكملي🌸

صلن ع النبي جميلاتي 💕...

قبل لا نبدا الحلقه في حاجتين بنقولهن

1_ اليوم في الليل ح ندير ارشيف لي كل قروباتي الفيس والواتس وكدا وح نطلع الي مش متفاعلات ولا عمرهن علقن بجد يستفزن فيا النوعيه هدي انتي تتعبي وتكتبي وتجي هيا تقرا وتعدي هكي صامطه وكلمه الطيبه الصدقه يعني أنا مش طالبه إلا دعم تشجعني نكملها ... وفي وحدات بجد نحبهن بكللللللللل ونحب تعليقاتهن مافيش حلقه إلا ومتفاعلات عليها وتعليقات سمحه يعطن في رأيهن وتوقعاتهن والله يحمسن فيا بكل بكل بكل ونحبهن وربي لما يجيني إشعار إنه فلانه علقت وكدا نفرح ونشوفه طول بجد النوعيه هدي اجمل فانز والله وحب كبير لكن كلكن الي تقرلي بس ياريت تقدرن وحده تكتب وتتعب وزي ما قلت الروايه من خيالي يعني نجيب في أفكار وكدا صعبه يعني 🥺❤️...

وحاجه وحده نقولها لي النوعيه الي يرجن في الروايه تكمل ويقرنها وتعدي بدون ما تتفاعل انتن بدات تبيلكن تقعميزه سمحه 😒😂.

2_ في الحلقتين الجايات ح نعلن الروايه كم تكون حلقه ..

اسفه طولت عليكن نبدو الحلقه ....

*****
عند موسى في الحبس خش عليه الشرطي وقاله زياره أول ما طلع وشاف من يرجا فيه انصدم وحس إنه خلاص كل الي يحاول يخفيه بيطلع توا كل الي كان خافيه من اسرار ح يطلع تعرفن موسى بدات في شخصيات روايتي وراه عرم اسرار ح تنصدمن لو تعرفنهن ..
موسى كان قدامه واحد طول في عرض لحيته سوده طويله ولابس نظارات وواضح عليه جدي بكلل وشخصيته هيبه بكل ويبان من شخصيته إنه مش ساهل بكللل ...
موسى بصدمه :جلال ؟
جلال ابتسم ب نظره رعشت موسى :اي جلال ... ما تزعليش وتقولي ازعجتك ب زيارتي
موسى بلع ريقه بتوتر :كيف عرفت إنه محبوس وشن تبي جاي
جلال رفع نظارات فوق لي جبهته :معقوله انت عارفني أنا من وكيف هك تسألني سؤال زي هدا أنا اي شي يصير في ليبيا نعرفه يبال حاجه تخصك ههه
موسى بخوف :قول الي عندك مش فاضي
جلال ضحك ب استفزاز :مش فاضي ؟! ليش شن وراك قاعد في الحبس رآه مش في شركه ولا في حوشك شن بدير مثلا تكنس الحبس ههههه
موسى بعصبية :احترم نفسك واعرف مع من تحكي وقول الي عندك تحسابني خايف منك أنا موسى ال ## ما نخاف من حد
جلال ب رفعت حاجب :انت عارفني شن نبي بالضبط وكم مره طلبتها منك رفضت
موسى بلع ريقه :بس بنتي تزوجت 🤷
جلال بصدمه رفع حاجبه :كككيييف ؟؟؟ كيف تزوجت من تزوجها ؟؟؟ وامتى صار؟؟؟؟ وكيف تعطيها ؟؟؟
موسى بعصبية :الزم حدودك أنا من قبل نقولك بنتي مش لك وكيف نعطيها هدا شي يرجعلي بنتي وانا حر فيها وهيا مش لك ولا تناسبك ولا تناسب شغلك بنتي بريئه وماتعرفش الوسخ
جلال قدم من موسى وخنقه من رقبته :تعرف ورررربي كان ما طلقتها من راجلها وزوجتها ليااااااا كل سر مخبيه من سنة 1990 لعند توا ح نطلعه وربي نفضح بيك انت عارف شن مخبي من أسرار وانا سامع إنه كل حد يهددك تقتله لي درجة مراتك الي ماتتت ههههه اكيد انصدمت تي أنا نعرف كل شي وعارف إنه قتلت مراتك أنا نعرف الي انت ما تعرفه وردبالك تفكر تلعب معايا بنتك ح نتزوجها أنا ولا ياخدها ربي هيا وراجلها وانت وكل أسرارك عندك كم يوم  تفكر  فيهن وراجعلك حتا مدير السجن ما يقدر يخلصك مني وانت عارف من يكون جلال  سلام يا نسيبي 😈🔥
لبس نظاراته وطلع وخله موسى مصدوم في جلال صدمه كبيره كيف يعرف عليه كل كبيره وصغيره وكيف جلال مراقبه ومراقب كل شي عليه وفوق من هك عرف بجريمة قتله لي سناء موسى هنا حس إنه خلاص نهايته ح تكون ع يد جلال بس هوا مش هامه لو مات هامه الأسرار الي مخليهن وراه لو انفضحن ح تخرب الدنيا حتا لو هوا ميت وقعد يفكر في فاطمه كيف يخليها تتطلق من عزو لأنه مافيش خيار ثاني 🔥🤷....