#حياة_مزيفه
#الحلقه_15
#للكاتبه_ژوژو_الطشهه
#لايك_قبل_ما_تقري_وتعليق_بعد_ما_تكملي🌸
صلن ع النبي جميلاتي 💕...
عند الاء بعد حوالي ربع ساعه وصلت لي جيهه فيها عرم محلات رنت ع معاذ
معاذ كانو كلهم مصبيين يالاه وخايفين
صهيب :حطه مايك
معاذ داره مايك :ايوووه الاء تسمعي فيا
الاء تبكي :معاذ نحنا قاعدين يالا جيهه فيها محلات عرم ومحل مكتوب عليه للمفروشات وقدامه مصرف
عزو بصوت عالي :مقابل المحل عماره لونها ابيض
الاء تبكي بي فرحه :اي اي
عزو بصوت عالي :معناها في ### جاينك ما تتحركيش
طلع عزو بسرعه هوا والشباب والاء تدعي ومنهاره هيا والبنات
وشباب ورجاله كلهم طلعو موقف صعب بكل بكل
بعد حوالي ثلت ساعه يعني 20 دقيقه وصلو وكانو جايين في 4 سيارات وكلها شباب العيله ورجالة العيله يعني عمامها وبات صهيب
درسو السيارات ونزلو شافو الحافله عدو يجرو
عزو : وقفو وقفو
كلهم شافوله :شنو
عزو :شفتو كيف عددنا نحنا والحافله فيها بنات وهدا مكان عام ومحلات كيف بننزلو كلنا وانزلوهن ما يجيش احسن حل تركب معاذ انت الحافله وتروح بيهن للحوش ونحنا نجو وراك
احمد :صح كلام عزو ما فكرناش فيها هدي
ركبو سياراتهم وصهيب كان بينجن خلاص يبي يشوف الاء 🥺
عند معاش ركب للحافله واول ما خش شاف الاء
الاء اول ما شافاته حضناته وتبكي :معاذ 😭😭😭
معاذ دمعو عيونه وحضنها بقوه :الحمدالله ع سلامتك ياربي الحمدالله الي شفناكي بخير 💔💔
والبنات الي في الحافله كلهن مثاترات
الاء وخرت بخوف :معاذ هيا روح بينا بسرعه
معاذ شافلها وحس إنه الاء صارلها زي العقده من الموضوع ومنظرها خايفه وترجف قهره بكل 💔💔
معاذ :حاضر حاضر هي
ركب مكان السواق وطلع بالحافله والاء طول الطريق تحمد في ربي والبنات الي معاها نفس الشي
وباقي السيارات وراهم
*****
دق الباب متاع حوش احمد فتحت تسنيم وكان راجل مدلها ظرف وقاللها عطيه لي حليمه ام صهيب
تسنيم خدت الظرف واستغربت خشت جوا جت لي حليمه مدتلها الظرف
حليمه بي استغراب :شنو هدا
تسنيم :في واحد شكله متاع البريد قالي نعطيهن لكي
حليمه بي استغراب :مرات متاعاات منتصر خليهن توا كان جاء نوريه لاه غير نطمنو ع الاء قبل ☹️..
*****
عند رغد تحكي في مكالمه وكانت فرحانه ومتحمسه
رغد :انفد الخطه
الشخص :نفدي بس زي ما قتلك
رغد ابتسمت :ولو نعجبك
سكرت الخط وعدت قعدت في الصاله معاهن يرجو في الاء ...
******
عند 2 مجاهيل مجهول الاول مراه والثاني راجل
المراه :درت الي قتلك عليه
الراجل :بالحرررف
المراه ابتسمت بخبث :تمام خلي نشوفو ردة الفعل سنين وانا محروقه دوري نحرق حتا أنا 🔥...
(توقعاتكن من هدي وشن علاقتها بالروايه ؟)
*******
خلاص مزال حلقتين يعني الروايه 17 حلقه كان ودي نطولها أكثر من هك بس زي ما قلت ظروفي ما تسمحليش والله كنت بنديرها اطول من رواياتي كلهن ع الاقل 35 ولا 40 حلقه بس ضغط ومش فاضيه إن شاء الله الروايه القادمه لو ربي عطاني عمر وقررت ندير روايه جديده ح تكون طويله مهم يا بنات خلاص الحلقه هدي والحلقتين الجايه طلب وليس امر نبي ممكن تتفاعلن عليهن يعني رأيكن وتوقعاتكن تفاعل حلو كلام نتشجع بيه والله مش مسامحه الي ما تتفاعلش ع الحلقات ال 3 هدين لأنه ضغطت ع روحي وكملتها بالرغم ما عنديش وقت 🥺
******
بعد مرور ثلت ساعه أخرى
فتح الغفير باب القصر وخشت الحافله ووراها سيارات العيله
درس معاذ الحافله ووراه بالضبط درسوه الرجاله
كلهم نزلو
وفي الحافله معاذ نزل والاء نزلت اول وحده
وكان باتها مصبي ويشوفلها ودموعه ينزلن
(كمية الوجع الي حسو بيها عيلتها بدات باتها وامها مش ح نقدر نوصفها تخيلن معايا 8 أيام بعيده عليهم ومافيش طريقه وما دورو بيهم لعند بدو يفقدو الامل والف فكره وفكره تجي ع بالهم بعدها يلقوها🥺💔)
الاء اول شي عدت تجري لي باتها حضناته وتبكي كان البكي الي تبكي فيه أبداً مش عادي منهاره ع الآخر موقف صعب بكلل والله 💔
الاء :قريب متتت يا بابا اسوء اسبوع عشته 😭😭😭 كانو بيسفروني برا ليبيا ويبيعوني 😭😭😭 اااااه والله حتا نوم ما نرقد فيه وينك يا بابا 😭😭😭
كلهم مثاترين
برا ع صوتهن طلعن الصبايا يشوفن فيهن وكريمه امها طلعت تجري وكلهن مصبيات من بعيد ومثاترات بي كلام الاء وفي منهن يبكن
صهيب ضاغط ع روحه ومن الي يسمع فيه 💔
احمد يبكي :الله لا تسامحهم يا بابا يا عيون بابا انتي والله ناخدلك حقك يا بنتي والله درت الي عليا وأكثر مافيش مكان ما دورنا 💔
جت كريمه تجري حضنتها وتبكي :بنيتي وحيدتي حسبي الله ونعم الوكيل فيهم والله 💔😭
الاء :مقهوره يا ماما توا قاعده معاكم خايفه في اي لحظه يخشو علينا 😭
عزو خلاص كل شي عنده إلا الاء الاء مكانها خاص بين خوتها اختهم الصغيره والوحيده
عزو بعصبية :وعشان دموعك الغاليات والله مافي حد مقرب منك والله نطلعهم لو وين وين 🔥
إبراهيم :انتي اوصفيلنا شكلهم بس وراس وخيتي نبكيهم ع كل دمعه نزلت منك
معاذ :الكلاااب حسابهم عندي 🔥😡
يوسف تنهد :اهم شي جيتي انتي وبخير ما فيكي شي الباقي ما تفكري فيه نحنا معاكي ووراكي سندك
كلهم كانو يسمعو في كلام خوتها ومثاترين💓
(خوتي النفس والروح #خوتي
احزامي...
أنت تقرأ
حياة مزيفه
Diversosخشن لي قروبي الفيس ❤️ https://www.facebook.com/groups/351264392720888/?ref=share
