حياة مزيفه

الحلقه 17 والاخيره

#حياة_مزيفه

#الحلقه_17_والاخيره

#للكاتبه_ژوژو_الطشهه

#لايك_قبل_ما_تقري_وتعليق_بعد_ما_تكملي🌸

صلن ع النبي جميلاتي 💕...

قبل لا نبدا الحلقه نبي نحطلكن أسماء رواياتي كلهن والترتيب وكل وحده وكم حلقه لأنه في وحدات واجد سألني ❤️
1_مفتاح قلبي (35 حلقه )
2_ انت عوضي الجميل (25 حلقه )
3_(حب بعد مصاعب (35 حلقه )
4_حب غير متوقع (20 حلقه )
5_ظلموني ولاكن (20 حلقه )
6_أحببنا بعد عداوه (15 حلقه )
7_مصائب وجرائم أفادتنا (20 حلقه )
8_ إنقلاب الموازين (20 حلقه )
9_دائرة النصيب (20 حلقه )
10_محاسن الصدف (15 حلقه )
11_  انتقام عائلتي (15 حلقه )
12_ حياة مزيفه والاخيره (17 حلقه )
كلهن موجودات ع الفيس وع الواتباد *
********
سلوى شهقت بصدمه وعرفت إنه خلاص انكشفن
تسنيم تشوفلهن ومتحسره عليهن
فوزي يسأل في مراته بصدمه :صح الكلام هدا ؟؟جاااااوبي
بينما هوا يسأل فيها رغد رقت فوق ع الدروج بسرعه تجري
فوزي شافها وطلع وراها بعصبيه :تعالي الله لا يسامحك وطيتي راسي
رغد خلاص بتخش لي دارها التوت كراعها وطاحت من اول درجه لي نهاية الدروج
سلوى تسنيم وفوزي شافولها بصدمه كبيره
سلوى قعدت تعيط :وووووو عليااااا وووووو بنيتي ووووو😭😭😭😭
فوزي بعصبيه :سكككري فمك خليها تموت
تسنيم تبكي :الله يربحك بابا خلي نشيلوها المستشفى
فوزي بعصبية :الله لاتسامحها هدا كله يطلع منها تسحر ولد عمها وتتفق مع رجاله عشان تخربله حياته 😡😡 هدا نهاية الدلع
سلوى جت قربت من رغد الي كانت راسها نزيف وطايحه
سلوى بدت تعيط بي أعلى  صوت:وووووووووووووو بنيتي الحقوني 😭
الي في القصر كلهم طلعو يجرو بي خوف وانصدمو
الحاج محمود :لا إله إلا الله كنها
سلوى تبكي :شيلوها المستشفى بسرعه ماتت ماتت 😭😭😭
فهد وباسط وسالم جو قدمو بسرعه رفعوها وطلعو بيها للسياره وسلوى لحقتهم وركبت معاهم
كلهم يشوفو لي فوزي الي باين عليه متعصب لاكن مش داير أي ردة فعل مثلاً خوف ع بنته
الحاج محمود :الحق بنتك يا راجل وحد الله
فوزي قعد ع الصالون بعصبية حاط يديه ع راسه
وكلهم يشوفوله ومش فاهمين
الحاجه فاطمه تنهدت في سرها ما كانتش تبي الأمور توصل للمرحله هدي
فدوى لوت وجهه :ابصر شن دايره 😏
كلهم شافولها بي كره
تسنيم تحكي بعصبيه وتبكي :اسكككككككتي ما ديررررريش روحك بريئه اصلاً انتي زيهن بالضبط تحسابيني مش عارفه بعمايلكن حسبي الله فيكي وجايه دايره روحك بريئه😭😡😡
كلهم يشوفولها بصدمه ومش فاهمين شي
يوسف بصدمه :شن تقولي قاعده انتي ؟
تسنيم تمسح في دموعها وهنا ينزلن بغزاره وبدت تحكي من لما بدن يتفقن امها واختها عشان يسحرن عزو وفدوى تتفق معاهن وكيف هيا تنصح فيهن يوقفن ولما هددتهن الحاجه فاطمه وكيف لما رغد تخطط مع جلال عشان يخربو حوش عزو وكل شي بالتفصيييييلللللل لعند اللحظه هدي الي خش فيها عزو وطاحت رغد
كلهم يسمعو وكانت صدمه كبيره واكثر صدمه لي يوسف
فدوى بدت ترجف ابداً ما توقعت تسنيم عارفه كل شي
كريمه ام عزو نزلن دموعها :حسبي الله ونعم الوكيل انتن وراه سحر وليدي 💔💔 وين قلوبكن بس شن دارلكن عزو عشان تخربن حوشه 💔
الحاجه فاطمه بعصبية :الله لا تسامحهن حتا كان ماتن ما نقبل فيهن العزاء سلوى من وين ما زوجتها لي وليدي وهيا دايرتنا المصايب أكثر من 40 سنه ونا نستر عليها ونهدد فيها ياما دايره غير أنا ساكته بس خلاص حسبي الله فيها وبنتها الي ما تتحشم ع وجههخ توصل بيها تتفق مع رجاله عشان تشوه سمعة فاطمه قدام عزو اهو فاطمه عند هلها وعزو متعارك معاها وصدق كل الرسائل وانتي يا فدوى ما تنسيش إنه في أخرى حسبي الله ونعم الوكيل فيكي هدا ولد خالتك رآه
يوسف بعصبية قدم من فدوى مسكها من يدها وعطاها كفففففففففف :انتي طالق طالق طالق رني ع خوتك يجو يربوكي ماعش تلزمني وحده كيفك
فدوى بدت تبكي وتعيط :لا يوسف لا الله يربحك اسفه والله ما عاد نعاودها يوسف عندنا بنت صغيره 😭😭😭
يوسف بعصبية :بعد درتي الي درتيه ما حسبتيش هدا كلللله اطلللللعي براااااااا
مسك يوسف ميار بنته الي كانت خايفه وماسكه في رجله
يوسف :الاء شيلي ميار للحوش
الاء دموعها ينزلن :حاضر
مسكت ميار وطلعت بيها
فدوى طلعت برا بسرعه خايفه من يوسف رنت ع خوها وتبكي قالتلي يجي
أما باقي العيله كل واحد روح لي حوشه وخلو تسنيم مع باتها بس كانت صدمتهم كبيره كلهم عارفين إنه سلوى ما تحبهمش وديما ادير في المشاكل بس ما توقعوش توصل بيها للسحر ورغد توصل بيها هك ...
*****
عند عزو فتح سيارته وركب ولحقهم وهوا مقهور من روحه وعارف فاطمه عندها القلب وكان طول الطريق وهوا يدعي تكون بخير بس 🥺
بعد شوي درس صهيب السياره ونزلو وصهيب رفع فاطمه خش يجري بيها جوا
عزو نزل وراهم وخش يجري
صهيب خدوها منها وخشت عليها الدكتور وقعدو مصبيين برا
ع جية عزو
عزو بخوف :شن فيها كيف داخت 💔
صهيب جاي يتلكم
منتصر بهدوء :صهيب خلاص مكان هدا مش وقت نقاش
حليمه شافت لي عزو :من الصبح جوها مش تمام ونشوف فيها مخنوقه وتهدرز معانا بالغصب خشيت الدار لقيتها دايخه ع السرير
عزو مسح ع وجهه بعصبيه وخوف عارف إنه هوا السبب
بعد شوي طلعت الدكتوره
جوها كلهم بخوف :شن فيها
دكتوره : نبضات قلبها ضعيفه لازم نديرولها تخطيط قلب وبعدها نشوفو وياريت المريضه تبتعد عن الضغوطات والحاجات السلبيه واضح إنه صاير معاها شي خله قلبها يعطي ردة فعل
عزو بخوف :يعني في خطر عليها
دكتوره :لو ابتعدت عن الضغوطات مش ح يكون في خطر بس القلب حاجه مش عاديه يعني لازم تهتمو بيها لعند تتحسن واليوم لازم تبات هنا تحت المراقبه
حليمه بخوف : إن شاء الله دكتوره
طلعت الدكتوره وهما قعدو مصبيين برا
صهيب شاف لي عزو :سمعت يا عزو 😡
عزو جا لي صهيب وشافله بي نظرة مكسوره : صهيب ليش قعدت تحكي معايا هك أنا عزو رآه ؟💔 قصدي انت عارفني كويس والله الي صار مش شويا رآه
صهيب تنهد وشاف لي عزو : والله الي سمعته عن حياة فاطمه وكيف شافت حاجات صعبه واجد مقهور إنه ما كناش معاها مقهور إنه اختي البنت متحمله هدا كله مقهور لما كانت تحتمي بي الغربه ونحنا ما نعلموش هدا كله ومقهور لما بكت وتقولي إنه هيا مظلومه وانت ظالمها 💔 عزو فاطمه تعبانه رآه حتا قلبها تعبان لو مش قادر تسعدها عطيها ورقتها وخلينا نحنا نهمتو بيها رآه ضربتين ع الراس توجع يبال هيا عمرها كله تعاني ومش شايفه شوي من الدنيا 💔
كلهم يسمعو في كلام صهيب ومثأترين
عزو حس بي قهره من كلام صهيب لعن الف مره الساعه الي تسرع فيها
عزو تنهد بي ضيق ووزع نظره عليهم: لو تعرفو قبل لا نجيكم شن صار  كانت عندي حني وقالتلي ......... وبعدها مشيت لي حوش عمي فوزي .......... وهدا كل الي صار
حكالهم من لما جاته حنه وخبراته ولما عدا لي رغد كل شي بالتفصيل
كلهم شافوله بصدمه
حليمه بصدمه :حسبي الله ونعم الوكيل ما عندهاش قلب 💔
صهيب بعصبيه :حتا هدا من ورا راسها البنت هدي ما اتوبش
عزو :كنت عارف حتا انت هيا وراه السحر صح ؟
صهيب تنهد :اي
عزو :باهي وكيف تلومني والأمر ملعوب لعب حط روحك مكاني يرا صهيب ما تجننيش مافيش حد يخاف ع فاطمه ويحبها كيفي وأقسم بالله لاكن يا ناس كلام وصلني وسمعت في لحظة غضب لبزت انتي عارفني كيف متسرع وما نتحكمش في عصبيتي
صهيب بي ضيق :اهدا خلاص انا مصدقك وسامحني كثرت عليك بس موقفي كان صعب بينك وبين اختي
عزو ابتسم :عمري ما نزعل منك غير وسع بالك معايا من لما عرفت فاطمه نسيتني ودرتني عدوك
صهيب ضحك :مش هك يا راجل هنا كلهن يومين درتهن ليا قرن
عزو ضحك :يعني صافيه يا لبن ❤️
صهيب : حليب يا قشطه ❤️
منتصر وحليمه ابتسمو عليهم
*****
عند رغد وصلو بيها وخششها الدكتور طول للعنايه وخشو عليها وامها برا تبكي وفهد وباسط وسالم قاعدين يرجو معاها ومش فاهمين شي ....
*****
عند الدكتور متاع موسى  طلع
الدكتور :المريض الواضح إنه يودع وطالب بنته فاطمه يشوفها
الضابط أنصدم :كيف يعني يودع قصدك بيموت
الدكتور :الاعمار بيد الله بس زي ما قتلك المريض عنده الخبيث "عفانا الله " وتوا طلب مني طلب وهوا يبكي يبي يشوف بنته
الضابط مسح وجهه :تمام تمام بس شن يضمنلي كلامه
دكتور :الضامن الله بس أنا نمضنلك كلامه التحاليل موجودات ومريض تعبان بكل دير موقف إنساني وجيب بنته خلي تشوفه
ضابط :تمام
طلع الدكتور
ضابط شاف للشرطه :خلو عيونكم مفتحه ميه في الميه
طلع الضابط رن ع المدير متاعهم وخدا منه الاذن بعدها رن ع مراجع خو موسى
مراجع :ايوه السلام عليكم
الضابط :وعليكم السلام أنا الضابط مهند ال ## نبي نقولك خوك في المستشفى مرض والدكتور قال .......
حكاله كل شي
مراجع حط يده ع قلبه بصدمه :لا إله إلا الله  توا نقوللها
ضابط :تمام ومستشفى ال ###
مراجع :تمام
سكر مراجع منه وحط يده ع قلبه ويشهد مهما إنكان خوه💔🥺
فيصل وفيروز بخوف :شن فيه
مراجع :نزلن دموعه وحكالهم
فيروز وفيصل :لا حول ولا قوة إلا بالله العلي العظيم
فيصل :وشن بدير يا باتي
مراجع :لازم نمشوله ونمشي لي حوش منتصر نخبر فاطمه
فيصل تنهد :تمام
طلعو فيصل وموسى لي حوش منتصر ...
*****
عند معاذ
معاذ :هبه شنو خلاص تفكري هيا ردي عليا ولا نجيكم الحوش ؟🙂
هبه ضحكت :احم موافقه ♥️♥️
معاذ بفرحه عيط :ينعللللليا ❤️😍🔥 واخيراً يا فرخه ♥️🔥
هبه ابتسمت :بطل هبال
معاذ ضحك
خش عليه سالم انتظار
معاذ :سالم يرن توا بعدين نحكو
هبه :تمام
سكر معاذ منها ورد ع سالم
سالم :مش وقت انتظاراتك تعال لي مستشفى ال ##
معاذ بخوف :شن فيه
سالم :تعال توا تفهم
سكر معاذ وركب بسرعه بخوف .....
****
عند جلال جاته رساله لما قراها أنصدم صدمة عمره ومش مستوعب ولا فاهم كيف
رساله مكتوب فيها
(لو تبي تعرف من باتك الحقيقي تعال لي مستشفى ال ## غرفه رقم ##)
جلال أنصدم ومش فاهم كيف باته الحقيقي مش هوا باته ميت ؟؟
ركب السياره وطلع
******
والله عندي افكار وإحداث عرم بس ما عنديش وقت بكللللل تمنيت لو تكون أطول من هك بس الله غالب إن شاء الله في الروايه الجايه كان من أهل الدنيا ♥️🥺
*********
عند 2 مجاهيل
المجهوله الاولى :خلاص صار لازم الحقيقه تبان حتا ولو الوقت مش مناسب
المجهول الثاني :احسن ما درتي ؟
بسم الله خلي نعرفكن عليهن المجاهيل
المجهوله الاولى فتحيه ام جلال
المجهول الثاني خال جلال مصعب يعني خو فتحيه 💆
مصعب :توا شن ح يدير جلال لما يعرف
فتحيه تنهدت :الله غالب لازم يعرف
مصعب :يستر الله
*****
عند إبراهيم خو عزو يحكي مع خطيبته
إبراهيم بفرحه :خلاص توا نقول لي هلي نحددو الفرح  بعد شهر ❤️
خطيبته ابتسمت : تمام حبيبي♥️
إبراهيم كان يسمع في صوت سلوى وهيا تعيط طبعاً هدا قبل لا تعدي للمستشفى
إبراهيم بخوف :حبيبي بنسكر توا نحكو بعدين
خطيبته : تمام ♥️
سكر منها ونزل لوطه
********
في المستشفى طلع عليهم الدكتور
دكتور :للأسف المريضه واضح طايحه طيحه قويه عندها نزيف في الرأس خشت غيبوبه وصايرلها شلل كامل لي رجليها يعني ما تقدرش تنوض وفي ترضرض في العظام والغيبوبه الله اعلم انت تنوض منها ادعولها بس للأسف حالتها صعبه
كلهم انصدمو
سلوى قعدت تبكي وتعيط ويمسكو فيها عويل سلوفها 🔥
(وما ظلمناهم ولكن كانو أنفسهم يظلمون 💔
صدق الله العظيم)
****
عند عزو والي معاه
طلعت الدكتوره
دكتوره :درنا تخطيط قلب وبكرا نشوفوه لأباس عليها
حليمه :ما تشوفي بأس شكراً
عدت الدكتوره
ع رنة تيلفون منتصر
منتصر :ايوه مراجع كيف حالك
مراجع :تمام الحمدالله قتلك يا منتصر نحنا قدام البيت انتو برا ؟
منتصر :اها الله فاطمه داخت علينا في المستشفى قاعدين
مراجع بخوف : لأباس عليها شن في
منتصر :قلبها نبضه ضعيف قالت الدكتوره ودارتلها تخطيط قلب
مراجع :سلامتها والله اي مستشفى
منتصر :ال ##
مراجع انصدم لأنه نفس مستشفى الي فيه موسىى
مراجع :تمام
سكر مراجع وقال لي فيصل وطلعو للمستشفى
ع جية الدكتوره
عزو :عادي نشوفها
دكتوره :تمام بس ياريت ما تزعجهاش
عزو تنهد :ما تخافيش 💔
فتح عزو باب الغرفه ومش كانت فاطمه واعيه وسرحانه
اول ما شافت عزو انصدمت بعدها قلبت وجهه للجيهه الأخرى
عزو جا قعد جنبها ع السرير : فطومتي 😔💗
فاطمه قلبها يدق تنهدت بي ضيق وسكتت
عزو :عارف إنك زعلانه ومهما قلت وحكيت مش ح تعذريني بس ياريت تسمعيني والله الي صار صعب بكل
فاطمه ولا صوت ساكته بس
عزو مد يده حول شعرها الي ع وجهه وشافلها بحب :ادوي عيطي اي شي بس ما تقعديش ساكته هك 🥺
فاطمه دموعها نزلن
عزو بي ضيق : ماعش تبكي 💔 فاطمه ورب العزه ما صدقت فيكي بس بعد سمعت صوته وشن الي صار الشيطان لعبلي في عقلي وماعش سيطرت ع عصبيتي وانا ديما متسرع لاكن والله ويشهد الله انا ما حبيتك إلا وعارفك مافيش زيك فاطمه والله نحبك ومش بس نحبك والله نموت فيكي سبحان الله الحب مش بي طول السنين ولا الشهور صح فتره قصيره بس وكأنه نعرفك من سنين نحس فيكي كملتيني انتي الي خليتيني نجرب شعور الحب والله وغلاوتك عندي إني واثق فيك بس الإنسان بعد يتعصب وينصدم مايعرفش كيف يتصرف حطي روحك مكاني بس  💔
فاطمه رفعت راسها وشافتله ودموعها ينزلن :انت هنتني وصدقت فيا الكلام واذيتني بكلامك الي تقول فيه مهما إنكان يا عزو والله انا عليش نخونك مافيش مبرر إني نخونك ونخلي تيلفوني بلا رمز مافيش مبرر إني نخونك لو نبيه ما كنتش رضيت بي زواجنا يكمل وتزوجته لاكن الي تقهر في الموضوع اني والله ما نعرفه وما وريتكش الرسائل هدي صح معاك حق فيها بس والله بروحي كنت مصدومه ومش فاهمه شي وخايفه نوريهن لك ما تصدقنيش واصلاً كنت بنوريهن لك وربي أمس كنت ندوي حتا لي صهيب حكيتله عليهن وقالي ندويلك ولا كان هدا هوا يدويلك بس أنا لأنه ما كانش في وقت مناسب يعني اول رساله من سفرتنا وبعدها روحنا وقصة خططفة الاء ما حبيتش نزيدك أنا يا عزو حبيتك بي قلبي وروحي ونخاف ربي عمري ما نديرها وبعدين والله لو تخش تشوف قلبي مش ح تشوف إلا اسمك عمري ما نفكر نديرها أنا نخاف ربي قبل كل شي يعني وانت بعد سمعتني كلامك وكيف إنه مصدق قهرتني يا عزو انت بذات دايرتك الكل في الكل في حياتي بس كيفك كيف غيرك قهرتني تعبتوني 😭
عزو تنفس بي ضيق :خليني نحكيلك الي صار بس امبدري جتني حني وقالتلي ..............
فاطمه انصدمت ؟:كيففف ؟؟؟ رغد وراه كل شي 😳 ونا عطيتها تيلفوني يومها قالتلي بترن ع تيلفونها
عزو بعصبية :شفتي ها فاطمه طيبتك الزايده هدي بتخربلنا حياتنا وكيف تعطيها تيلفونك ليش سيبتهن كلهن وجاتك انتي واصلاً ما بينك وبينها هدرزه لا شي
فاطمه تنهدت :حسبي الله يعني هيا الي سجلت رقمه وهيا مخططه معاه بس منو جلال ما نعرفاش
عزو رافع حواجبه :ما نعرفش قالت يشتغل مع موسى ويبيكي 😒
فاطمه :يعني مخططين هيا تاخدك وهوا ياخدني ؟؟؟
عزو بعصبية :ياخدو عينهم والله لو نلقاه بس
فاطمه بخوف :خلاص فوت الموضوع ما توسخش روحك بيه
عزو بي حنيه :يعني سامحتيني ؟♥️
فاطمه تنهدت :نحنا ال 2 غلطانين بس انت اكثر 😒
عزو ضحك ومسك يدها باسها :حقك عليا يا روحي ♥️
فاطمه ناضت ع حيلها :عزو
عزو ماسك يدها :يا روح عزو وقلبه وكل شي ❤️🥺
فاطمه :والله قلبي ماعش يتحمل أكثر من هك الضربه الجايه نريح فيها 😔
عزو بخوف : بعيد السوء عليكي يا روحي وانا اسف والله ماعش تنعاد ولا نخلي يفرق بينا ♥️
فاطمه ابتسمت من بين دموعها
عزو حضنها بحنيه :مع بعضنا العمر كله إن شاء الله فاطمه انا ح نعوضك ع كل حاجه شينه عشتيها ح نكون سندك ومعاكي ع المره قبل الحلوه ♥️
فاطمه مبتسمه :ربي يخليك ليا ولا يحرمني منك يا اجمل عوض من ربي ❤️🥺
عزو باسها ع راسها :فاطمه ما تخوفينيش عليكي وما تخليش اي شي يأثر عليكي صحتك عندي بالدنيا ❤️
فاطمه تنهدت :حاضر .. بنطلع من هنا
عزو :الدكتوره قالت خليكي اليوم تحت الملاحظه
فاطمه :لا والله انخنقت من المكان هدا خلينا نروحو
عزو ناض :حاضر توا نشوفها
طلع عزو لقاه برا فيصل ومراجع وحليمه ومنتصر وصهيب
عزو سلم ع مراجع فيصل
حليمه :شن وضعها وليدي
عزو :قالت تبي تروح مخنوقه من المكان هدا قلتلها توا نشوف الدكتوره
مراجع :بعد اذنكم نبي نقوللكم موسى خويا مريض وقاعد هنا طالب يشوف فاطمه
كلهم شافو لي بعضهم بصدمه
منتصر تنهد :كيف مريض
مراجع دمعو عيونه :الباين مرضه شين
حليمه :بس فاطمه مريضه مش ناقص قلبها انفاعلات
عزو تنهد :خش عليها انت يا عمي واسألها كان قلنا لا مرات تزعل بعدين
منتصر :صح كلام عزو
مراجع تنهد :تمام توا نخبرها
صهيب :أنا ماشي نشوف الدكتوره
خش مراجع ع فاطمه ...
****
في القصر رن سالم ع فوزي خبره الي انصدم وتوا بس استوعب مهما إنكان بنته قعد يبكي ومصدوم في دقائق كيف كل شي تغير وتسنيم كانت منهارة ركبت مع باتها وعدو للمستشفى والباقي رن معاذ وخبرهم وكلهم وجعتهم بي غض النظر ع الي داراته ...