حياة مزيفه

الحلقه 4

#حياة_مزيفه

#الحلقه_4

#للكاتبه_ژوژو_الطشهه

#لايك_قبل_ما_تقري_وتعليق_بعد_ما_تكملي🌸

صلن ع النبي ....

(قبل لا نبدا الحلقه نبي نقوللكن الله يربحكن ماعش تسبقن الأحداث يعني أنا قاعده توا في الحلقه 4 وانتن طول توقعتن حاجات مصيريه أنا ما قلتش عليهن اصبرن معايا وح تشوفن شن ح يصير يعني انتي مطلوب منك تعطي رأيك وتوقعاتك بس مش تكوني خلاص متأكده من توقعك وتخشي تسأليني صح ولا لا انا مش ح نجاوبكن أنا الروايه مش كامله يعني نكتب بالحلقه أنزل ف الله يربحكن اقرن بتركيز في اسرار نقول فيهن من بين السطور كلمه مرات ما تركزيش عليها هيا تلقيها من اسرار 🔥😂)

.....

عند صهيب كان يبرم بالسياره مروح حوشهم شاف فاطمه طايحه ومكانش في زحمه ناس واجد ما حد عدل عليها وشالها كلهم ملتمين يتفرجو بس انصدم ونزل بسرعه شافها
صهيب عيط عليهم :البنت بتموت قدامكم بتنزف مافيش حد اسعفها حرام عليكم والله دنيا فانيه رآه 💔
رفعها بسرعه حطها في سيارته وطلع بيها المستشفى ويجري بالسياره ويتلفت يشوف في فاطمه كيف فاقده الوعي وتنزف
بعد حوالي ربع ساع وصل المستشفى درس السياره ونزل خش يعيط
صهيب :جيبو بريلا بسرررعه
جن 3 ممرضات وممرض واحد رفعوها وخشو يجرو بيها
الممرضه بي استعجال :عدي كلمي الدكتور وليد بسرعه نبض ضعيف
عدت تجري الممرضه الأخرى
وخششوها للعنايه طول وصهيب قعد ع الكراسي برا وكل تفكيره في فاطمه شن جيبها بروحها في الليل هدا وكيف ضربتها سياره وشن ادير بنت بروحها في الليل هدا ؟🤔
رن تيلفونه وكان عزو
عزو :خير يا برو وين قاعد
صهيب تنهد  :في المستشفى
عزو بخوف :خير كنك شن فيك
صهيب:لا مش انا والله ونا طالع لقيت بنت و.....و.... وهدا الي صار
عزو بضيق :لا حول ولا قوة إلا بالله باهي بتقعد يعني ولا كيف
صهيب :اها لعند نشوف الدكتور شن يقول مدام تكفلت بجيتها واسعفتها ف لازم نقعد لعند نكلم حد من هلها
عزو :تعرف كيف قاعد مكسد توا نجيك عادي نقعد معاك
صهيب :تمام
سكر صهيب وقعد يرجا في عزو ...
****
عند حليمه ومنتصر هل صهيب
حليمه حطت يدها ع قلبها :قلبي ناغزني يا منتصر رن ع صهيب شوفه
منتصر :لا حول الله ديما وسوايس انتي الولد مافيه شي  وتوا نرن حاضر
رن ع موسى صهيب
صهيب :الو باتي
منتصر : وليدي كيف حالك انت بخير
صهيب ب استغراب :تمام يا باتي شن فيه
منتصر :هدي أمك زي العاده خايفه وتقولي رن شوف صهيب قلبي ناغزني
صهيب ضحك :نجيها يارب نبع الحنان عطيها ليا
مد منتصر التيلفون لي حليمه
حليمه :وليدي انت كويس مافيك شي
صهيب ابتسم :مافيا شي قاعد مع عزو مرات نتأخر وهك ما تخافيش
حليمه تنهدت براحه :تمام وليدي دير بالك ع روحك وبعد تروح تلقاني معقبتلك عشاء تعشا
صهيب ابتسم ع حنيتها : حاضر ♥️
سكر من امه وقعد يرجا في عزو دقائق وجا عزو
عزو مدله نسكافيه :جبتلك نسكافيه روق بيها روحك
صهيب ضحك :منور يا طيري
قعد عزو يالاه بعد حوالي نص ساعه طلع الدكتور
ناضو عزو وصهيب قدمو منه
الدكتور هز راسه ب أسف :للأسف المريضه واضح خابطتها سيارة والخبطه ابداً ما كانت خبطه عاديه خبطها لعند صارلها نزيف في الرأس ونتمنا ما يكونش نزيف داخلي لو داخلي في احتمال كبير نفقدوها وباقي جروح الحادث نظفناهن وتوا هيا خشت غيبوبه ماباتش تستجاب الواضح ممكن في شي نفسي صاير معاها يعني هيا شخصياً راغبه الغيبوبه والله يعلم امتى اتنوض منها وبكرا نعرفو لو فيه نزيف داخلي ولا لا
صهيب شاف لي عزو وتنهد ب ضيق وعزو رفع حواجبهه ب أسف
صهيب :بارك الله فيك إن شاء الله خير باهي يا دكتور المريضه معاها اي شي بطاقه تيلفون اي شي عشان أنا اسعفتها ونبي نبلغ أهلها
دكتور :فيه معاها تيلفون طلعاته المريضه وح نعطيه لك
خش الدكتور خداه التيلفون من المريضه ومدا لي صهيب
صهيب : بارك الله فيك
عدا الدكتور وصهيب يشوف لي تيلفونها
صهيب :دايرتله بصمه يعني ضروري بصمتها عليك قصه
عزو :وتوا كيف يصير
صهيب:نرجو لعند بكرا مرات تنوض ونتعرفو منها ع اهلها نكلمهم ولو لا نرجو
عزو تنهد :تمام تعرف شعور صعب بكل هلها مساكين توا شن ممكن يكونو دايرين
صهيب رفع يده ب ضيق :الله اعلم خلاص هيا نروحو وبكرا أنا توا نجي بدري نشوف
عزو :تمام
طلعو والي هدا روح حوشه....
*****
طبعاً الساعه 11 الليل ..