حياة مزيفه

الحلقه 9

#حياة_مزيفه

#الحلقه_9

#للكاتبه_ژوژو_الطشهه

#لايك_قبل_ما_تقري_وتعليق_بعد_ما_تكملي🌸

لحظه لحظه ....

(قبل لا نبدا الحلقه عندي كلام مهم بنقوله...

يا بنات انا ما نسرعش في الأحداث من فراغ ولا ما عنديش احداث نحطهن ولا نبي نكمل الروايه بسرعه لا فاهمات غلط نبي نوضحلكن شي توا انتي لما تسافري وتتكي ع مطعم في الطريق مش ح تقعدي طول عمرك في المطعم اكيد ح تطلعي من المطعم وبعدها تروحي لي حوشكم وتستقري فيه الي نبي نوصله لكن يعني في أحداث جايه نبي نخش فيها عشان هك نسرع في الأحداث والحلقه 8 كانن فيها تسريعات واجد عشان هك لو قعدت مستمره ع الأحداث هدي مش ح نخش في الاحداث الاصليه متاع الروايه فلذلك قعدت نسرع فيهن عشان نخش في الأحداث الاصليه بعدها خلاص نقعد مستمره ع نمط واحد مش ح يكون في تسريعات نتمنا تكونن فهمتن أنا عندي احداث وحاجات معينه في راسي نعرف امتى نطلعهن ونعرف امتى نفوت الأحداث الممله فلذلك أنا ما نسرعش عشان شي ثاني ياريت تكونن فهمتن لأنه سرد الروايه معتمد ع الأحداث يكملن الأحداث ح تكمل الروايه مش ح نخترع احداث آخرى نخرب الروايه واسعه طولت عليكن والي يسألن الروايه كم ح تكون حلقه مش معروف لعند الآن...)
*****
الساعه 9 خش عزو لي الحوش فتح الباب شاف فاطمه في الصاله
فاطمه ب ابتسامه :اهلين عزو جيت
عزو ابتسم :اهلين اي شن عدت صاحبتك
فاطمه :اي عدت
عزو ضحك :شكلها غيرتلك جوك
فاطمه :بكل بكل هبه مش بس صاحبتي هبه كل شي
عزو :ربي يخليها لك
فاطمه ابتسمت :يارب
عزو :احم فاطمه شن رأيك نسافرو
فاطمه انصدمت :كيف نسافرو ؟
عزو ضحك :كيف ما الناس يسافرو كنك مصدومه
فاطمه :لا مش قصة هك بس استغربت يعني نحنا مش متزوجين زواج ر...
عزو قطع عليها :فاهم قصدك وفاهمك شن تقولي بس انتي مراتي شرعاً وفي الاوراق صح نحنا مش متزوجين رسمي ولاكن أنا شايف إنك مضغوطه ومحتاجة تغيري جو ف فكرت إنه نسافرو لي مشرق وخصوصاً إنه الجو بدا شتوي ح يكون حلو بكل نقعدو اسبوع ونروحو  💜
فاطمه شافتله وابتسمت ب امتنان :ياريت شكراً عزو ع تفكيرك فيا بجد محتاجه نبعد ع المكان هدا كله
عزو ابتسم :معناها توا تنوضي يا سمحه توتي دبشك ونا نعدي نوتي دبش وما تكثريش ح نشرو حاجات من غادي بكرا ح نطلعو بدري
فاطمه ابتسمت ب حماس :تمام توا نعدي 💗😍
خشت فاطمه تجري وعزو ضحك عليها ومشا يرتب في اوراقه وحاجاته وبعدها بدا يرتب في دبشه وفاطمه خشت للدار فتحت الدولاب وقعدت اطلع في دبشها الي شراته لها الاء ع الفرح طلعت بيجامات وتوت ودبش طلعه وعبايات واوشحه وقعدت تحط في الشنطه وهيا متحمسه 💜💜💜😍..
*****
(طبعاً في حاجه ما بيتش نحكي عليها توا الايام الي فاتن الاء خطبها ولد خالها من باتها وخالتها كلمت امها وبلغو الاء ما حد عارف طبعاً إلا باتها وامها وقالتلهم نفكر )
الوقت الحالي 📝
عند الاء جوها امها وباتها يحكو معاها في الصاله
باتها :شنو بنيتي فكرتي
الاء  ماسكه دموعها :اي موافقه بابا
باتها وامها انصدمو  وما توقعوش ردها يكون هك لأنه عارفين إنه اهم شي عندها تكمل قرايتها بعدها تتزوج
كريمه بفرحه :الحمدالله بنيتي حمزه ولد خالك ماشاءالله عليه مافيش زيه والحمدلله ح تكوني مرتاحه عند خويا ومراته
احمد : إن شاءالله توا نبلغهم
ناضت الاء عساس متحشمه خشت لي دارها طاحت ع السرير وتبكي ما عرفتش ليش وافقت بس طول ما هي تفكر في الموضوع يجي صهيب قدام عيونها وقررت توافق عشان ما يجيش صهيب ويطلبها ويوافقو عليه لأنه هيا تشوف فيه زي عزو هدا كان قبل لا يعترفلها بس بعد ما اعترفلها هيا بدت تكرهه لأنه يشوفلها ب نظرة يحبها وهيا معتبرته خوها الاء من كثر ما هي طيبه احيانا تفكيرها غبي ما تعرفش تتصرف وافقت عشان تسكر اي مجال لي صهيب وتوا ندمانه
قاعده تبكي ع سريرها
الاء :شن درت في روحي يارب ولا أخرى حمزه 😭😭 كله كنك يا صهيب مش ح نسامحك
(ح تعرفن حمزه مع الملفات )
احمد طول رن ع بات حمزه بلغه وبات حمزه فرح وقاله الاسبوع الجاي ح يكون البيان والايام الجايه يجو يطلبوها رسمي. ..
*****
عند موسى دق الباب فتح وكان شرطه رفعوه وهوا يعيط بصوت عالي ومصدوم كيف وصلوله
شالوه لي حبس متاع تونس حطوه في السجن وهوا مصدوم ومتعصب ومش فاهم كيف وصلوله
موسى بعصبية :مكاني هدا ماحد يعرف عليه كيف وصلولي بسسس خلاص أنا انتهيت يا ناس انتهيت
شوي وانفتح الباب خش الشرطي ومعاه راجل
موسى اول ما شاف الراجل فتح عيونه بصدمه
موسى :انت
الراجل ضحك :اييي أنا طارق الوحش هههههه شن تحساب تسرق وتنصب وتهرب لي تونس معقوله تشوف فيه شي تافه للدرجه هدي
موسى بعصبية :يا حقير
طارق قرب منه بعصىيه :انت تحكي ع الحقاره ؟! يا ناس أنا مصدوم فيك مافيش احقر منك كنه ماشيين تمام في شغلنا تخوني وتنصب عليا وتاخد مبلغ كبير يسوع ملايين وتحطه في حسابك وتهرب لي تونس متوقع إنه العمليه ب البساطه هدي مش عارف إنه أنا طارق الوحش نجيبك نجيبك انت الدنيا كلها عندك فلوس تبيع روحك عشان فلوس وصلت بيك الحقاره للدرجه هدي وررررربي كل قرش خديته مني ح اندمك عليه وما يكون اسمي طارق وتوا بكرا ح يحولوك لي ليبيا ح تتحاسب غادي ومش اي محاسبه ح نفتح كل ملفك ملف سرقه وملف بيع وشراء ومصايبك كلللللهن من أول ما بديت تشتغل في الدنيا أنا طارق وما ينلعبش علياا ويوم فكرت تنصب عليا كنت تحسابني ما نفهمش هههههه مشكله ما تعرفش إنه أنا نعرف عليك كل كبيره وصغيره ونعرف إنه عندك بنت امممم شن اسمها السموحه
موسى بعصبية :ردباااالك تفكر تجي شور بنتي شغلك معايا أنا
طارق ب عصبيه : ههههه مشكله إنك حقيي وشخصيتك هدي لازم ما يكسرها لك السجن
موسى ب برود :أعلى مافي خيلك  اركبه
طارق شافله :الأيام بينه سلام
طلع وخله موسى مصدوم إنه هوا توا قعد مكشوف خلاص ماعش عنده مهرب هدا الواقع ووقع وماعش ينوض وقضيه زي هدي بروحها كفيله تخليه يقعد سنين في الحباس يبال لو انكشف وانكشفت طريقة شغله ..
*****
عند سناء سكرت تيلفونها وضحكة ضحكة شر :ههههههههه ما تعرفش يا موسى إني عايشه معاك سنين ونعرف كيف نلقاك حتا لو مشيت للمريخ مش أنا سناء الي تطلقها وتعزقها في الشارع توا انت خلاص بحححح مزال بنتك بس وننتهي منك وبنتك لازم تموت ما توقعتش انك تحبها لي درجة تكون كاتبلها كل أملاكك أنا احق ب املاكك توا هيا مش موجوده ههههه ....
****
عند فاطمه طلعت لقت عزو قاعد في الصاله ماسك لابتوب ويشوفله ب تركيز
فاطمه جت قعدت يالاه وتشوفله
عزو رفع راسه وشافلها :اممم كنك ساكته
فاطمه :لا شي لقيتك مشغول ما حبيتش نشغلك
عزو ضحك :لا عادي عندي كم قضيه اجلتها وقاعد نشوف فيهن
فاطمه :حلو القانون وحلو إنك تكون محامي
عزو :امم لاكن صعب وياخد تفكير ووقت وقضايا وقصه
فاطمه:اممم صح ..
عزو :رتبتي دبشك
فاطمه :اها وانت
عزو :نظمته كله
فاطمه:نحس في روحي متحمسه
عزو ضحك :مسافره من قبل لي مشرق انتي
فاطمه :مره وحده ندكر مشينا لي المرج ودرنه لاكن زمان
عزو :اممم
وكملو يهدرزو عزو يحكيلها شن يحب وشن يكره وفاطمه تحكيله شن تحب وشن تكره ووين سافرت وكانت ليله عباره عن تعارف ...
*****
عند مجهولات 2
مجهوله الاولى :صبرك بسس ح يبان المفعول من اول مره  لاكن حوالي ايام ولا اسبوع مفعول قوي
مجهوله الثانيه :لو يعرفو إنه انتي مساعدتني ف الشي هدا
مجهوله الاولى :صدمه تلاتية الابعاد
مجهوله ضحكت :اممم نرجو راد الله علينا وإن شاءالله يكون عمل صح...
*******
وهك فات باقي الوقت عادي ع الكل ليله عاديه ع جميع ابطال روايتنا ...
***
ثاني يوم الصبح الساعه 9 رن منبه عزو ناض خش دار دوش سريع وطلع لبس سروال اسود وتيشرت ابيض دار شعره وبخ عطره وطلع بسرعه لي دار فاطمه دق الباب
فاطمه كانت تنشف في شعرها طالعه من الدوش
فاطمه :نعم
عزو :تمام واعيه قبل بنوعيك
فاطمه :لا واعيه نلبس قاعده
عزو :تمام
عدا عزو نزل عشان يخبر هله ع السفره عشان ما يفقدوش
فاطمه :اووف واخيرا غسلت شعري
حطت يدها ع الجرح تألمت شوي بعدها بدت تلبس
فاطمه : احسن شي نلبس عبايه
لبست عبايه لونها موف ومعاها وشاح ابيض وجت لي متاعت المكياج
فاطمه قعدت تشوفله ثواني بعدين قررت ادير منه
(للعلم هيا ما اديرش في مكياج حتا كان دارت حاجه خفيفه )
دارت روج ومسكرا وبلاشر ولفت الوشاح وكانت طالعه تهبل وباينه إنها مدام مع إنه هيا مزال انسه 😭😂😂♥️♥️😍😍
فاطمه شافت لي روحها في المرايه وابتسمت :محلاني 😂♥️
شالت  شنطتها في يدها ومسكت تيلفونها وطلعت للصاله حطت شنطتها وقعدت ترجا في عزو
عند عزو نزل وقعد ماشي جيهة حوش هله فتح الباب وخش لقا في الصاله امه وباته والاء لابسه وماشيه الجامعه
عزو :السلام عليكم
كلهم :وعليكم السلام
كريمه :تعال قعمز وليدي من لما تزوجت هدي ماعش شفتك زي الناس
عزو ضحك :كيف يا كريمه غايره
كريمه كشرت :لا مش غايره عليش نغار كان مراتك حق بالك
عزو تنهد ب ضيق
بعدها جاء قدم وباسها ع راسها : حقك عليا يا غاليه والله مشغول الايام هدي زي ما تعرفي وقفت شغلي ويوصلن فيا قضايا وهك
كريمه ابتسمت :الله يرضا عليك وليدي دنيا وآخرة
عزو ابتسم
احمد :اقعد افطر معانا وين ماشي
عزو شافلهم ومسح ع لحيته :احمم أنا ماشي مشرق حاجة اسبوع وجاي
شافوله ب استغراب
كريمه :وبنن بتخليها بروحها
عزو :ما هيا ماشيه معايا
كلهم انصدمو
كريمه :كيف يا عزو مش عساس بعد شهر اطلقها
عزو ضحك :ما قلت شي قلت بنشيلها معايا بس نغيرو جو ونروحو البنت مسكينه ما لهاش اي علاقه يا امي وانا عند كلامي قاعد
احمد ابتسم :هدا عشمي فيك يا وليدي وعادي ما لو شلتها مافيها شي هيا مراتك شرعاً وقانوناً
كريمه كشرت وجهه وما تبيش
أما الاء مبتسمه :عزو عادي نمشي لي فاطمه
أمها شافتلها ع جنب
عزو ضحك :اكيد عادي
الاء شافت لي باتها :بابا نسلم ع فاطمه ع السريع ونجي
احمد :تمام عدي
عدت الاء
وكريمه ب رفعة حاجب :البنت هدي طايبه الي تلقاه تحبه توا كيف حبتها البنت هدي
عزو بدون ما يفطن لي روحه :بس صح هيا تنحب
شافوله بصدمه
عزو فطن لي روحه شن قال :ق قصدي البنت كويسه ما شفت عليها شي نفس جو الاء احمد أنا طالع تأخرنا نتلاقو سلام
ضحك احمد ع إحراج عزو وكريمه قعدت تفكر في كلمة عزو
احمد قبل لا يطلع عزو :عزو
عزو التفت :نعم باتي
احمد : احم بنقولك اختك الاء عطيناها رآه
عزو بصدمه كبيره:عطيتوهاا ؟؟ كيف ولي من وكيف توا تخبرني يا باتي
احمد :وسع بالك كلام ما لاش حتا 3 ايام انت اول واحد تعلم حمزه ولد خالك انت عارفه وعارف أخلاقه كويس وامس في الليل بس ردينا عليه بالموافقه بعد ما سألنا البنت
عزو مصدوم ومتعصب ومضايق عشان يبيها لي صهيب وعشان عارف كيف صهيب يحبها ومش ح تلقا حد يحبها ويصونها كيف صهيب
عزو بعصبية :تمام يا باتي الف مبروك مقدماً
طلع وسيبهم
كريمه مصدومه :ليش عزو عصب هك
احمد :اكيد عشان ما قلنالاش وهوا صح هما خوتها مفروض شاورتهم زعما ماسك حاجه ع حمزه
كريمه بنفي :لا ما اعتقدش حمزه كويس ماعليش اي كلام وانت تعرفه بس اكيد زي ما قلت متعصب عشان ما خبرناش...
****
عند فاطمه قبل لا يجي صهيب دق الباب استغربت لأنه صهيب معاه مفتاح ناضت وقربت من الباب
فاطمه :من
الاء :أنا الاء
فاطمه ابتسمت بفرحه وفتحتلها
الاء حضنتها :فاطمه شن جوك
فاطمه:تمام وانتي
الاء وخرت وشافتلها :تمام الحمدالله ...حي طالعه تهبل عليك العبايه مطلعتك مدام
فاطمه ضحكت :مدام إلا 10 دقائق
الاء ضحكت
فاطمه :خشي
الاء :لا ماشيه والله عندي جامعه غير قلت نسلم عليك وفرحتلك بعد عرفت إنه مسافرين تغيرو جو
فاطمه ابتسمت : حبيبتي نجكليا
الاء ابتسمت وقربت منها بصوت واطي :فاطمه في السفره هدي حاولي تكسبي عزو وتخليه يحبك لأنه مش ح تلقي زيه والله مش عشان خويا بس حبيتك بكل  وحسيتكم ماشيين مع بعض عندك فرصه توا اسبوع مع بعضكم حاولي تفكري في مصلحتك ومصلحته الطلاق أبغض الحلال عند الله وعمي توا قاعد معانا الحمدالله مشكلتهم تنحل مع باتك بس انتي لازم تحافضي ع زواجك ♥️
فاطمه تفكر في كلامها كان نفس كلام هبه ابتسمت : إن شاء الله حبيبتي والله انتي الي زيك نادر اجمل حماه في الدنيا 🥺
الاء ضحكت :نجكليا وانت احلى مرت خو بنقولك رآه أنا انخطبت
فاطمه ب استغراب :كيف بالسرعه هدي عزو ما قاليش
الاء نزلت دمعتها :قصه معقده توا كان روحتي لنا تقعميزه
فاطمه استغربت في دمعتها وشافتلها: إن شاء الله حبيبتي
طلعت فاطمه وخش عزو وكان واضح عليه متعصب
فاطمه شافتله ب استغراب كان عابد حواجبه
عزو رفع راسه وشافها ابتسم لا إرادياً💜💜
فاطمه ردتله الابتسامه
عزو حك حاجبه ب مفتاح السياره :شنو خلاص نطلعو
فاطمه :اممم خلاص
عزو :تمام
دار تشطيبات عزو للشقه طفا الغاز وفصل الضي وشال فلوسه ونزلو هوا وفاطمه ماسك شنطه كانت صغيره وماسك شنطة فاطمه وفاطمه ماسكه شنطتها متاعت اليد ركبو السياره
وعزو ركب الشناطي من لاوره
من فوق كانت رغد تشوف فيهم ودموعها ينزلن بصدمه وحقد كبيييير 🔥
عزو ابتسم وشاف لي فاطمه
عزو :خلاص
فاطمه ضحكت :اييي
طلع عزو بالسياره
رن تيلفونه وكان صاحبه قعد يحكي معاه ولاهي في السواقه
فاطمه تشوفله ب تركيز
محادثه بين بين قلب فاطمه وعقلها 🫀🧠
قلب فاطمه ♥️"ياربي محلاه مش مصدقه إنه راجلي 😂😍 شخصيه ورجوليه وعنده هيبه سمحه شن يمنع لو توا هوا راجلي صح يعني وراكبه معاه مش فتره وانطلقو
عقل فاطمه 🧠 :حيي يا فاطمه شن تخرفي راه كلها أقل من شهر ويطلقك
قلب فاطمه ♥️: ياربي محلاه 😭😂♥️♥️
فاطمه قعدت تتأمل فيه وفي حركاته الرجوليه
عزو سكر وشافلها فاطمه دارت روحها لاهيه في الطريق (إن كيدهن عظيم 🔥🙄)
عزو :شن تحبي تسمعي
فاطمه :عادي بس نحب اغاني كاظم الساهر
عزو :امم حلوات اغانيه عندي دسكات لي أغانيه توا نولعهن
ولع عزو الاغنيه وفاطمه قعدت منسجمه مع الاغنيه وه المره دور عزو يتأملها♥️♥️...