حياة مزيفه

الحلقه 10

#حياة_مزيفه

#الحلقه_10

#للكاتبه_ژوژو_الطشهه

#لايك_قبل_ما_تقري_وتعليق_بعد_ما_تكملي🌸

في المستشفى درس صهيب السياره ونزل وعزو قاعد في مكانه ما تحركش وكان يشوف للوضع ببرود
صهيب خش يجري وكلم الممرضات جابن بريلا فتحلهن السياره ورفعو فاطمه حطوها في البريلا وقعدت يمشن بيها
صهيب جاء لي عزو بعصبية :كنك انت ترا فهمني كيف عزو يدير هك معقوله المره الاولى قلنا باهي متعصب ردة فعل توا خير شن فيه عليش ضاربها الضرب هدا بنت الناس عطيها لي عمها وريحها وريح روحك معقوله يا عزو اخر شخص توقعت منه الشي هدا انت
عزو كان ساكت برود ولا كأنه
صهيب يشوفله ب خوف كان غريب ساكت وبرود ولا كأنه يحكي معاه
صهيب:أنزل انزل
فتح عزو الباب ونزل
صهيب :تعال معايا
عزو يلحق فيه وساكت
صهيب جاء جيهة الحمامات حشاكن وجا قدام اللاوندينو
صهيب :اغسل وجهك توا نجي
عزو قعد يغسل في وجهه ويحس في روحه مش تمام مش فاهم روحه اصلاً شن دار وكيف دار هك
بعد ما غسل وجهه طلع وقعد ع الكراسي الي قدام العنايه حاط يديه ع راسه
صهيب جاء ومدله قهوه مره
صهيب : اشربها وصحصح شوي
عزو خداها منو وشربها
صهيب قعد يالاه : تقدر تفهمني شن فيه ليش وضعك هك انت سكران عزو ؟
عزو شافله بصدمه :كيف ؟؟ أنا نسكر يا صهيب كنك تسأل فيا وكأنك ما تعرفنيش
صهيب :باهي فهمني الي صار حالتك غريبه بعد ناديتني يدك ترجف ومصدوم ووجهك غريب حتا قتلك ارفع مراتك قتلي مش قادر سواقه ما قدرتش تسوق هدا شن يعني
عزو :وأقسم بالله مش سكران لاكن هك خشيت للحوش وشفتها كأني شفت قدام جن تعاركت معاها بعدها ضربتها بس تعرف هيا تستاهل اها تستاهل اصلاً خلاص بنطلقها 😡😡 مش طايقها بكل
صهيب رفع يديه بعدم فهم وقعد ساكت ويشوف في كلام عزو المتناقض
******
عند فيصل ومراجع
فيصل :صار لازم ناخدو البنت خلاص يا باتي عمي حبسوه وانا عرفت إنه فاطمه وراجلها الزفت محددين عساس بعد شهر يطلقو لو طلقها وين يعزقها
مراجع :نوض نوض نعدو توا نجيبوها
فيصل ناض :هياا
طلعو بالسياره متجهين شور القصر وصلو باب القصر مفتوح خش مراجع بالسياره نزلو وشافو جيهة فيلا حاج محمود في زحمه رجاله وهك
فيصل :هدي شقتهم ندقو عليها
مراجع :تمام
كانو ماشيين شور شقة عزو شافهم مراد
مراد جاهم وهوا مستغرب :من انتم وشن فيه
فيصل ومراجع شافوله ب استغراب
مراد :أنا مراد ولد الحاج محمود
فيصل ومراجع انصدمو وعرفو إنه هوا الي كان خاطفه موسى
مراجع :أنا مراجع وهدا وليدي أنا عم فاطمه مرت عزو
مراد شافله بصدمه :يعني انت خو موسى
مراجع :اها جاي نبي بنت خويا نروحو بيها
مراد ادكر كلام عزو إنه يحبها ويبي زواجه بيها يستمر
مراد بعصبية:وكيف جايين في الليل بتاخدوها وهيا مزال ع ذمة عزو يعني مراته ما فهمتش هيا قالتلكم تروحو بيها
فيصل بعصبية :البنت بنتنا بدون ما تقول واكيد سمعتو باتها محبوس يعني ما لهاش حد إلا نحنا
مراد :شوي نرن ع عزو
قعد يرن ع عزو ينادي ما يردش استغرب بعدها رن ع صهيب
صهيب ب صوت واضح إنه في شي :نعم مراد
مراد :عزو معاك
صهيب :برا مصيبه عزو ضارب مراته وتوا في المستشفى معاه الولد حالته غريبه نتوقعه سكران أنا سألته بس نكر
مراد مسح ع وجهه بصدمه :تمام اي مستشفى
صهيب :مستشفى الشفاء
مراد :تم
سكر منه مراد وشاف لي مراجع وفيصل الي كانو يشوفوله
مراد زمط ريقه : احمم في المستشفى عزو هوا ومراته
فيصل شاف لي باته بخوف بعدها شاف لي مراد :ع عليش شن فيه
مراد :نمشو غادي ونعرفو مستشفى الشفاء
فيصل ركب مع باته وطلع بسرعه ومراد ركب سيارته ولحقهم.....
(طبعاً مراد ومراجع ما تلاقوش بكل عشان هك ما عرفهمش)
*******
عند موسى قالوله عندك زياره طلع برا وانصدم بالكلام الي سمعه وقعد يعيط ب قهر
نرجعو قبل شوي خش عليه الشرطي وقاله عندك زياره طلع لقاه واحد ما يعرفاش استغرب
موسى :نعم من معايا
الولد مدله رساله :أنا جيت هنا من طرف سناء ال ##
موسى انصدم وخداه الرساله بدا يقرا فيها كان مكتوب فيها
(اهلين يا زوجي السابق ههههه شن جو الحبس عندك إن شاء الله مرتاح ههههه مهم أنا بنقولك قضاياك وملفاتك القديمه كلها عندي منها نسخخ كل نصب واغيتال وبيع وشراء موجود عندي عند خيارين يا إما نسلمهن للقاضي فوق قضيتك هدي قضايا أخرى يخلنك طول عمرك في الحبس يا إما تحول كل املاكك الي حولتهن ب إسم الحقيره بنتك لي اسمي عندك مهله اسبوع بس ويلا توا تشاااو واكيد تفكر كيف وصلو الشرطه لي مكانك هههه ولو انا في الخدمه 😈)
موسى طبق الورقه وكان مصدوم من سناء وكيف إنها شيطانه وهيا الي مبلغه عليه وتوا تهدد فيه يعطيها أملاكها
طلع والشرطي كلبشله يديه ورده للحبس طبعاً حالياً موسى عشان بكرا محاكمته قاعد في سجن انفرادي بروحه بعد المحكمه ح يطوه في سجن كبير مع باقي المسجونين ....
خش لي دار الي قاعد فيها هيا اقل شي يقل عليها دار مكان ضيق بكل بكل يدوب يشيل مكان فراس ومظلم فيه شوي ضي ضعيف طالع من برا 🔥
موسى قعد يخبط بقوه ويعيط:حقققققيررررره والله ما نقعد موسى كان ما ندمتكم كلكم واحد واحدددد مش أنا الي ننحبسسسس مش اناااااا سااااهل 🔥🔥😡...
*********
عند فيصل وباته وصلو ونزلو مراد طول نزل وراهم خشو طول جيهة العنايات شافو عزو قاعد ع الكرسي مطبس راسه لوطه ويالاه صهيب
فيصل عدا يجري دف عزو
فيصل بعصبيه :شن درررررتلها حتا المره هدي يا عيللل 😡😡😡
مراجع يكر في فيصل
وصهيب ناض بعصبية :مش وقتك انت ما تدخلش هدي مراته
مراجع بعصبية :مراته يعني لاه حق يمد يده عليها ولا كيف امتى الراجل يستقوا ع مرا
مراد جاء دف فيصل :وخر غادي خيرلك
فيصل :خلوه يرفع راسه متحشم من عملته والله ما تستاهل ظفرها يا واطي
عزو رفع راسه وناض ببرود وشافلهم
صهيب ومراد شافو لي بعضهم بخوف لأنه من كلام فيصل متوقعين عزز ح يهجم عليه ويقتله لأنه هدي شخصية عزو
بس الي صدمهم
عزو قدم من فيصل ب كل برود :قاعده في العنايه كان طلعت منها حيه ح ندزلها ورقة طلاقها وحلال عليكم روحو بيها
طلع بسرعه وسيب الكل مصدوم وأكثر حد مصدوم مراد بعد كلام امبدري كيف عزو تغير هك 😱😱😱
صهيب برضو مستغرب في وضع مراد وشخصيته الي انقلبت والبرود الي نزل عليه 😱
ومراجع وفيصل كانو متعصبين من استفزازه بس صدمهم لما قاللهم خودوها والصدمه الآخرة متاع كان طلعت حيه يعني مكسرها 💔💔
ع طلعة الدكتور من العنايه
الدكتور بعصبية:هدي ثالت مره تجي المريضه هدي هنا المره الاولى تمام حادث بس المره هدي والمره الي فاتت ضرب عنيف المره الي فاتت سكتت بس المره هدي مش ح نسكت المريضه لو ما عندهاش حد انا ح نرفع قضيه أنا ك دكتور وعندي انسانيه حرررام هك بنات الناس مش لعبه يا تزوجها وصونها ويا خليها عند هلها مش راجل الي يمد يده ع مراه 😡🔥🔥 المريضه جسمها تعبان من الضرب هيا مافيهاش شي خطير بس ضرب قوي بكل لازم تقعد في العنايه ع الاقل 3 ايام عشان ترتاح حرام الي يصير💔
كلهم يسمعو في كلام الدكتور موجعين ع فاطمه حتا مراد وصهيب شن تتحمل لا تتحمل 😭😭💔
مراجع نزلت دمعته لأنه فاطمه غاليه عليه ولأنه ربي ما رزقاش ب بنت كان ديما يعامل فيها كويس كلام الدكتور خلاه يحقد ع عزو ويحقد ع موسى
مراجع مسح دمعته :أنا عمها يا دكتور ما عنديش علم ب شي توا كان ناضت بنروح بيها لي حوشي وبالنسبه للقضيه ح نرفع عليه قضيه ولا يهمك بارك الله فيك ع وقفتك معانا
دكتور وجعنه دموع مراجع وعرفه إنه يحبها :تمام وربي يشفيها وزي ما قتلك ما تتنازلش ع حقها
مراد وصهيب كانو منحطين في موقف صعب كلام كله صح ما عندهم ما يقولو متحشمين ومستغربين كيف عزو وصل للمرحله هدي أبداً مش هدي شخصيته معروف عليه راجل ويخاف ربي
فيصل شافلهم بعصبية:تبلغوه إنه ح يشوف ع كل ضربه ضربها لها ما يحساب وراها حد ولا كيف
مراد شاف لي صهيب وطلعو ما كان عندهم كلام يقولوه لأنه حتا هما شايفين عزو غلط
أما مراجع رن ع مراته وخبرها وهيا اضايقت ع فاطمه الحوش كله يحبها ....