حياة مزيفه

الحلقه 16 وما قبل الاخيره

#حياة_مزيفه

#الحلقه_16_وما_قبل_الاخيره

#للكاتبه_ژوژو_الطشهه

#لايك_قبل_ما_تقري_وتعليق_بعد_ما_تكملي🌸

صلن ع النبي جميلاتي 💕...

(الحلقه الي ما قبل الاخيره 🥺 أحزنني بكل والله مش انتن بس أنا نحس فيهم جزء من يومي وجزء من تفكيري تعودت ع الروايه بس الله غالب زي ما قلتلكن ظروف وصعب بكلل نطولها أكثر من هك 🥺 نبيكن الحلقه هدي والحلقه الجايه تتفاعلن تفاعل حلو يعني ♥️)

عند عزو طلع ركب في سيارته اول ما ركب رن تيلفون فاطمه استغرب طلعه بس بس قبل ما يشوف من المتصل جت رساله للتيلفون قراها وانصدم  رساله مكتوب فيها (ما تخليش عزو يشوف الرسائل امسحيهن بسرعه )
عزو انصدم ومش فاهم رسائل شنو ولأنه فاطمه مش دايره رمز (غبيه🙂) فتح التيلفون وخش ع الرسائل وانصدم
كانت أول محادثه في الرسائل مسجله بي" حبيبي ♥️"
عزو قعد يقرا في الرسائل الي واصلتنها يعني اول رساله لها اكثر من 10 ايام وباقي الرسائل كل يوم حوالي رسالتين أو اكثر كلهن كلام حب وغرام
واخر رساله كان مكتوب فيها (ماعش ادزلي واجد رآه خايفه يفطن )
هوا راد عليها (حاضر يا عيوني بعد يعدي التيس قوليلي نرن )
عزو حط يده ع راسه بصدمه يعني حتا كان واثق في فاطمه بس الرسائل لهن أكثر من 10 ايام كيف يعني هيا ما قالتلاش شنو يعني هدا ؟؟؟ هدا الي خلاه يصدق الكلام وينقهر ويتعصب
فصلت المكالمه ورن التيلفون مره اخرى
رد عزو وما قال شي
جلال بي ضحكه :الو يا قلبي ليش ما تردي روحتي من حوش هلك ولا مزال شن جوك معاهم تعرفتي عليهم التيس راجلك جاكي ولا مزال نرن عليكي ما ترديش من امس رايفتلك يا قلبي هيا خلاص امتى تتطلقي
عزو سكر المكالمه مش قادر يتحمل أكثر مصدوم وحاسس بشعور خذلان حتا لو الرسائل كدبهن لاكن توا سمع كل شي يعني المتصل عارف كل شي ع فاطمه وهدا يعني إنه صح فاطمه تكلم فيه 😱
عزو حط يده ع راسه وضغط ع وجهه ومسك التيلفون وعزقه لوطه وعفس عليه بقوه تكسر كله 💔
طلع عزو بسرعه يجري بالسياره ومش عارف وين يمشي مايبيش يعدي لي حوش فاطمه لأنه لو شافها اللحظه هدي ح يقتلها طول 🔥 لأنه ما يقدرش يتحكم في عصبيته 💔💔
عزو كان مصدوم ومش مصدق فاطمه مش بس حبها لااا هوا فات مرحلة الحب بي مراحل 💔☹️...
******
في حوش حمزه دق الباب فتح باته ما كانش فيه حد استغرب بس شاف صندوق لوطه اول ما فتحه أنصدم وقعد يعيط
حتا لو كتبت الف سطر مش ح نقدر نوصل صدمة بات حمزه اهل حمزه امه وباته وعيلته كلهم كويسين وع حالهم 
كان في الصندوق راس حمزه 💔😔🤢
باته طاح لوطا بصدمه ودموعه ينزلن ويقول :لا إله إلا الله محمد رسول الله 💔💔😭
ع طلعة واحد من الجيران مصدوم جا عساس بينوضه يقولك كنك بس لما شاف الصندوق عيط بصدمه منظر صعب بكل 💔
جاره :لا اله إلا الله لا حول ولا قوة إلا بالله العلي العظيم إن لله وإن إليه راجعون 💔💔
ع طلعة ام حمزه وخواته ع صوت جارهم
ام حمزه قدمت من راجلها بخوف بس ما لحقتش تشوف وجه رجاله لما شافت الصندوق وشافت الي فيه عيطت بصوت عالي عيطة ام مقهوره ع ولدها الي انقتل بالطريقه هدي 💔💔
خواته انصدمن بخوف قربن والي شافنه كان كفيل يخليهن يخشن في حاله نفسيه
بدا العياط والجيران الي يسمع يخش وينصدم
تعبا الحوش بالعياط وامه قريب تنكلب مصدومه 💔💔
بات حمزه ناض بي صعوبه فتح الرساله الي في الصندوق وبدا يقرا فيها
(ولدك  كلفه العقيد بي مهمه كبيره وهوا فشل فيها وهدا جزاة كل حد يبدا بي مهمه ويخلف بيها ...بنت خالته الي كانت  مخطوفه هوا الي خطفها وهوا الي يخطف في بنات الناس وكل شهر يبيعهن لي منظمه في تونس ياخدوهن ويخمروهن ويزوجوهن ويخلوهن يتبعن قوانين عساس شور الاسلام ويخلو فيهن يديرن في حاجات عساس هيا شور الدين بس هيا كلها كدب ولما هربت بنت خالته وهربت معاها بنات واجد هنا العقيد قطع رأسه زي زي الي قبله وحمزه داير روحه ملتزم ويقول في حاجات ونصائح ع الدين والكل مصدقه بس للأسف هدي حقيقة ولدك أنا ضابط ليا سنه نتعامل معاهم وداير روحي من رجالة العقيد وكل ما تصحلي الفرصه نساعد في بنات الناس ونهرب فيهن وكنت ننصح فيه ولدك مباش وكان يقولي إني أنا فاضي وما نحبش الاسلام عموماً العقيد الحقير كلفني أنا بالمهمه هدي عشان نوصله لكم راسه بس وانا قررت نخبركم الحقيقه عشان ما سمعت عليكم كل خير والسلام عليكم 😔)
طبق بات حمزه الرساله بي صدمه لو  كان ولده مات  وهوا داير خير في حياته كان اهون بس بعد الخبر الي سمعه حس إنه خلاص ظهره انكسر وسمعته بين الناس  راحت 💔
الرساله قراها واحد من الجيران وقعد يفضح ويقول فيها للي الي يجي انتشر موت حمزه وانتشر السبب وانتشر إنه كان خاطف بنت خالته
مهم قام العزاء وكانت صدمه كبيره 🔥💔...
*****
عند رغد ضحكت ورنت ع جلال
(زي ما توقعتن رغد متفقه مع جلال 💆🔥)
رغد ابتسمت بخبث :الأمور زي ما نبو🔥😈
جلال ضحك بخبث :ههههه تعجبيني ... خليها تولع
رغد :نبي نعرف بس ليش انتو ال 2 تحبوها شن شايفين فيها بس في شن هيا احسن 😏
جلال :فاطمه ع قد ما شفت من بنات مافيش زيها اااخ بس امتى يطلقها الواطي هدا بس
رغد بعصبية:ماعش تقول عليه واطي
جلال ضحك :هههه هدا كله ياريت غيرك امعبرك بس وجهك توا مش فاضيلك
سكر عليها ورغد بتموت من العصبيه والحقد ع فاطمه يزداد أضعاف 🔥...
*****
عند معاذ بعد وصل البنات رن ع هبه
معاذ ابتسم وحك حاجبه :هبه أنا في اليومين هدي بنجيب هلي بيخطبوكي ؟💓
هبه انصدمت:كيف بيخطبو من ؟😳
معاذ ضحك:بلا غباء كيف من انتي
هبه :قصدي كييييف
معاذ :هبه أنا نبيكي وحتا انتي واضح عليكي تبيني
هبه ضحكت :الله ع الثقه
معاذ :مهم بنكلم هلي عليكي 💓 والله لو تعرفي كيف صح اسبوع بس حكينا فيه بس والله اول مره نرتاح لي بنت أنا حاكيلك وقتلك إني نكلم في بنات يعني من قبل بالجو بس وأقسم بالله من يوم ما عرفتك ماعش قعدت نحكي مع حد وامس ارقامهن كلهن حدفتهن ودرتلهن حظر والله تعلقت بيك حسيت إنه انتي الي تكمليني أنا بالجو هك نكلم في بنات يعني ما عمريش عشمت  وحده قلتلها بنخطبك وهك كلهن عارفات إنه هدرزه عاديه وهك لاكن أول مره نفكر بي طريقه جديه معاكي انتي عطيني فرصه بس والله والله مش ح تكوني معايا إلا راضيه 💓
هبه تسمع ومبتسمه :احم نفكره ونرد عليك زي ما تعرف أنا عكسك تماماً ما عمريش ارتبطت ولا حبيت ولا فكرت هك بكلل وموضوع زي هدا مصيري لازم نفكر بعدها نقولك رايي
معاذ ابتسم : مافيهاش تفكير غصبن عنك 😂
هبه ضحكت :كان غصبن عني معناها مش موافقه
معاذ :احلمي ... اي قوليلي شن درتي اليوم ❤️
وكملو يهدرزو
هبه كانت مرتاحه لي معاذ يعني شعور متبادل وضروري تبدا بيومها من محادثه ولا مكالمه معاه يعني خلال اسبوع بس تعلقو بي بعض طبعاً ما وصلوش لي مرحلة الحب بس زي ما يقولو التعلق والإعجاب بداية الحب 💓💓🥺..
****
في حوش مراجع عم فاطمه
مراجع :يعني متأكد خلاص نخطبولك البنت
فيصل ابتسم :اي خلاص يا باتي قبلها نشوفو فاطمه عشان تمشي معانا
فيروز ابتسمت بفرحه :اي صح توا نرن عليها
قعدت ترن يطلعلها مقفل استغربت وقررت تزورها بكرا ..
******
*******
عند الاء جتها رساله ع تيلفونها اول ما فتحت انصدمت ودموعها نزلن
مكتوب في الرساله
(صباح الخير ❤️ و أقسمُ بأني امتلأت بك حُبًا للحدِّ الذي لم يعُد في قلبي متسعًا لغيرك , و لم يعد هُناك مكان لشعُور آخر سوى حبك
ح نكلم هلي ونجي نخطبك خلاص الاء مش قادر ع بعدك وربي العزه نحبك🥺❤️)
الاء تعاود تقرا في الرساله كم مره وفرحانه بكللللل
الاء دموعها نزلن بحب :نموت فيك يا روح الاء ❤️😔 قد ايش ما كنت غبيه يوم رفضتك ما نحسابش إني ح نحبك للدرجه هدي . يارب يكون من نصيبي ❤️🥺
حطت تيلفونها في جيبها وتفكر في صهيب ومبتسمه ❤️.
*****
طبعاً هدا كله والساعه 11:30 ...