#حياة_مزيفه
#الحلقه_7
#للكاتبه_ژوژو_الطشهه
#لايك_قبل_ما_تقري_وتعليق_بعد_ما_تكملي🌸
عزو ب استفزاز :ما زي ما قتلت عمي وين الصدمه في الموضوع
موسى : بس عمك ما قتلتاش قاعد عايش
عزو ناض بصدمه :كييييف ؟ ش شن تقول قاعد ك كيف عمي عايش
موسى بضحكة استفزاز:ههههه كنت واخد عليك محامي شاطر ودكي كيف بس من كلمة قلتها لك بدون ما تتأكد تصدقو واديرو عزاء كبير سبحان الله طلع عندك فيا ثقه كبيره
عزو استوعب الي صار ومن كثر الضغوطات والي مر بيه أبداً ما شكش ولو لي صفر بالميه إنه كلامه غلط
عزو بعصبية :ورررربييي أنا قتاااالك يا موسى
موسى :تؤ تؤ هدي هدي احبالك الصوتيه ينقطعن
عزو ب نفاذ صبر :كان مش قتلته وينه عمي
موسى :عمك حي يرزق وطلعته اليوم أنا مش في مصلحتي نقتله أما الصفقه ف الحمدالله حكيت مع الشركه وسحبو خوك منها ب حكم طول عساس انتم قايلين للشركه مسافر هههههه بس نا قتلهم مات وتأكدو ب نفسهم لما جو لي حوشكم ولقوه العزاء قائم وقالولي إنه ح يتفقو معايا انا وهك طلقت عمك وتوا دزلي بنتي
عزو كان مصدوم من وساخة موسى : شيطان رجيم انت مش إنسان وبنتك توا زوجتي تعرف شن معنى زوجتي
موسى ضحك بعدين سكت وقال بجديه :اسمعني بنتي مش لازم اطلقها
عزو بصدمه :كيف مره تقول ما اطلقهاش مره تقول دزها ليا انت لشن تبي توصل
موسى تنهد :اسمعني كويس بنتي خليها عندك لعند تسكرو شهر ودزها ليا ردبالك تعطيها لي عمها ردبالك
عزو بصدمه :كيف شن تحكي انت وكيف ندزها لك كأنك مش داير شي
موسى بعصبيه :خلي خطفة عمك ع جنب اهو طلعته لك أنا توا ما نقدرش نروح لي ليبيا مش عشانكم ولا خايف منكم بس ما نقدرش نروح وبنتي لو عطيتها لي عمها تعتبر درت جريمه كبيييييره
عزو بصدمه :شن تقول أنت كيف جريمه مش هدا خوك
موسى بعصبيه :أنا مش فاضي نبررلك لاكن دير الي يريحك بس وربي وأقسم بالله نحكي بكل صدق المره هدي مافيش ملعوب في القصه ولا شي لاكن لو عطيت فاطمه لي مراجع وروحو بيها تكون ارتكبت جريمه وح تتعاقب عليها عند ربي ممكن مع الايام تعرف السبب لاكن حالياً لا مراجع بروحه ما يعرفش السبب ودير رأيك عمك طلعته صح ضربوه الشباب وهك لاكن ما قتلته لا شي قاعد عايش وانت توا لو تخاف ربي وراجل صح صح تسمع كلام أنا ما نقدرش نروح ليبيا حالياً طايح في مشكله كبيره بس لو ما تبيش تسمع كلامي دزها ليا برا ليبيا بدون ما يعلم حد والخيار بيدك
عزو ب تفكير :توا مش فاضيلك نبي نتأكد من خبر مراد روح ولا لا وبعدين نفكر
سكر ع وجهه وهوا مصدوم شن السر الكبير الي ما يبيش موسى بنته تقعد عند عمها وشن المصيبه الي دايرها وما يقدرش يرد لي ليبيا
ع طلعة الدكتور
عزو مشاله:طمني يا دكتور
دكتور :عطيناها دم ووقفنا جرح راسها وحاولت الدكتوره تعالج جروح جسمها ونقولو تعدت الخطر لاكن لازمها راحه كم يوم في العنايه بعدها تطلع لاكن ردبالكم من حالتها النفسيه
عزو تنهد :تمام ... دكتور بنسألك تقدر تسافر المريضه حالياً
دكتور :يفضل لا ما تسافرش إلا بعد اسبوع لأنه ح يكون تعب عليها جسمها يبي راحه وتغذيه كويسه وجرح راسها لازم ما تصبش عليه اميه إلا بعد كم يوم وبعدها ممكن تقدر تسافر
عزو بي ضيق :شكراً دكتور نقدر نشوفها
دكتور :صعب هيا في العنايه وارجوك ما تسببليش إحراجات موقف أمس ياريت ماعش يتعاود مش ح تخش توا بعد كم يوم روح بيها بالمره
عزو :تمام دكتور
عدا الدكتور وعزو قعد يفكر في كلام موسى ...
****
عند نور فتحت عيونها في غرفتها وشافت قدامها شي صدمها كان مراد قاعد ع الكرسي الي يالاها وماسك يديها
نور ناضت ع حيلها وتشوفله ومصدومه : م م مراد مراد والله مراد 😭😭😭😭😭😭
مراد دموعه نزلن حضنها بقوه :يا عيون مراد وروح مراد وقلبه وكل شي ❤️🥺
نور ماسكه فيه بقوه ومش مصدقه :حبيبي انا نحلم ولا نتخايل قولي الله يربحك ااااه قريب متتت عليك اصعب ايام عشتهن في حياتي انت عايش عايش الحمدالله ياربي 😭😭😭❤️
مراد وخر منها ومسح دمعته وقعد يمسح في دموعها :اشش حبيبي ما تبكيش توا نفهمك كل شي أنا ما متش وقاعد قدامك اهو بطولي مش ح نموت ونسيب نورتي فرحنا ماعش عليه شي
نور ابتسمت بحب ودموعها ينزلن بغزاره :اااخ ياربي الحمدالله يا حبيبي
مراد ابتسم :طلعتي تحبيني للدرجه هدي
نور مسكت ايديه ال 2 وباستهن :واكثر والله والله قلبي قريب وقف ردبالك اديرها فيا مره اخرى 😭😭
مراد ابتسم بحب :يا عيوني انتي ربي يخليك ليا ولا يحرمني منك إن شاء الله مش ح نسيبك ❤️
نور حضناته آخرة :مش مصدقه ياربي مش مصدقه 😭😭❤️
مراد حاضنها ويضحك هما ما يحبوش بعضهم حب عادي هما فاتو مرحلة الحب بواجد حب سنين انتها بالحلال خطبها وقرا فاتحتها وعرسهم قريب ❤️❤️❤️❤️🥺🥺🥺
أنت تقرأ
حياة مزيفه
Acakخشن لي قروبي الفيس ❤️ https://www.facebook.com/groups/351264392720888/?ref=share
