"နှင်းဆီပင်တွေ ကိုသဘောကျလို့လား"
နောက်ကျောဘက်ဆီမှအသံကြောင့်
လှည့်ကြည့်မိသည့်အခါခြံပိုင်ရှင်
အမျိုးသားဖြစ်နေသည်။
နေရောင်ခြည်ကောင်းမွန်စွာ မရရှိသော
တောအုပ်ကလေးထဲတွင် ထိုအမျိူးသား၏
အပြုံး သည် နေရောင်ခြည်နွေးနွေးကလေးနှင့်
တူသည်။ထယ်ယောင်းသည်
ထိုကဲ့သို့ ခံစားချက်ကို ရရှိလိုက်ပါ၏။
"ဟုတ်ကဲ့ သဘောကျပါတယ်"
"ဒါက အနီတွေချည်း သီးသန့်စိုက်
ထားတာလေ ၊ ဟိုဘက်မှာတော့
အရောင်စုံစိုက်ထားတာရှိတယ်"
"ကျွန်တော် သွားကြည့်လို့ ရနိုင်မလား"
"ရတာပေါ့၊လာလိုက်ခဲ့၊ အစ်ကို ပြပေးမယ် "
အမှန်အတကယ်ပင်ရောင်အသွေးစုံလင်လှသော
နှင်းဆီအမျိုးအစားပေါင်းမြောက်များစွာက
ထယ်ယောင်း၏စိတ်အာရုံကိုဖမ်းစားလိုက်၏။
မှုန်မှိုင်းသောမျက်ဝန်းကလေးများအား
ငေးကနဲ ဖြစ်သွားစေသည်။
ထုံသင်းသည့် ရနံ့ကဦးခေါင်ဝေဒနာ၏လက်ကျန်ကိုက်ခဲမူ့ကိုကုသပေးနိုင်လိုက်ပါသည်။
စိတ်ကလေး အေးချမ်းသွား၍ထင်၊နှင်းဆီတွေကို အနီးကပ်ထိတွေ့ခွင့်ရလိုက်၍ထင်သိသိသာသာကို ခေါင်းတစ်ခုလုံးပေါ့ဆင်းသွားသည်။
"အစ်ကိုနာမည် ဂျောင်ဟိုဆော့ပါ "
"ဟုတ်ကဲ့ စောစောကကြားလိုက်ပါတယ်၊
အစ်ကိုဂျင်း မိတ်ဆက်ပေးတုန်းကလေ"
"အင်းနော် ဟုတ်သားပဲ ၊ဒီက ညီလေးရဲ့
နာမည်က ကင်ထယ်ယောင်းနော် "
"ဟုတ်ကဲ့ "
"ထယ်လို့ ခေါ်မယ်လေ အဆင်ပြေလား"
"ဟုတ် ပြေပါတယ်၊ တော်တော်များများလည်း ထယ်လို့ပဲ ခေါ်ကြပါတယ် "
"ဟုတ်ပါပြီ၊နှင်းဆီတွေကိုသဘောကျရင်
ဒီခြံဆီ
မကြာခဏ အလည်လာခဲ့ နော်ထယ် "
အကိုဆော့၏ ကြိုဆို၊နှုတ်ဆက်စကားသည် ထယ်ယောင်း အသိဉာဏ်တွင်စွဲထင်ကျန်ရစ်သွားသည်။
လောကကြီးတွင် အစ်ကိုယွန်ဂီပြီးလျှင်
သူ့အပေါ် မည်သူမှ မကောင်းဟု
ထင်ထား သော်လည်း ဤအရပ်သို့
ရောက်သည့်အခါမှ
သူ့အတွေးတွေ
ရာနှုန်းပြည့် မမှန်ကန်ခဲ့ကြောင်းသိခဲ့ရသည်။
YOU ARE READING
If(The Story of V)
Fanfictionအကယ်၍များ ဝတ်လွှာစိမ်းနှင့် ပန်းနှင်းဆီတွေကိုသာ မမြတ်နိုးခဲ့မိဘူး ဆိုပါလျှင်
