AGS 4: The Best Man's Wedding

Chapter 37: Valentine

Every Valentine's Day, meron talaga akong ka-date ever since tamaan ako ng puberty. May mga nag-aaya naman kasi so I used to have someone to date before. Sadly, this year, single ako. Wala ring nanliligaw because things are complicated and Mum made things a bit more difficult for me.

Nine in the morning when I woke up. I checked my messages kung may mag-aaya ba sa 'king makipag-date, yet wala na ngang date offer, puro pa spam kung gusto ko bang kumita ng dollars sa NFT.

I checked my IG, and fuck the universe kasi puro mga mag-jowang may kahalikan at may flowers ang umuulan sa feeds ko.

"Magbe-break din kayong lahat!" Then I threw my phone on my bed and got up.

I could feel the isolation inside my parents' mansion kasi super tahimik. Pagbaba ko sa dining area, nakasalubong ko agad si Ate Becca.

"Si Mum?"

"May date daw sila ni Sir Ric sa Pampanga. Sa 16 na raw sila uuwi."

I threw a dagger look at Ate Becca upon hearing that. "Tapos hindi ako isinama?"

"Ma'am Sab, baka raw kasi may date ka ngayon kaya hindi ka na ginising."

"Paano ako magkaka-date, e wala nga akong boyfriend! My gosh!" I was throwing a tantrum when I sat on the center chair na laging upuan ni Daddy. "Ano'ng breakfast?"

"Gulay ba kayo ngayon, ma'am, o mag—"

"Pahinging bacon saka cheese. Saka apple. Saka egg sandwich din pala ni Manang Sabel."

"Sure ba, ma'am?"

"Oo nga."

"Ang dami n'on, ma'am."

"Stress eating ako ngayon kasi wala akong jowa."

Ate Becca shrugged at that and went to the kitchen.

Ang tahimik talaga. Kahit gusto kong magbabad online, ayoko kasi puro lang mga nang-iinggit ang mga makikita ko sa feeds.

Wala bang manliligaw sa 'kin kahit today lang? Ang boring naman ng buhay ko.

"May iniwan bang pera si Mum for me?" tanong ko kay Ate Becca.

"Wala pong sinabi, ma'am."

"Puwede ba kayong mag-withdraw?"

"Puwede naman po, ma'am, pero ipapaalam po muna namin kay Madame."

That was another cause of my glare kasi lahat na lang, kailangang ipaalam kay Mum.

"Ate Becca, pakuha nga ng laptop ko sa kuwarto," utos ko.

"Sige, ma'am, saglit."

For sure naman, may sariling pera pa rin ako. All I have to do is to transfer all of my money sa ibang account para makapag-withdraw nang hindi na kailangan pang itawag kay Mum.

I tried to check my accounts para sana kahit fifty thousand, may panggala ako today. But I couldn't believe my eyes as I scanned all of my records.

9,765.78

2,943.12

12,229.90

8,549.10

What?

Bakit ito na lang ang laman ng bank accounts ko?

I tried to check all of my previous transactions kasi baka kinuha ni Mum ang laman.

I withdrew more than 800k last year sa ibang bank account. If I'm not mistaken, pinambili ko ng gift 'to for Ivo. Yung shoes niya.

I spent 1.5 million sa vacation namin ni Ivo last summer sa Paris.