ياغايب عن عيوني أما آن الآوان تروي عطش حنيني في غربة الأحزان
و طالت طالت وحدتي و غابت غابت بسمتي..
آه يازماني آه من يأس الأماني آه..
و من ظلم الليالي اشكي همي و همي اشتكالي آه آه آه آه آه ياغايب..
* * * * * * *
الفصل العاشر.
- حبيبتي الدنيا مش بتقف على حد، ولازم تدور وتمشي.
قاطعته بحده وهي محتضنه اخر صوره التقطها مع زوجها رادفة:
- لا بتقف يا أمان، واكبر دليل انها وقفت عندي.. انا حياتي وقفت بموته، عقارب الساعة وقفت عند لحظة ما الموت خطفه من حضني في ثانيه، كل حاجة وقفت حواليها، وبقيت مش شايفة ولا بحس بحد ولا عايزه اشوف غير صورته، وكل يوم بدعي ربنا يقرب البعيد واروحله واعيش معاه في حياة الخلد.
- بعد الشر عنك متقوليش كده.
رمقته بوجع وتمني في نفس ذات الوقت، وقالت:
- شر الموت عمره ما كان شر، الموت في حالتي دي نعمه وأنا مع كل آسف مش طيلاها، هتفيد ايه حياتي وانا عايشة فيها جسد بيتحرك، زي الدمية من غير روح، يا أمان انا حاسة اني ميته، ومفيش حد حاسس بيا.
- ازاي تقولي كده وانتي دكتورة نفسية مفروض بتعالجي مرضى وتنصحيهم يكملوا حياتهم من تاني؟
ردت عليه بحزن ويأس:
- سهل يا أمان جدا تدي النصيحه لغيرك، لكن من الصعب انك تنفذها على نفسك، صدقني انا راضية بحياتي كده، هيفيد بأية اني اسمع كلامكم واظلم نفسي واظلم كمان اللي هتجوزه، لمجرد انكوا ترتاحوا، وانا اللي هعيش في النار، والنهاية هتكون محسومه بأني مش هقدر اكمل معاه.
لأ انا معنديش استعداد اني اقرب من أي راجل، او اديله الحق انه يقرب مني، مستحيل يا أمان، صدقني، قلبي مش ملك ايدي، وتقفل على حب أحمد وعمر ما حد هيشاركه ابدا.
- طب واخرتها اية؟
قالها والدها الذي جاء للتو بعد سماع اخر كلامها، وضع الكوب امامها ونظر بحسره على حالتها وقال:
- ليه عايزة تحرقي قلبي عليكِ يا بنتي؟ ليه مش عايزة تريحيني واطمن عليكِ قبل ما اقابل وجه كريم، انا مش هعيش العمر له معاكِ.
ردت عليه بصوت اشد حزن منه مسائلة:
- وانت ليه مش عايز تحس بالنار اللي جوه في قلبي؟
ليه كل شوية بتحط بنزين عليه عشان تزيد وتزيد لحد ما انا مش قادرة اتحمل أكتر من كده؟ ارجوك يا بابا اقفل موضوع جوازي ده نهائي لأني مش هقدر انفذه، مش هقدر انساه انا وعدته اني عمري ما هنساه، ومستحيل اخون وعدي.
- محدش قالك انسيه يا آلاء، خليكِ فاكراه، من أمتى الانسان بينسى عزيز عليه مات، بيفضل فاكره طول حياته وبيتحول لذكرى يفتكرها، بس بيكمل برضو حياته وبتستمر.
نهضت بفزع كمن اصابها لدغة عقرب سام، وقالت منهيه حديثها، ولاول مره تكون بهذه الحده هاتفه:
أنت تقرأ
الغزال الباكي
Lãng mạnكنت لي بمثابة الحياة.. آرى العالم من حولي من خلال نافذة عيناگ... احببتگ بكل نبضة ينبض بها فؤادي.. كنت لي بمثابة الحياة، فنيت روحي من اجلگ، وتحملت من أجل البقاء بجوارگ الكثير والكثير... لكن حين يتعلق الأمر بكرامتي وعزة نفسي .. فـ يلهگ كل من حولي حت...
