الغزال الباكي

الفصل السادس

الفصل السادس

التقينا وجمعتنا اقدارنا بدون موعد.. فكان لقاءنا أجمل صدفة غيرت مسيرة حياتي..
               * * * * * *

حين طال صمته ظنت "آلاء" بأن شبكة الاتصال ضعيفة؛ فنظرت لشاشة هاتفها وجدته مازال على الخط، فقالت متسائلة:

- أمان أنت لسه معايا، ولا مش سامعني ؟
- معاكي يا لولو، ومتقلقيش ابدا هعمل كل اللي في وسعي اطمني، هبلغهم اول ما توصل تدخل فورًا.
- كلي ثقه في مهارتگ وقدراتگ يادكتره.

انهى حديثة وظل متعجبًا لروحه التي ترفرف عندما يستمع لشيء يخصها، امسگ ملفها واعاد قراءته للمره التي لا يعلم كم عددها وأعلن حالة الترقب لرؤيتها، ونسج في خياله الكثير من وصف ملامحها، وللعجب كان خياله دائمًا يصورها له بأنها حورية من حوريات الجنة، انتعش قلبه بفرحه، واغمض مقلتيه لما وصل له من وصف، استفاق على لمسه أبنه "فادي" قائلا له بعتاب:

- بابي من ساعة ما جينا هنا، وانا بلعب لوحدي طول الوقت، هو ليه معنديش اخ او اخت العب معاهم زي باقي اصحابي؟

حدقه في اندهاش وتعجب لما قاله، ظل صامت لحظات وتخيل لو ان الله يرزقه بطفل اخر وتستقر حياته، تبتسم لمجرد الفكره التي جاءت في ذهنه، قطع هذا الصمت ابنه هاتفًا:

- طب انا عايز اقعد مع ناناه ولولو.
- عايز تقعد مع ناناه ولولو وتسيب بابي يقعد لوحده؟
- ما هو بابي سايبني لوحدي وبيشتغل على طول.

قال كلامه وعلامه العبوس مرسومه على صفحه وجهه، احتضنه بحنان رادفًا:

- خلاص بلاش تتقمص كده، بكره هوديگ عند لولو وانا رايح الشغل، تعالى نحضر سوا شنطة هدومگ.

تهلل اسارير وجهه ونهض معه بسعادة، بينما حزن "أمان" على حالة ولده وفقدانه لحنان الأم من وفاتها، وهو يعيش معه ومع والدته، كم تمنى ان تستقر حياته ويحيا مع زوجه واولاد، لكنه حتى الآن لم يجد من تخطفه منذ الوهله الأولى..
* * * * * * * * * * * * * * * * * *

تعد "غزال" وجبه لاطعام صغيرها، وبجانبها زوجة أخيها تغسل الأواني والحديث بينهما لا ينقطع، وإذا يسمعان صوت "سند" موجهًا حديثة لزوجته قائلا في حنو:

- يا سمية، ممكن يا روحي بعد اذنگ لو ايديگ فاضيه تكوي ليا البنطلون الأسود، لو سمحت.

غسلت يداها وردت بحب:

- حاضر يا حبيبي عيوني، ثواني جاية، افرد انت بس ترايزة المكوى.

اقتربت منها "غزال" وقالت لها بهدوء:

- سيبي المواعين أنا هكملها حبيبتي، وخدي اكل شادي معاكي اديه لماما تأكله عقبال ما اخلصهم.
- مش عايزة اتعبگ.
- متقوليش كده، كتر خيرگ يا سمية على كل اللي بتعمليه، مفيش تعب ولا حاجة.