[.....]
មួយសប្ដាហ៍ក្រោយ...
ក្នុងកំឡុងពេលមួយសប្ដាហ៍នេះដែល ជុងយ៉ុន មិននៅផ្ទះ លោកស្រីចាងតែងតែមកលេងចៅប្រុសរបស់គាត់ជានិច្ចពេលដឹងថាចៅប្រុសអាចមកស្នាក់នៅក្នុងផ្ទះវិញ ក្រោយទទួលការវះកាត់យ៉ាងជោគជ័យរួច ។ ហើយថ្ងៃនេះក៏ដូចគ្នា គឺគាត់មកលេងនឹងមានរបស់របរផ្ញើរចៅប្រុសជានិច្ច
" ជីហ៊ូន ! យូ ជីហ៊ូន លោកយាយមកដល់ហើយ "
គ្រាន់តែលឺសម្លេង ជីហ៊ូន រហ័សដើរយ៉ាងត្របាញ់មកកាន់លោកយាយជាទីស្រលាញ់របស់គេ ។ ក្មេងតូចនេះពិតជាមានក្ដីសុខធំមែនទែន ក្រោយពីការមានលោកប៉ា ហើយនៅមានលោកយាយទៀត ដែលពីមុនមករូបគេមិនដែលគិតសោះថានឹងទទួលបានរឿងអស់នេះ ។
" លោកយាយ "
សម្លេងតូចស្រួយនឹងរាងកាយបោះចូលការឱបទៅកាន់លោកយាយពេញដោយក្ដីស្រលាញ់ ។
" អ្ហា អ្ហា... អ្នកណា អ្នកណាឲ្យ ជីហ៊ូន របស់លោកយាយរត់? លោកយាយហាមណាចៅ ហាមរត់បែបនេះមករកលោកយាយទៀត ព្រោះចៅមិនទាន់ជាល្អទេ "
" បាទលោកយាយ ចៅដឹងហើយ "
ញញឹម*ស្រ្តីចំណាស់លើកចៅប្រុសពរឡើងក្នុងដៃ ដើរសម្ដៅទៅកាន់សាឡុងធំទើបអង្គុយចុះ ។
" លោកយាយ ពេលណាលោកប៉ាមកវិញ? នឹកលោកប៉ាណាស់ ចៅមិនទាន់បានឱបលោកប៉ានៅឡើយទេ "
" លោកប៉ានឹងមកទីនេះ ពេលលោកប៉ាចប់ការងារ "
ភ្លាមនោះ ណាយ៉ុន បានដើចូលមកដោយភ្ជាប់ជាមួយទឹកមួយកែវជូនដល់លោកស្រីចាង ។ នាងក៏មិនយល់ថាហេតុអីបានជាក្មេងប្រុសនេះស្រលាញ់ ជុងយ៉ុន ខ្លាំងថ្នាក់នឹង? នាងកង្វល់ថា ចុះបើថ្ងៃក្រោយគេដឹងថាមនុស្សដែលគេហៅថាលោកប៉ាពេញពេញមាត់នេះ គ្រាន់តែជាលោកប៉ាជំនួស តើគេនឹងគិតយ៉ាងណា?
" ជំរាបសួរអ្នកម៉ាក់ ! អញ្ចើញពិសារទឹកសិន "
ហុចទឹកឲ្យទៅកាន់គាត់*" អរគុណហើយកូនស្រី ! ម៉ាក់លឺថា ជុងគី គេមកវិញថ្ងៃនេះ "
" ជុងគី? "
ណាយ៉ុន រៀងភាំងបន្តិច ក្រោយបានលឺការហៅបែបនេះចេញពីមាត់របស់លោកស្រីចាង ហើយនេះក៏ជាលើកទីមួយដូចគ្នា ដែលនាងបានលឺគាត់ហៅ ជុងយ៉ុន បែបនេះ ។
YOU ARE READING
ភរិយាកំណាន់
Romanceតើ ណាយ៉ុន នឹងមានអារម្មណ៍បែបណា ពេលនាងដឹងថាបុរសដែលនាងគោរពស្រលាញ់អស់ពីចិត្ត ជាបុរសដែលបានបំផ្លាញជីវិតនាងដូចគ្នា? ⚠️ ប្រុងប្រយ័ត្ន ខ្លឹមសារផ្លូវភេទ 🔞