حكاية براءة بقلم رندا رمضان

الفصل الاول

حينَ تشتهي حديثًا فاخرًا. حُلمًا طاهرًا شعورًا مُبتهجًا.
أملًا واسعًا تحدّث عن الجنّــة. 💜
اقرأ عن الجنّـة ، املأ تفاصيلك بها . . . !!!
صلوا ع خير الانام 🤍

وكأنك نجم سطع ف سماء ليلي فانارها ✨

.......

كانت تقف في شرفه غرفتها تفكر كيف كانت تترجي والدها حتي ينقذ والدتها
هي بترجي: يابابا بالله عليك ماما تعبانه اوي تعالي نوديها المستشفي او هات الدكتور

الاب بقسوة : مستشفي ايه ودكتور ايه وانا ناقص مصاريف وقرف. بقولك ايه اتصلي علي جدك ولا خالتك خليهم يجوا ياخدوها انا مش ناقص صداع

براءه: جدو ايه يابابا اللي في بلد تانيه وبعدين هي مسؤله منك انت مش من جدو وبعدين ليه اتصل وانت موجود

ممدوح بعنف وهو يجذبها من زراعها بقسوه: بقولك ايه حلي عني انا طالع علي القهوه
لم تفق من شرودها و تشعر بتلك الدموع المهاجره من محاجر عينيها الا علي صوت خالتها

الحاجه صفيه :براءه واقفه كده ليه ياحبيبتي الدنيا برد

براءه: مفيش ياخالتو انا بس كنت حاسه بملل قولت اقف في البلكونه شويه

صفيه: طيب يا حبيبتي ادخلي من البرد الوقت اتاخر وانتي وراكي شغل بكره

براءه: حاضر يا خالتو تصبحي علي خير
خرجت الحاجه صفيه وتركت براءه لشرودها مره اخري حتي غلبها النوم

.......

يا حلو صبح يا حلو تطل
ياحلو صبح نهارنا فل

هكذا كان يردف المذياع في احدي المقهي
حيث كانت براءه تدلف للمكتبه التي تعمل بها

براءه : السلام عليكم يا فرحه اخبارك ايه ?
فرحه : وعليكم السلام ورحمه الله وبركاته.
الحمدلله ازيك انتي

براءه: الحمد لله في زحام من النعم 💙
ها يا ستي هتيجي معايا عند ست عفاف النهارده ولا اروح لوحدي

فرحه: معلش يا بيرو روحي انتي وانا هبقا اروحلها بكره اطمن عليها عشان رايحه مشوار مع ماما

براءه وهي تركز في وجهها وتنظر لها نظرات خبيثه
: مشاويرك كترت اوي الايام دي هو في ايه

فرحه بتوتر: هيكون في ايه يعني ،

بت انتي هاتي من الاخر بدل ما اعرف بطريقتي هكذا اردفت براءه بجديه لكي تعترف الاخري

فرحه بتوتر زائد: بصراحه كده رايحه عند خالو ممدوح عشان تعبان شويه

براءه بعد ما تغير ملامحها للالم ثم تبدلت ف ثانيه الي اللامبالاه : اه الف سلامه عليه
هروح اجيب شويه حاجات ناقصه من المخزن واجي. قالت هذه الكلمات وهي تعطي فرحه ظهرها. تداري الدامعه الفاره من عينيها
وتحدث نفسها : ربنا يسامحك يابابا انت اللي وصلتنا لكده.