حكاية براءة بقلم رندا رمضان

الفصل السابع

الشيخ الشعراوي قال جمله عظيمه
"لا تحزن عندما يهجرك او يتغير عليك البعض ربما هي دعواتك ذات ليله"
واصرف عني شر ما قضيت 🍁🍂🥀

*********
كانت تجلس مع خطيبها في صاله منزلهم. وهو ينظر لها تلك النظره التي تبغضها بشده وتشعرها كم هي مخطئه في حق نفسها ليرتفع صوت رنين هاتفها لتمسكه وتنظر له ثم تكتم صوته وتتركه علي الطاوله امامها
معتز ببرود: - مين اللي بيرن عليكي ومش بتردي ليه

هاجر بحنق وتأفأف من تشككه بكل شئ تفعله :- دي حياه صاحبتي هبقا اكلمها بعدين

ليسألها بجمود :- ماتردي عليها ولا خايفه تقول حاجه كده ولا كده معرفهاش

لتنظر له بضيق وهي تقول : - لا مش خايفه وبعدين هخاف من ايه يعني. انا مش بعمل حاجه اخاف منها ليقاطعها ارتفاع رنين هاتفها مره اخري لتسب حياه في سره: - منك لله يا بعيده اهو هيعملي حوار اشوف فيك يوم يا حياه يا بنت نرجس

ليخطف الهاتف سريعا وهو ينظر للرقم والاسم ويفتح الخط ولم يتكلم

حياه. باندفاع: -ايه حجه هاجر ساعه عشان تردي عليا

ليجيبها معتز بسماجه :- معلش اصلي مش الحجه هاجر معتز خطيبها ينفع

لتحمحم حياه وهي تقول بخجل: - احم انا اسفه جدا بس هو انا ممكن اكلم هاجر ولا هي مش موجوده جانبك

كانت حياه علي وشك الاعتذار واغلاق المكالمه وثم تعاود الاتصال بها في وقت اخر

معتز: - لا موجوده بس قاعده مع خطيبها مش فاضيه لرت الحريم

حياه بذهول من وقاحته: - رت حريم انت بني ادم مش محترم وقليل الزوق انا دلوقت بس عرفت البت يا حبه عين امها مش طيقاك ليه ماهي ليها حق والله اصلها مخطوبه لتور لتدرك ذله لسانها وتغلق الاتصال في وجهه

لينصدم هو من حديثها ويحرك نظره بين الهاتف و تلك التي تتابع الحديث ودقات قلبها تقرع كالطبول من شده الخوف ليهمس لنفسه. مش محترم وقليل الزوق وتور لا وكمان مش طيقاني والله لاربيكي من اول وجديد يا هاجر. بس صبرك عليا

هاجر محدثه نفسها :- هو هيتحول ولا ايه وهو شكله عامل زي هولاكو كده ربنا يستر

ثم تردف محدثه اياه: - مالك يا معتز وشك قلب كده هي حياه قالتلك حاجه اصل

ليقاطعها هو بتساؤل وعيونه تقدح شرار ويضغط ع الهاتف بشده: - هو انتي بتقولي لصاحبك ايه عني

لتزدرد ريقها فقد تيقنت من ظنها وان حياه قالت ما لم تستطع هي قوله : - هقول ايه يعني هما عارفين انك ابن عمي وخطيبي وبعدين احنا اصلا مش بنجيب سيرتك

لنظر لها شرزا وهو يقول بامر: - وماهو اضح انكم مش بتجيبوا سيرتي حياه دي تقطعي علاقتك بيها يا اما اقسم بالله هتشوفي اللي عمرك ماشوفتيه مني
فاهمه قال اخر كلمه بصوت منفعل