حكاية براءة بقلم رندا رمضان

الفصل السادس

الشيخ الشعراوي قال
بين كل خير و خير مسافه مرهقه
تسمى الابتلاء مليئه بالأجر
لمن يصبر ويحتسب
فقل الحمد لله 💙🌱🥀

*************

وقف خارج الغرفه يحدق في بابها وقلبه يعصف به الالم علي مظهرها فهو لاول مره يراها هكذا دائما ما كانت مرحه او خجله او لا مباليه ينتظر خروج الطبيب الذي احضره منذ قليل معه عفاف التي لم تكف عن البكاء. والدعاء من وقت ما حضر فهو حتي الان لم يعرف ما حدث لها وكل ما يعرفه ان قلبه يؤلمه بشده عليها ولكنه انتبه لخروج الطبيب
مردفا بسرعه وقلق واضح علي محياه: - ها يا دكتور براءه مالها

ليجيبه الطبيب بعمليه بحته وهو يكتب بعض الكلمات في دفتره : - الانسه اتعرضت لضغط عصبي عملها انهيار انا اديتها حقنه مهدئها هتفضل نايمه شويه واتمني تبعدوا عنها اي حاجه ممكن تضايقها

تمام يا دكتور شكرا لحضرتك واسفين علي الازعاج هكذا اردف عمر وهو يشير للطبيب علي باب الخروج وياخذ منه الورقه التي دون بها بعض انواع العلاج

ليؤمي له الطبيب ويتحدث بهدوء;- ولا يهمك يا بشمهندس رقمي معاك ولو في اي حاجه ابقي كلمني

اغلق الباب خلف الطبيب بعد ان قام بتوصيله وهو يسرع من خطواته يلحق عفاف لغرفه براءه :- ممكن افهم بقا في ايه وايه اللي حصل قال هذا وهو يشير باصبعه اتجاه براءه الغافيه بصوت ظهر فيه الانفعال حاول مدارته بينما قلبه يئن من الالم عليها

************

يا حبيبتي قولتلك عندي قضيه مهمه ولازم اسافر مش هتاخر والله
هكذا اردف ادم وهو يتحدث بالهاتف ثم صمت قليلا ليستمع للرد

منه ببكاء : - انت مش وعدتني انك مش هسيبني لوحدي

ادام بحنان: -والله ما اقدر اسيبك يا قلبي وبعدين هما يومين بس ومش هتاخر

منه من بين شهقاتها: - خلاص تكلمني فيديو كول كل شويه تطمني عليك

ليرد عليها بمرح وبعض التدليل: -يابنتي خلاص بقا بطلي عياط غرقتي الاوضه وقوليلي عايزه ايه اجيبهولك معايا غير الشيكولاته طبعا

منه بعد ان هدأت وهي تتصنع التفكير: - امممم عايزه روايات هبعتلك اسمهم في مسدج

تمام ياقلبي هستني رسالتك ليغلق الهاتف ويضعه امامه وهو يكمل عمله ليقاطعه صوت رساله ليفتحه وينظر لمحتواها بصدمه
البت دي بتحضر عفاريت ولا ايه دي اكيد مش روايات منك لله يامنه انتي ورواياتك شكلنا هنتلبس بسببك

********

كانت صفيه تجلس علي طاوله الطعام وامامها بعض انواع الخضروات تقوم بتقطيعها
لتسمع صوت طرقات متتاليه علي الباب وكانها معزوفه لتهمس صفيه لنفسها : - اكيد مفيش غيرها براءه اللي كل شويه تنسي مفتاحها في حته شكل لتكمل بصوت مرتفع جايه اهو يا اخره صبري اما اشوف اخرتها معاكي