حكاية براءة بقلم رندا رمضان

الفصل قبل الاخير

الفصل السابع والعشرين "قبل الاخير "
من رواية "حكاية براءة"

Randa Ramdan

- ‏لا يبكي المرء من شدة الحزن، بل من عدم قدرته على الإنهيار، يبكي من قسوة ثباته.

- دوستويفسكي

قال بعض العارفين: إذا قيل لك: "هل تخاف الله؟" فاسكت

لأنك إن قلت: لا؛ فقد كفرت، وإن قلت: نعم؛ فقد كذبت

*********

كانت مستلقيه علي فراشها تعبث بهاتفها بملل ليهتز بيدها يجعلها تنتفض لعنه خوفها بصوت مرتفع وهي تزفر بهدوء عده مرات لتمسك بهاتفها مره اخري وكادت ان تجيب لكنها استمع لحديث الطرف الآخر الأمر : - بت يا منه الصبح بدري الاقيكي قدامي سمعتي بدل وربي ما هنكد عليكي واقول لاخوكي انك بتحبي الواد عبدالله وهسيحلك

نفخت منه وجنتيها بغيظ وهي تتأفف :- هو انا كنت فتحت بوقي يا ست انتي ولا اعتراضت دانا حتي ما قولتش الو. وبعدين انتي هتذليني كل شويه انا اصلا غلطانه اني حكيت قدامك انا هروح اقول لادم بنفسي ولا ذل النفس ده ده

عفاف من الجهه الاخري: - انتي بتزعقيلي يا بتاعت عبدالله انتي طاب وربي لاوريكي قال ذل نفس قال  وبرضه الصبح هلاقيكي عندي عشان نجهز لفرح براءه وفرحك يا موكوسه

ابعدت منه الهاتف عن اذنها وهي تنظر له بذهول تتاكد ان من تحدثها عفاف وتحاول تجميع كلماتها ليظهر علي وجهها الغباء لتعيد الهاتف مره اخري وهي تتمتم: - ام ذل النفس يا شيخه ثم ان فرح براءه وفهمناها ماهي كلمتني العصر وقالتلي انما فرحي انا ازاي يعني

عفاف بمكر: - يوه يقطعني هو انا قولتلك اخس عليا مش كنت استني ادم يقولك لا اخس عليكي يا فيفي يلا معلش يا ضنايا هيجوزوكي وانتي مش دريانا

منه بضيق: - في ايه يا فيفي ما تقولي بقا

عفاف بإبتسامه : - اصل الواد عبد الله ابن صفيه عارفاه، اللي بيحبك من زمان ده ومتدهول علي عينه، ايه اللي عارفاه اكيد عارفاه طبعا راح لادم اخوكي النهارده وطلب ايدك منه وقاله لو انتي وافقتي هيعمل فرحكم مع براءه وعمر بس الواد عمر البراوي ده قاله لاءه ، اه والله زمبقولك كده صرخ بعلو صوته وقال لاااااااا كله الا فرحي وانه يعمل الفرح مع ادم والبت السهتانه هاجر عشان انتي اخته فعبدالله زعقله كده وهو بيشوح وقاله ما براءه اختي انا كمان  ومسكوا بقا سكاكين علي بعض وكانت هتبقي مصيبه بس ايه بقا الواد ادم حارسه وصاينه صرخ فيهم ومسكهم من قفاهم وقالهم انتو بتعملوا ايه مش لما منه توافق الاول فبصوا لبعض باقتناع كدهون وسكتو وبس كده والمفروض ادم هيقولك النهارده بقا. بس انا سبقته ، المهم بقا انا هقفل وانتي تعالي بكره واسيبك بقا عشان لما ادم يجي تتفاجئي يلا سلامو عليكم يا حبيبتي. ومتنسيش تحكي لفيفي حبيبتي ادم قالك ايه