روايه بنت الجيران

الحلقه السادسه ......( غيره سوسكا )

الحلقه السادسه ......( غيره سوسكا ) <3
ف الحلقات السابقه :__
..........................
نور : تسلم ايدك ياسيد المعلمين ... والبت دى مابتساعدكش ليه ؟
مصطفى : كانت بتساعدنى بس القرود اللى احنا مربيينهم جم ونكدوا علينا
نور : ههههههههههههه معلش معلش
مى : عنك يا ابيه الاطباق .. روح انت اقعد واحنا هنكمل
مصطفى : ابيه مين يا عنيا .. ايه طقم الحنيه ده مش متطمنلكوا
مى : ههههههههههههههه لا انت ابيه ونص بقا ..
مصطفى : وراكوا ايه .. عاوزين ايه ؟
..........................(الحلقه السادسه ) <3
نور : ولا حاجه يا حبيبى احنا بس عاوزين نخرج معاكوا النهارده اصل سمعت سمع خير انكوا خارجين النهارده هتتعشوا بره
مصطفى : طبعا يا روحى انتى وهى هو احنا نقدر نروح ولا نيجى من غيركوا .. منا متجوزكوا انتوا التلاته ...
نور : هيييه هييييييه هنخرج هنخرج
مصطفى : ده لما تقفى على شعرك انتى وهى .. مش ناقص وجع دماغ انا .. وبعدين انتوا قبل المغرب هتقوموا تروحوا عشان جايلنا ضيوف انا وسوسكا
اسماء : اه مش فاضيين النهارده
نور : ليه مين اللى جايلكوا ؟
اسماء : جيراننا جايين يتعرفوا علينا
نور : اها بتوززعونا يعنى
اسماء : لا والله ده بجد
نور : ماشى خلاص . احنا مش هنطول عندكوا اصلا . يدوب هنقعد معاكوا ال 5 ساعات دول بس لغايه المغرب وبعدين نروح بقا عشان ورانا مذاكره
مصطفى : يلا ورايا ع السفره انا جعان
.......................................
(بعد المغرب )
مصطفى : اهلا يا جماعه اهلا بيكوا اتفضلوا .. الاستاذ محمود بردو مش كده ؟
محمود : ازيك يا استاذ مصطفى منورين المنطقه ..
شيماء : ازي حضرتك يا استاذ مصطفى ؟
مصطفى : استاذ ايه يا جماعه بقا احنا جيران .. نشيل الالقاب بقا
محمود : هههههههههه ماشى يا درش
مصطفى : اتفضلوا يا جماعه اتفضلوا
.....................
مصطفى : اسماااااااااااء ! تعالى
اسماء : مساء الخير عليكوا
شيماء : اهلا يا سمسمه مساء النور .. ايه الجمال ده كله .. اتارى بقول الحته كلها نورت ليه
اسماء : اهلا بيك يا شيماء دى منوره بوجودكوا وبنور الاستاذ محمود
مصطفى : المهم هتتعشوا معانا النهارده بقي
محمود : هههههههههههه قلبك ابيض احنا لسا متغديين والله من شويه وجايين
مصطفى : لا انتوا بتهزروا بقا ... اى حاجه عشان يبقى عيش وملح
محمود : لا ده واجب علينا احنا . وان شاء الله معزومين عندنا السبت الجاى عشان بيكون اجازتى
مصطفى : وانت حضرتك بتشتغل ايه ؟
محمود : انا نائب رئيس مجلس اداره شركه الفاتح للكومبيوتر ...
مصطفى : ماشاء الله ... ربنا يبارك
محمود : وانت بتشتغل ايه ؟
مصطفى : انا مدير ف ال HR ف شركه منسوجات
محمود : ماشاء الله ...
مصطفى : وانتى يا شيماء بتشتغلى ولا محمود بيه مقعدك ف البيت ؟
شيماء : هههههههههههههه قوله اهو مش عاوزنى اشتغل .مع اننا متجوزين من 3 سنين . لسا ربنا ما أرادش بالاولاد انا خريجه تجاره انجليش بتقدير جيد جدا وكان نفسي اشتغل بعد ما اتخرجت ...
مصطفى : اسماء بتشتغل بردو ف شركه مبيعات . يعنى استيراد وتوزيع
وبتشتغل كمراقبه ع المبيعات .. واتعرفت عليها ف الشغل واتجوزنا ههههههههههه
شيماء : ماشاء الله هههههههههههههههههههه ربنا يخليكوا لبعض
...............................
(بعد ساعه )
محمود : طب نستأذن احنا بقي
مصطفى : ليه يا جماعه انتوا قاعدين شويه
محمود : معلش عشان تاخدوا راحتكوا بقي وعشان احنا ورانا مشوار مهم احنا كمان
مصطفى : خلاص اللى انتوا شايفينه .. بس اكيد الزياره دى هتتكرر عندنا او عندكوا
محمود : اكيد ان شا ءا الله .. والمهم انتوا معزومين على الغدا يوم السبت بقي ماتنسوش
مصطفى : اكيد لا مش هننسي .. ان شاء الله يا استاذنا
محمود : مع السلامه
شيماء : مع السلامه
..................................
اسماء : مصطفى !
مصطفى : ايه يا حبيبى
اسماء : شوفلنا شقه تانيه
مصطفى : ليه طيب يا حبيبتى
اسماء : اسمع كلامى وشوفلنا شقه تانيه
مصطفى : ده اسمه كلام ده ؟؟ ليه يا روحى بس
اسماء : الزفته دى مانزلتش عينيها من عليك وكنت انت لما تتحرك هنا ولا هنا ولا تبص ناحيه جوزها كانت بتبصلك .. انا متابعاها
مصطفى : ههههههههههههههههههه هو ده اللى مزعلك ؟
اسماء : وهو ده ما يزعلش ؟ انا خايفه عليك منها
مصطفى : شوفى يا اسماء
انا ربنا رزقنى بست البنات كلهم ومستكفى بيها عن العالم ده كله ومش عاوز حد تانى .. ياشيخه اقسم بالله استحاله هبص لاى واحده غيرك ... فهمتى ؟
اسماء : انا بقول كده لان انا اللى هتغاظ لما الاقي نظرات واحده زى دى ليك كده ,,, اعمل ايه بقي انا ساعتها ؟
مصطفى : ولا حاجه .. تحطى ايدك على قلبك كده وتاخدى نفس طوووووووويل وتفكرى ف مصطفى يبقي مين ؟ اشطا ؟ تعالى نخرج نتمشى بقي شويه ع البحر
....................................
( ع الكورنيش )
مصطفى : شايفه البحر حلو النهارده ازاى يا سوسكا
اسماء : لا ده انا شايفه قله ادب وسفاله بتحصل دلوقتى
مصطفى : مالك يابت ؟
اسماء : استنى ياخويا اما اشوف الحلوه الدلوعه اللى قاعده قصادنا دى و شايفه نفسها وعماله تضحكلك دى
..........................
مصطفى : احنا متأسفين يا جماعه اوى ع اللى حصل . بعتذر . محصلش حاجه
...............................
مصطفى : هههههههههههههههههههههه
اسماء : بتضحك على ايه انت كمان ؟
مصطفى : هههههههههههههههههههههههههههههههههه همووووووووووووووت
اسماء : مصطفى ! ماتعصبنيش انت كمان
مصطفى : ههههههههههههههه ايه هتضربينى ؟
اسماء : انت حسابك معايا ف البيت مش هنا
مصطفى : ههههههههههههه يا خرابى . ليه ناويه على ايه ؟
اسماء : لا لما نروح بقا هتعرف بنفسك
مصطفى : طب انا عملت ايه طيب
اسماء : ياعينى ع البراءه . عامل فيها برئ ... ماهى البت قاعده قصادنا من بدرى وعماله تبصلك ... عاوز تقنعنى انك ماشوفتهاش ؟
مصطفى : وحياه سوسكا ماشوفتها خالص
اسماء : طيب هصدقك
مصطفى : نعم ياروح امك ؟ انا قولتلك وحياه سوسكا . يعنى تصدقى غصب عنك
اسماء : احبك وانت حمش كده
مصطفى : انا اه حنين وبطبطب عليك ومافيش ف الدنيا دى اغلى عندى منك بس ماتختبريش صبرى ... ممكن اديك ف وشك عادى
اسماء : طب هات بوسه
مصطفى : اتلمى وحياه امك احنا ف الشارع
اسماء : هههههههههههههههههههه طب وربنا نسيت اصل لما بكون معاك كده وببصلك بنسى الناس كلها اصلا وبعدين الزفته عماله تبصلك وتغمز وتعمل حركات سهوكه بعينيها ... دى قله ادب . انا مش عارفه هلاحق على مين ولا على مين هههههههههههههه
مصطفى : وبعدين على فكره انا عارف انك كنتى بتطلعى غلك ف البت دى
اسماء : اه
مصطفى : يعنى كنتى مخنوقه وعاوزه حد تفشي فيه غلك عشان ماتطقيش..... من ساعه موضوع جارتنا ده وانتى مش مظبوطه ههههههههههههههه
اسماء : هههههههههههههههههه وعرفت منين ؟
مصطفى : ياسوسكا انتى بنتى .. ان ماكنش الواحد يحس ببنته هيحس بمين يعنى هههههههههههههه
اسماء : ماشى يا بابا
مصطفى : هاتى انتى بوسه
اسماء : ههههههههههههههههههه والشارع
مصطفى : احم . اه صح نسيت ههههههههههههه لا احنا بعد كده لما نيجى نخرج مانطولش بره البيت اكتر من ساعه ... بقولك ايه ماتيجى نرخم ع الواد حسن ومراته ساره ونطب عليهم دلوقتى
اسماء : اه والله فكره حلوه .عاوزه اتصاحب على ساره اوى .. بس هيكونوا موجودين يعنى ؟
مصطفى : يعنى هيكونوا فين ... ممكن الواد حسن يكون ع القهوه
اسماء : اه القهوه اللى انت بتقعد فيها
مصطفى : اه بس دا كافيه مش قهوه . يعنى عادى ممكن تيجى معانا فيه
استنى هرن على حسن اشوفه فين
مصطفى : الو ! ايوه ياد انت فين ؟
حسن : الو ! ايوه يا عمنا . انا ف البيت ونازل اهو
مصطفى : نازل انت ومراتك ولا لوحدك
حسن : لا لوحدى ... ساره مالهاش نفس تنزل
مصطفى : طب انا عزمت نفسى انا واسماء عندكوا وربع ساعه هكون عندك ههههههههههههههه واتمنى انى اكون مبسوط عندكو انا ومراتى
حسن : بتتكلم جد ؟
مصطفى : اه . فيه اكل يابنى ولا هتفضحنا واجيب من بره وانا جاى ؟
حسن : تعالى بس مالكش دعوه
...................
حسن : ساره قومى البسي
ساره ماليش مزاج يا حسن انزل انت
حسن : ههههههههههههههه لا دول جماعه اصحابى عزموا نفسهم عندى وزمانهم جايين
ساره : نعععععم ؟ مين قللات الذوق دول . طب مش قايمه بقا . المفروض الواحد يكون حساس على دمه ومايجيش ف اى وقت كده
حسن : ههههههههههههههههههههه
ساره : بتضحك على ايه انا مش بهزر على فكره . واقولك على حاجه .. قابلهم انت انا هدخل اوضتى وقولهم نايمه
حسن : ههههههههههههههههه بطلى رخامه
ساره : لا والله مش رخامه . وبعدين ماتعصبنيش بقا بضحكك ده . بتضحك على ايه ؟
حسن : طب خلاص ادخلى انتى نامى وانا هقولهم تعبانه
ساره : هيكون مين يعنى اللى جاى دلوقتى
حسن : مش مهم بقا اهو واحد ....
ساره : احسن ... هما جايين امتى ؟
حسن : على وصول .. 5 دقايق ويكونوا هنا .... ممكن انا وهما ندخل نعمل عشا
ساره : لا ياخويا مش بحب حد غريب يدخل مطبخى
حسن : ههههههههههههههههههههههههه
ساره : لا اله الا الله .. انت عمال تضحك على ايه ؟
حسن : اصل متخيل شكلك كده لما تكونى نايمه جوه وتسمعى صوت خبط ورزع ف المطبخ وانا والضيف اللى جاى ده والحد اللى معاه بنعمل عشا وتسمعى صوتنا ... اراهنك انك هتقومى
ساره : مش هقوم يا حسن . عشان مابحبش المفاجأت السخيفه دى
حسن : تراهنيني على ايه ؟
ساره : على اللى انت عاوزه . عشان انا متأكده ان انا اللى هكسب
حسن : خلاص اراهنك على بوسه قدامهم
ساره : ماشى موافقه .. طب ولو انا اللى كسبت
حسن : شوفى عاوزه اعملك ايه ؟ مش كان نفسك تروحى شرم الشيخ اسبوع .. لو كسبتى هنروح .
ساره : هههههههههههههههه ماشى موافقه . انا هدخل احضر الشنطه من دلوقتى لان انا اكيد هكسب
حسن : هههههههههههههههه ماشى
............................
حسن : الباب بيخبط الحقى
ساره : استنى اما ادخل وبعدين افتح
حسن : ماشى ... وابقى اسمعى مين اللى عندى
ساره : مش هتفرق ... لان كده كده مش خارجه
حسن : لا لازم تسمعى
ساره : ماشى .. يلا روح افتح وانا هدخل
....................................
حسن : اهلااااااااااااااا اهلاااااااااااااااااا يا مصطفى . اهلااااااااااااااا يا اسماااااااااااااااء
مصطفى : فيه ايه ياد انت .... بتعلى صوتك كده ليه ؟ طبلة ودنى اتخرمت الله يخربيتك
حسن : ادخل ياعم بس وهتعرف ههههههه اهلا يا اسماء اتفضلى
مصطفى : نعرف ايه ؟
حسن : تعالوا بس اقعدوا ... دلوقتى لسا بقول لساره قبل مانتوا تيجوا قومى البسي عشان واحد صاحبى جاى وماقولتلهاش مصطفى ومراته لقيتها عماله تهب فيا وتقولى ايه المواعيد الرخمه وايه صاحبك اللى مواعيده وحشه دى ومش مقابلاهم هههههههههههههههههه
مصطفى : وبعدين ... ماهو انت مش هتتكلم بصوت واطى معايا دلوقتى الا لو كان فيه رهان انك هتخليها تيجى تقابلنا وعاوز تكسب الرهان
اسماء : هههههههههههههههههههههههههه
حسن : ههههههههههههههههه انت كنت معانا يابنى انت ولا ايه
مصطفى : كنت معاكوا ؟ قول قول يا حيلتها اتراهنت على ايه
حسن : اتراهنت على انى ابوسها قدامكوا هههههههههههههه ولو هى اللى كسبت هطلعها رحله شرم الشيخ اللى كانت عاوزه تطلعها بقالها سنه دى
مصطفى : وطبعا عاوز تخلع من الرحله
حسن : امال انا قولتلها كده ليه
مصطفى : طيب .... قومى يا اسماء هاتيها
اسماء : هههههههههههههههههه اقوم اعمل ايه انا
مصطفى : ولا اى حاجه . هتفتحى عليها الباب وتدخلى تبصيلها وتقوليلها يلا عاوزين نتعشى .. وسيبيها وتعالى .. وهما 5 دقايق بالظبط هتلاقوها على سنجه عشره وخارجه هههههههههههههههههه
حسن : هههههههههههههههههههه ياريت .. اوعى تدبسنى يا صاحبى ف الرحله
مصطفى : عيب .. يلا ادخلى يا اسماء
......................
اسماء : بسبسبسبسبسبس
ساره : ايييييييييييييييييييييه ؟ هو انتوا الضيوووووووف
اسماء : ههههههههههههههههه اه قومى يلا عشان شكلك خسرتى الرهان
ساره : هو لحق قالكوا ع الرهان كمان ههههههههههههه اه يا حسن يا جزمه
اسماء : هههههههههههههه مصطفى قالى ادخلى قوليلها يلا عاوزين نتعشى يا ساره وهى هتيجى على طول
ساره : هههههههههههه مصطفى جوزك ده اصلا مصيبه من مصايب الزمن عارف انى هاجى ومش هقدر اتكلم ...... ده مش بعيد يدخل هو يجيبنى من شعرى ههههههههههههه
ماتزعليش يا سوسكا من الكلام ده مصطفى زى اخويا ومتربيين سوا من صغرنا
اسماء : بطلى هبل يابت انتى بقي مش انتى بتقولى انتى عاوزه تعرفينى ونبقى اصحاب
ساره : اه والله يا حبيبتى نفسي اوى
اسماء : طيب يبقى تشيلى التكليف بقا .. انتى اختى وحسن اخويا ومصطفى اخوكوا
ساره : طب المهم هنعمل ايه ف مصيبه الرهان ده .. ده الرهان كان على بوسه قدامكوا
ومصطفى جوزك مش هيسيب الموضوع وهيخليه يبوسنى قدامكوا انا عارفه رخامتهم هما الاتنين
اسماء : هههههههههههههههه اه طبعا ده مصطفى عمال يضحك بره
ساره : طب نعمل ايه ؟
اسماء : هخرج اقولهم انها بتقول مش هتخرج وكفايه ان انا اسماء يعنى قاعده معاها اهى وخلى الرجاله يقعدوا مع بعض .. عشان ماتروحش عليك الرحله
ساره : ههههههههههههههههه فكرك يعنى مصطفى ولا حسن هيصدقوا او هيسكتوا ؟
اسماء : احنا مالناش دعوه بقي . المهم انك مخرجتيش تقابلينا وان انا اللى دخلتلك اهو
ساره : يابنتى لا . جوزك مجنون وممكن يتجنن ولا ييجى يشتمنى ويقولى ماتقومى تقعدى معانا يا حماره ههههههههههههههه هيبقى منظرى زباله
اسماء : ههههههههههههههه لا مصطفى مايعملش كده
ساره : ههههههههههههههههههههههههه وحياتك ماحد ممكن يعمل كده الا مصطفى
اسماء : يبقى الحل ف حاجه .. اننا ناخد مصطفى ف صفنا
ساره : ازاى بقي ؟
اسماء : استنى هبعت لمصطفى رساله
ساره : هتقولى ايه ؟
اسماء : استنى هكتب اهو : ( مصطفى ! ساره بتسلم عليك وهتتجنن وتخرج تسلم عليك بس هى عاوزه تطلع رحله شرم ماتكسرش بخاطرها بقي عشان خاطر سوسكا )
ساره : هههههههههههههههه يخربيت دماغك . جبتى السوس ده كله منين
اسماء : هههههههه من اختى واخت مصطفى .. دول داهيه
ساره : اه نور .. دى نور دى مصيبه كبيره .. شاف الرساله ولا لسا
اسماء : لا لسا
.........................
حسن : ههههههههههههههه المهم البوسه اللى ابوسهالها على خدها ولا جبينها
مصطفى : على الجبين وتاخدها ف حضنك بعد البوسه .. اتلحلح بقا ياض كاتك خيبه على خيبتك ... استنى اما اشوف التليفون اللى عمال يصفر من ساعه ما قعدت ده
(مصطفى بيقرا الرساله وبيبتسم )
حسن : مالك ياعم بتضحك ليه
مصطفى : لا مافيش دى نور اختى باعته بتقولى امى عاوزانى ف موضوع وهروحلها بكره
حسن : ماشى .. هما اتأخروا ليه ؟
مصطفى : انا عارف ياخويا .... شكلك مش مسيطر
حسن : الظاهر اسماء دخلت تنام جنبها ولا ايه ... وشكلها هنعمل العشا انا وانت وخلاص
مصطفى : قوم ياخويا نعمل احنا عشا قوم ... شكلك هتلبس الرحله وهتروح انت وهى شرم ههههههههههههه
حسن : لا ابوس ايدك انا مش عامل حسابى ههههههههههههههههه امال انا بقولك الحقنى ليه
مصطفى : وانت يعنى كان لازم تعملى فيها رفاعه الدسوقى وتقولها رهان ومعرفش ايه ... اشرب بقا اشرب جاتكوا البلاوى مليتوا البلد
حسن : هههههههههههههههههه طب وبعدين
مصطفى : ماتقلقش انا هتصرف ... بس بكره تروح تاخد اجازه م الشغل اسبوع وتيجى
حسن : ياعم اجازه ايه وبتاع ايه بقولك مش عامل حسابى
مصطفى : الله ! وانت مال اهلك انت بقولك اسمع الكلام وانت ساكت
حسن : ياعم فهمنى هتعمل ايه ..
مصطفى : مانت هتعرف دلوقتى هعمل ايه .استنى هبعت رساله لاسماء تجيب مراتك وييجوا
( اسماء ! هاتى ساره وتعالى .. ماتقلقيش يا روحى مش هكسر بخاطرها )
....................
اسماء : ههههههههههههههههههه شوفتى مصطفى باعتلى ايه
ساره : ايوووووووووه يا جدعان ... ابن حتتىيا صاصا يا جامد . طب يلا تعالى نشوف هيقول ايه ؟
مصطفى : اهلا اهلا بالسوسه منوره ياختى
ساره : اهلا يا تيفا منور المكان والله .... مش كنتوا تكحوا طيب تعرفونا انكوا انتوا اللى جايين بدل الواحد ما يمسك ف الرهان جامد كده
مصطفى : يلا يا حسن .. قوم بوس مراتك بما انها هى اللى خرجت اهى وانت اللى كسبت الرهان
حسن : ههههههههههههههه حاضر يا صاحبى ...(بيبوسها على جبينها وبيحضنها )
اسماء بتبص على مصطفى
ومصطفى بيشاورلها وبيقولها : اصبرى
مصطفى : خلاص ياعم انت وهى فيه ايه اما نبقى نمشى ابقوا كملوا
ساره : بس كده ؟ كنتوا عاوزينا عشان كده بس
مصطفى : لا فيه موضوع تانى
ساره : موضوع ايه بقي ؟ ها ايه ؟
مصطفى : بتعرفى تعومى انتى واسماء ف البيسين ولا هتغرقوا وتبهدلونا
ساره : قصدك ايييييييييييييييييييييييه ؟ هههههههههههههههههه
مصطفى : ايوه . تجهزوا شنطكوا بكره عشان احنا هنطلع كلنا على شرم بعد بكره الصبح
اسماء : هههههههههههههههههههه مفاجأه حلوه .. وبعدين عيب تسأل بنات اسكندرانيه على بتعوم ولا لا
حسن : يخربيت دى دماغ يا اخى ههههههههههههه انا هقطع علاقتى بيك ياعم انت
مصطفى : ههههههههههههههه ماتقدرش .. المهم ياساره انتى واسماء هتعشونا بقا ولا اخد الواد حسن ده ونخرج نقعد ع القهوه ولا هيكون فيه شرم ولا غيرها
ساره : ههههههههههههههه خمس دقايق وهيكون قدامكوا احلى وارق عشا لاحلى رجاله ف الدنيا . ورايا يا سوسكا
اسماء : ههههههههههههههه يلا بينا
........................
حسن : ياعم مصطفى
مصطفى : هشششششششش ماتنطقش وبطل خيابه يالا انت اخويا مش صاحبى .انا عامل حسابى ومعايا قرشين كنت شايلهم على جنب لجوازتى .. والحمد لله الجوازه عدت وفاض معايا وزياده وخير ربك كتير . انا ماليش اخوات رجاله وخدتك انت اخ وصاحب .. هو فيه حد هيروح يزور صاحبه ف تالت يوم جوازه يا فقر ههههههههههههههههه
حسن : ماهو عشان كده ساره اتراهنت معايا بقلب جامد لانها استحاله ييجى ف بالها ان مصطفى هيجيب مراته وييجى ..... تسلملى يا درش انت اكتر من اخ واكتر من صاحب يا جدع
..............................
ساره : هههههههههههههه يابختك بمصطفى يا سوسكا
اسماء : ههههههههههههههههههههه فعلا انا محظوظه بيه والله وبشكر ربنا كل دقيقه على النعمه دى ... انتى بردو حسن بيحبك
على فكره يا ساره انا عارفه ان كان فيه مشروع حب وجيره بينك وبين مصطفى ههههههههههههههههه
ساره : هههههههههههههههههههه ايه مين قالك ؟ اوعى يكون مصطفى
اسماء : لا نور اخته هههههههههههه كنا بندردش كده والكلام جاب بعضه وحكتلى عنك
ساره : يابنت المجنونه يا نور هههههههههههههه
اسماء : انا بقولك كده لانى خلاص بعتبرك اختى والله ومافيش حاجه هتزعلنا من بعض بدليل اهو ان حسن هو اقرب صاحب لمصطفى واستحاله هيخسروا بعض
ساره : انا عارفه والله ... مصطفى وحسن رجاله .. انا اللى كنت بحب مصطفى من صغرى حب طفولى .. شوفتى انتى حب الواد الحلو ابن الجيران وكده .... ماكنش فيه قدامى غير مصطفى .... وحبه بدا يكبر جوايا يوم بعد يوم . بس يعلم ربنا ان الحب ده زى ماهو دلوقتى وبيكبر كمان بس كأخ وصاحب جدع وابن حتتى اللى هخاف عليه من الهوا الطاير بردو
اسماء : ههههههههههه اوعى تحرقى الاكل والنبى لاحسن يرجعوا ف كلامهم
ساره : ربنا يستر
اسماء : على فكره ان شاء الله واحنا ف شرم هنحكى كتير عندى حكايات كتير عاوز اقولها لاحسن هطق ههههههههههههههههه واحده جارتنا عينيها من الواد بتاعى ..
ساره : ياساتر يارب هههههههههههه لا مانتى لازم تتعودى على كده خلى بالك . مع مصطفى بالذات ... بس انتى عارفه ايه اللى يطمنك ؟ ان مصطفى محدش بيخطفه ولا واحده تقدر تهزه او تغريه ... تقيل ف نفسه كده يعنى مش اى واحده تبصله مهما كانت حلوه هيتشدلها ... طبعا الكلام مش ليك ههههههههههههههههههه لانه اول ما شافك انتى بس اتجنن عليك
اسماء : ههههههههههههه اه منا عارفه عشان انا بردو كنت زيه كده وطبيت اول ما شوفته
.........................
مصطفى : انتوا يا نسوان ياللى جوه .. ... ايه الرغى ده احنا جوعنا .. بقالكوا 45 يوم بتعملوا عشا ؟ فيه ايه اخلصوا
..............
ساره : هههههههههههههههههههه شوفتى جوزك المجنون .. بقا احنا نسوان
اسماء : هههههههههههه والنبى مصطفى ده هيكون سسبب موتى ف يوم من الايام .. عليه حاجات بيعملها كده بتخلينى اموت على روحى
ساره : طب ما تاخدونى اعيش معاكوا اسبوع وبلاش شرم الشيخ انا راضيه والله ههههههههههههههههه
اسماء : يلا هقوله واستحملى بقي الضحك اللى هتضحكيه هناك
ساره : ههههههههههههههههه وانا موافقه
اسماء : يلا ياستى نخرج يلا بدل ما ييجى يعمل فينا حاجه
ساره : يلا انا خلصت اهو
................................
(بعد يومين )
مصطفى : حمد الله ع السلامه يا جماعه .. احنا وصلنا شرم .. اصحى يا سوسكا انتى وساره اصحى يا مى . اصحى يا نور هو انا جايب عيال اختى معايا ماتصحوا ... انتوا جايين تناموا ؟
................................
*ملحوظه : السناجل ماتقرأش حلقه الجايه منعا للجلطات
((يتبع))