روايه بنت الجيران

الحلقه العاشره ......( ايه الجمال ده )

الحلقه العاشره ......( ايه الجمال ده ) <3
ف الحلقات السابقه :__
..........................
سمر : الله الله الله . انت بتخاف من مراتك ولا ايه ؟
مصطفى : الموضوع مالوش علاقه من خوف من مراتى . اسمها بقدرها . بحترمها . مش شايف غيرها ... مابخبيش عنها حاجه . شوفى . انا كتاب مفتوح قدامها ولازم تكون عارفه عنى كل حاجه
سمر : يابختها بيك .. عارف انت لو جوزى كنت قولتلك بحبك كل ثانيه ......
..........................
(اسماء وساره بيدخلوا عليهم وسمر بتقوله بحبك )
............................. ( الحلقه العاشره ) <3
اسماء : والنبى مانتوا قاطعين كلامكوا . كملوا كملوا ولا كأنى موجوده
مصطفى : اسماء ! ؟ انتى ايه جابك هنا خير فيه حاجه ؟
اسماء : بلا اسماء بلا زفت دلوقتى انت بتعمل ايه ؟
مصطفى : بعمل ايه ف ايه ؟
سمر : انتى مين يا استاذه انتى معانا ف الشركه هنا ولا جايه منين انتى ؟
مصطفى : سمر ! دى مراتى . من فضلك اسكنتى
اسماء : يا عنيا ؟ وكمان بتقولها يا سمر .... انتوا بتعملوا ايه هنا
مصطفى : هكون بعمل ايه انتى جايالى الشغل يا اسماء مش جايالى كافتيريا وشوفتينى قاعد عليها
اسماء : واظن هتقولى اللى بينكوا دلوقتى شغل ..
مصطفى : اه شغل اهدى فيه ايه مالك ؟
اسماء : ماليش انا تعبت واعصابى تعبت ومش قادره استحمل كل الضغط ده . هلاقيها منين انا ولا منين مش قادره استحمل كل ده .. انا ماشيه وفايتالك الدنيا دى كلها ...
مصطفى بيجرى وراها : اسماء ! اسماء عيب اللى بتعمليه ده استنى اسمعى
اسماء : مصطفى ! انا مش عاوزه اسمع حاجه كفايه اوى اللى شوفته النهارده بعينى . لو سمحت سيبنى اروح عند بيت اهلى شويه اريح اعصابى واقرر هعمل ايه ؟
مصطفى : تقررى تعملى ايه ؟ لا يا روح امك استنى انا هوصلك بيت اهلك وماسمعكيش تانى تقولى هتعملى ولا تقررى ايه دى . انتى غصب عن عين اهلك بتاعتى وبتاعتى انا وبس غصب عنك وعن اللى خلفوك انتى تخصينى هو انا هسكتلك ولا ايه ... ؟؟ هبلى زى مانتى عاوزه ف الكلام لكن تقولى الكلمه دى تانى مش هسكتلك يا اسماء .. يلا قدامى اما اوصلك لبيت ابوك
............................
(ف البيت )
مى : ايه ده اسماء ؟ ايه اللى جابك هنا
اسماء : مافيش
مى : يا ماما ! اسماء اختى جايه ومعاها شنطه
اسماء : وطى صوتك بلاش فضايح مش عايزه طنط تعرف
مى : طنط مين ؟ ام مصطفى يعنى ؟ ليه انتى اتخانقتى مع مصطفى ولا ايه .. فيه ايه يا بنتى ؟ امال هو فين ..
اسماء : وصلنى ورجع شغله
ام اسماء : مالك يا حبيبتى فيه ايه
اسماء : مافيش يا ماما حسيت بتعب بسيط كده لما بكون لوحدى ومصطفى ف الشغل قالى روحى اقعدى معاهم اليومين دول بس
ام اسماء : الف سلامه يا روحى . تعالى تعالى
مى : استنى الباب بيخبط
نور : اسماء فين انا شوفتها نازله من عربيه مصطفى من تحت .
اسماء : تعالى يا نور
نور : ايه مالك يا روحى
اسماء بتغمز ل نور قدام امها : مافيش جايه اقعد معاكوا يومين لانى بتعب وانا لوحدى ومصطفى ف الشغل . بتجيلى دوخه كده ومصطفى قالى اجى هنا
نور : احسن بردو خير ما عمل .. والله ورجعت ايامنا هنا يا سوسكا هههههههههههههه
نور : تعالوا ندخل الاوضه بقا وقوليلنا مصطفى عمل ايه لما عرف
اسماء : ماشى ... عن اذنك يا ماما
.....................................
( ف الاوضه )
نور : ها احكيلنا مصطفى عمل ايه ؟
اسماء : مصطفى لسا معرفش ومحدش يجيبلى سيرته مش عاوزه اسمع اسمه
نور : يا نهار الوان .. فيه ايه يا بت انتى ؟ مالك ايه اللى حصل
مى : ليه يا اسماء فيه ايه اللى حصل
اسماء : ابو عيون زايغه مدورها ف المكتب هناك ف شغله وعمال يقابل دى ودى وعايش حياته ومقضيها
نور : مصطفى اخويا ؟
اسماء : اه مصطفى اخوكى ..... وشوفته بعينى قاعد مع واحده لوحدهم وبياخد تليفونها وبتقوله بحبك كمان
نور : اسماء انتى بتتكلمى بجد ولا لا ؟؟ يعنى مصطفى دلوقتى مايعرفش انك حامل وانك جايه هنا غضبانه ؟
اسماء : اه .. بقولكوا ايه انتى وهى .. محدش يعرف من امك ولا امى وابويا انى جايه غضبانه فاهمين ؟
نور : اكيد طبعا مش هنقولهم
اسماء : والاهم من ده مصطفى مايعرفش انى حامل ..
نور : حرام عليك انتى عاوزه تموتيه كده . دا لو عرف ممكن يطين عيشتنا
اسماء : ولا يهمنى .. البصباص ابو عيون زايغه
نور : ههههههههههههههههههه طب انتى قفشتيه يعنى بيعمل ايه
اسماء : بقولك واقف بيضحك معاها وبياخد تليفونها يبقى ايه وسمعتها بتقوله بحبك ؟ لا وبيقولى دى زبونه وجايه تشترى
نور : طب ماهو يمكن كلامه صح يا اسماء وانتى ظلمتيه .. ها وقولتيله ايه تانى ؟
اسماء : هههههههههههههه انا بصراحه ماسكتتش قولت كل اللى ف قلبى .. قولتله هلاقيها منين ولا منين وانا اعصابى تعبت ومابقتش مستحمله كل التعب ده وكل البناات اللى وراك دى .وكلام اهبل كتير بس انا كنت مبقوقه على الاخر وما صدقت اتفتحت .. انا اعصابى تعبت يا نور ومابقتش عارفه اعمل ايه .. اخوكى حواليه بنات كتير وكلهم عاوزينه .. وانا عارفه ان مصطفى مش بيبص هنا ولا هنا وعارفه ومتأكده انه بيحبنى بس انا كل ده ضغط على اعصابى ... بغير عليه من الهوا الطاير عاوزه اقفل عليه حوه قلبى ومحدش يشوفه
نور : هههههههههههههههههه يابنت اللذينه ,, طب هو عمل ايه ؟
اسماء : الحاجه الوحيده اللى فرحتنى ف الموضوع ده ,, لما لقيت البنت اللى معاه بتقولى انتى مين وايه اللى جابك هنا ..... بصلها كأنه هياكلها وقالها انتى مالك انتى دى مراتى
نور : طيب يا روح امك انتى مزوداها ليه ؟ اكيد زبونه وكان بيخلص معاها شغل
اسماء : معرفش بقا اهو اللى عملته .. والبت ساره الجزمه اول ما سمعت صوتى بيعلى انا ومصطفى سابتنى وخدت حسن ومشيوا
نور : هههههههههههههههههههههه ماهما عارفين مصطفى لما بيتعصب مابيشوفش قدامه بس ماكنتش اعرف انك بقيتى نقطه ضعفه وماتعصبش عليك ... انتى بقيتى نقطه قوته وصعفه يا اسماء
نور : طب انتى متأكده انها كانت بتقوله بحبك ؟
اسماء : الصراحه مش متأكده بس انا حاسه انها كانت بتوصف حوار او بتقول حاجه وكلمه بحبك دى جات ف النص .. معرفش مش متأكده
اسماء : طب وبعدين هنعمل ايه
نور : ما تقومى ترجعى بيتك وتعمليهالوا مفاجاه حلوه كده انك مستنياه وكمان هتقوليله الخبر ده .. واطردى الشيطان اللى دخل بينكوا ده .
اسماء : لا هيبقى شكلى وحش .. لازم اتقل عليه شويه واجنن اللى خلفوه عشان يحرم
نور : ما تحترمى نفسك يابت انتى . ده اخويا بردو ههههههههههههههههه
طب بزمتك وانا هسألك سؤال واحد وغلاوه مصطفى عندك تجاوبينى وانتى اللى هتقولى اقعد او ارجع البيت
اسماء : سؤال ايه ؟
نور : انتى تقدرى تبعدى عن مصطفى يوم واحد او ليله واحده ماتناميش ف حضنه
اسماء بتبكى : لا مقدرش طبعا
نور : طب قومى يا روحى يلا اخزى الشيطان ابن الكلب ده وروحى على بيتك
اسماء : انتى شايفه كده ؟
نور ومى ف نفس واحد : اه والله اوعى تزعلى من مصطفى او تزعليه يا اسماء ده بيموت ف التراب اللى بتمشى عليه
اسماء : ماشى انا هقوم ... وهقول لامك ان مصطفى اتصل عليا وقال هيودينى عند دكتور او حاجه
نور : ماتشغليش نفسك بامك .. قومى انتى يلا الحقى قبل ما مصطفى يخرج من شغله واغسلى وشك من الدموع دى .. مانتى بتحبيه اهو ياجزمه انتى
اسماء : بحبه ايه بس ؟ دا مقيدنى ف حبه بسلاسل من نار يا نور ..
نور : الله ! ايه الوصف الحلو ده يخرب عقلك جبتيه منين ؟
اسماء : هههههههههههههههه من اخوك طبعا .. دايما يقولى الوصف ده .. يقولى انتى خلعتى قلبى من مكانه وسلسلتيه بسلاسل نار يابنت الناس <3
نور : يخربيت كده ... هو فيه كده ف الدنيا
اسماء : تصدقوا ان مصطفى وحشنى اوى ...
نور : طب يلا ياختى .. وابقى صورى اللى هيحصل النهارده فيديو عاوزين نشوف رد فعله لما يعرف انه هيبقى اب
اسماء : حاضر ... مع السلامه بقا عشان هو زمانه هيطلع من شغله
............................................
( ف بيت مصطفى )
مصطفى داخل البيت واسماء مستخبيه ومش عامله حس ف البيت نهائي
(تليفون مصطفى بيرن )
مصطفى : الو ! مين
مصطفى : انتى بتتصلى عليا ليه دلوقتى مش فيه مواعيد زفت شغل تتصلى عليا فيها
مصطفى : اتعصب زى منا عاوز اتزفت على دماغ اهلى انتى مالك
مصطفى : ف ستين داهيه غورى
....................
(اسماء بتيجى من وراه وبتحضنه )
مصطفى : بسم الله الرحمن الرحيم
اسماء : حقك عليا انا اسفه
مصطفى : انتى ايه اللى رجعك
اسماء : مايبقاش قلبك اسود بقا قولتلك حقك عليا انا اسفه غصب عنى بتجنن لما بشوفك بتكلم حد او مجرد بس حد يبصلك
مصطفى : والله ؟ مانتى عارفه انى بحب مراتى واستحاله هعمل حاجه من وراها
اسماء : والله عارفه عشان كده قولت اللى قولته واتعصبت وروحت البيت ورجعتلك تانى عشان انا مستحملش اصلا ساعه واحده وانت بعيد عن حضنى
مصطفى : لا والله .. دانتى قولتى كلام كتير النهارده .. بقا انا معيشك ف ضغط عصبى وتاعب اعصابك ؟
اسماء : هههههههههههههه بصراحه اه .. يا اخى دانت مافيش واحده بتشوفك الا وبتحبك
مصطفى : طب وانا مال اهلى انا . انا مالى .. انا اخترتك انتى مش هما
اسماء : واد انت اهدى بقا ولا عليا النعمه اجى اديك حته بوسه هتاخد بعدها 50 غرزه ف شفايفك دى
مصطفى : تصدقى بالله ... انا لو مسكتك دلوقتى لنا هفترى عليك وانا اللى هقطعك وهطلع عليك نكد اليوم كله وهاكلك كلك على بعضك كده .. وبعدين انتى محلوه النهارده كده ليه ؟
اسماء : انا طول عمرى حلوه يا بابا
مصطفى : لا يا حبيبتى بطلى تحلوى احسنلك والله ... هفترى عليك بقولك
اسماء : لا ماينفعش .. من النهارده ورايح لازم كل حاجه تبقى بالهداوه
مصطفى : هى ايه اللى بالهداوه ؟
اسماء : احم احم ههههههههههههههه
مصطفى : ايوه ليه بالهداوه يعنى ؟ ماحنا مع بعض واللى بنطلبه بنعمله
اسماء : تؤتؤ لازم بالهداوه ياعم لاحسن يزعل
مصطفى : هو مين اللى يزعل
اسماء : ابنك
مصطفى : ابنى مين ؟ اسماء انتى قصدك انك .............
اسماء بتشاور براسها : ☺️☺️
مصطفى : وكتاب الله ؟؟ انتى بتتكلمى جد ولا بتهزرى
اسماء : احم . والله بجد . وكنت جايالك النهارده الشغل عشان اقولك الخبر ده
مصطفى : لولولولولولولوللى
اسماء : ههههههههههههههههههههههههههههههه ايه ده انت بتزغرط ؟ هموووووت
مصطفى : دنا لو اطول اتحزم وارقص دلوقتى هعملها .. اسماء بقا انا هبقى اب وانتى هتبقى ام
اسماء : اه يا حبيبى ... انا هطير من الفرحه عشان شايفاك مبسوط كده
مصطفى : انا اللى هعيشك ف راحه وجمال طول عمرك
وهبعد عنك اى تعب اعصاب ياستى .. واى واحده هتبصلى هديها ف وشها
اسماء : ههههههههههههههههههه كده تبقى حبيبى
((مصطفى بيشدها لحضنه جاااااااااااااااامد )))
اسماء : يااااااااااااااه ايه الحضن ده ؟
مصطفى : هتشوفى يا سوسكا انا هعملكوا ايه انتى والمفعوص الصغنن اللى جاى ده
بقا انا هيتقالى انت فين يا ابو حموكشه ورايح فين يا ابو حموكشه وكنت فين يا ابو حموكشه ؟؟
اسماء : بحبك يا ابو حموكشه <3
مصطفى : بحبك يا ام حموكشه <3 ..
اسماء : انت بتبصلى كده ليه ؟
مصطفى : معجب
اسماء : هههههههههههههه طيب يا سي معجب
مصطفى : شفايفك دى عامله كده ليه ؟
اسماء : مصطفى ... اتلم
مصطفى : طب تعالى اقعدى على رجلى
اسماء : اااااااه يانى منك انت وابنك
مصطفى : ماله حموكشه ؟
اسماء : بدأ يرفس ف بطنى وتاعبنى اوى اليومين دول
مصطفى : خلى الواد يلعب يابت هههههههههه بكره ييجى وهعمل تحالف عليك انا وهو
اسماء : ماهى ممكن تبقى بنت وساعتها انا وهى اللى هنجننك
مصطفى : هههههههههههههه لا دى البت معروفه انها بتكون حبيبه ابوها
اسماء : والواد حبيب امه .. هبوسه هو واحضنه ومش هقربلك
مصطفى : مين ياختى ؟؟؟ رجعيه مش عاوزه ، ال تبوسيه ويحضنك ال وانا لا .. دنا احبسك انتى وهو ..
اسماء : ماهو بردو ابنك
مصطفى : ابنى على عينى وراسى احلى اكل واحلى بامبرز واحلى شرب لكن ييجى ياخدك منى ويقطع عليا ولا اعرفه
اسماء : ههههههههههههههههههه اه يانى .. مش بقولك ربنا بلانى بواحد مجنون
بس عارف
وانا باصالك بحس انى لسا بضفيرتين ومش شايله هم الدنيا
معاك بحس انى لسا طفله ومتسنده على ابوها
انت بقيت ابويا
ماشوفتش زيك ف حنيه ولا ف دلع ولا ف جنان
ماعرفتش يعنى ايه راحه وامان غير لما بتيجى عينى ف عينك اللى عاوزه تندب فيها رصاصه دى
مصطفى : عارفه يا سوسكا
لما بقرب منك وبشم ريحتك بحس انى مالك الدنيا دى كلها
لما بروح على شغلى بفضل هيمان وسرحان ف معاليك
انتى زى ما تكونى عمل واتعمللى وربطنى
اسماء : مش هحلك منى ابدا ومافيش حاجه هتاخدك منى ولا هتاخدنى منك
(مصطفى بيبوسها )
اسماء : وبعدين معاك
(اسماء هى اللى بتبوسه )
مصطفى : وبعدين انتى معاك ههههههههههههه تعالى نروح لاهلك واهلى نفرحهم ونتعشى معاهم النهارده
اسماء : ياريت يا حبيبى ... والنهارده لما نرجع عاملالك مفاجأه حلوه
مصطفى : ايه ها ايه ؟ ايه ايه ؟
اسماء : تؤتؤ لما نرجع
مصطفى : ربنا ع المفترى ....
..........................
الحلقه الجايه صعبه على الجميـــــــــــــــع
(يتبع )